2 King 24 - Bislama Bible Revised 2012

1 Jer 25.1-38; Dan 1.1,2 Nao long taem we hem i stap rul yet long Juda, King Nebukadnesa blong Babilonia i kam mekem faet long ol man Juda, i winim olgeta, mo i fosem king ya blong i obei long hem. Be biaen long tri yia, King Jehoeakim i girap, i agens long king ya.

2Nao Hae God i stap sanem ol man Babilonia, mo ol man Siria, mo ol man Moab, mo ol man Amon oli kam mekem faet long King Jehoeakim blong spolem Juda, olsem we hem i bin talem long ol profet blong hem bifo, blong oli talemaot, se bambae hem i mekem.

3Hem i stap sanem ol man ya oli kam blong spolem ol man Juda, mo blong ronemaot olgeta oli gowe long fes blong hem, from ol sin ya we King Manase bifo i bin mekem,

4mo antap moa, from we hem i bin kilim plante man oli ded we oli no mekem samting we i rong. Hem i bin kilim tumas man olsem long Jerusalem oli ded, mo Hae God i no save fogivim olgeta from samting ya.

5Mo ol narafala samting we King Jehoeakim i mekem, ol man oli raetemdaon long buk ya we nem blong hem Ol Stori blong Laef blong ol King blong Juda.

6Mo taem hem i ded, pikinini blong hem Jehoeakin i tekem ples blong hem i kam king.

7Mo long taem ya, king blong Ijip wetem ol soldia blong hem oli no moa kamaot long Ijip bakegen blong kam mekem faet, from we king blong Babilonia i holem olgeta graon we king blong Ijip i holem fastaem, i stat long Yufretes Reva long not, i go kasem mak blong graon blong ol man Ijip, long saed i kam.

King Jehoeakin blong Juda(2 Kronikel 36.9-10)

8Nao long taem we Jehoeakin i kam king blong Juda,* hem i gat eitin yia. Hem i rul tri manis nomo long kantri ya, mo hedkwota blong hem i stap long taon ya Jerusalem.* Mama blong hem Nehustaha, we i dota blong Elnatan, we i man Jerusalem.

9King ya i stap mekem sin agens long Hae God, mo i stap folem ol rabis fasin blong papa blong hem.

10Nao long taem ya we hem i stap rul long Juda, ol kapten blong ol soldia blong King Nebukadnesa wetem ol soldia blong olgeta oli kam hivap raon long Jerusalem, oli blokem ol man oli stap insaed.

11Nao long taem ya, King Nebukadnesa tu i kam long ples ya.

12Jer 22.24-30; 24.1-10; 29.1,2Nao King Jehoeakin wetem mama blong hem, mo ol man blong wok blong hem, mo ol kapten blong hem, mo ol haeman blong hem oli letem olgeta nomo i go long han blong king ya.

Nao long namba eit yia blong King Nebukadnesa blong Babilonia, hem i holem King Jehoeakin, i putum hem long kalabus,

13mo i tekemaot ol gudgudfala samting we oli stap long haos blong Hae God, mo long haos blong king, i karem olgeta i go long taon ya Babilon. Mo olgeta samting ya we King Solomon i bin wokem bifo long gol blong yusum long haos blong Hae God, hem i brebrekem olgeta, i karem olgeta i go. Olgeta samting ya i kamtru stret olsem we Hae God i bin talemaot bifo.

14Mo hem i karemaot ol haeman mo ol lida blong Jerusalem, wetem ol narafala man long taon ya, oli go wok slef* long Babilon, we olgeta evriwan i kasem ten taosen man. Long olgeta ya, i gat olgeta we oli savegud ol fasin blong wok, wetem olgeta we oli save wokem ol samting long aean, mo i livim olgeta nomo we oli pua we i pua oli stap long Juda.

15 Esik 17.12 King Nebukadnesa i tekem King Jehoeakin wetem mama blong hem, mo ol woman blong hem, mo ol haeman blong haos blong hem, mo ol lida blong Juda oli go wok slef long Babilon.

16Mo i karemaot tu olgeta haeman blong ples ya, we i gat seven taosen man olgeta, mo wan taosen man bakegen we oli savegud ol fasin blong wok, wetem olgeta we oli save wokem ol samting long aean, we olgeta evriwan oli strong man, we oli naf blong go long faet.

17 Jer 37.1; Esik 17.13 Nao king ya i tekem wan papa blong King Jehoeakin we nem blong hem Matania, i putumap hem i kam king blong Juda, mo i jenisim nem blong hem, i putum niufala nem blong hem se King Jedekia.

King Jedekia blong Juda(2 Kronikel 36.11-12; Jeremaea 52.1-3)

18 Jer 27.1-22; 28.1-17 Nao long taem we King Jedekia i kam king blong Juda,* hem i gat twanti wan yia. Hem i rul leven yia long kantri ya, mo hedkwota blong hem i stap long taon ya Jerusalem.* Mama blong hem Hamutal, we i dota blong Jeremaea blong taon ya Libnaha.

19King ya i stap mekem sin agens long Hae God, olsem we King Jehoeakim i bin mekem,

20Esik 17.15mo from we Hae God i kros tumas long ol man Jerusalem mo long ol narafala man Juda, hem i ronemaot olgeta i gowe long fes blong hem.