Daniel Sotfala stori blong buk ya - Bislama Bible Revised 2012

Sotfala stori blong buk yaBuk ya DANIEL, i gat tu haf blong hem. Long fas haf, i gat ol stori we i tokbaot Daniel mo trifala fren blong hem, we oli stap aninit long paoa blong king blong Babilonia, mo we oli no moa save gobak long ples blong olgeta bakegen. Olgeta ya oli bilif strong long God mo oli stap obei long hem, nao from samting ya, God i sevem olgeta. Ol stori ya oli tokbaot taem we ol king blong Babilonia oli rulum olgeta kantri raonabaot long Babilonia, mo i tokbaot taem ya tu we biaen ol king* blong Media mo Pesia oli rulum ol kantri ya.Long seken haf, i gat ol vison* we God i soemaot long Daniel. Long ol vison ya hem luk we kantri ya Babilonia i girap, nao i no longtaem i foldaon bakegen, nao narafala kantri i girap, be i no longtaem i foldaon bakegen, mo narafala i girap, be i no longtaem i foldaon bakegen. Mo God i soemaot long hem we bambae paoa blong ol hiten king i finis, mo ol man blong God bambae oli win.Ol haf blong buk yaDaniel mo ol fren blong hem 1.1—6.28

Ol samting we God i soemaot long Daniel long vison 7.1—12.13

Ol fo bigfala anamol 7.1-28

Man sipsip mo nani 8.1—9.27

Man blong karem tok blong God 10.1—11.45

Lasdei 12.1-13