Malakae Sotfala stori blong buk ya - Bislama Bible Revised 2012

Sotfala stori blong buk yaBuk ya MALAKAE oli raetem long taem ya we i gat samwe long fo handred fifti yia* i stap yet blong kam kasem yia we Kraes* i bon long hem. Oli raetem biaen long taem ya we oli wokem haos* ya blong God long Jerusalem* bakegen. Bigfala tingting blong Profet Malakae long buk ya, hem i wantem tumas blong ol pris* wetem ol narafala laen* blong Isrel,* oli mas mekem tingting blong olgeta i stap strong bakegen long promes* we God i mekem wetem olgeta. Mo buk ya i soemaot i klia we ol laen blong Isrel, fasin blong olgeta i nogud, mo oli slak, oli no moa mekem wosip long God long stret fasin. Mo ol pris wetem ol narafala laen blong Isrel, oli stap ravem God long fasin ya we taem oli stap givim presen blong olgeta i go long hem, be oli no mekem long stret fasin, mo oli no givim fulwan long hem. Mo long laef blong olgeta, oli no moa folem ol tok we hem i putum.Be i gat taem i stap kam we God bambae i kam jajem ol man blong hem, mo bambae i mekem laef blong olgeta i klin gud long fes blong hem. Be fastaem, hem bambae i sanem man blong karem tok blong hem, blong mekemrere rod blong hem, mo blong talemaot long olgeta, promes ya blong hem we i mekem wetem olgeta.Ol haf blong buk yaOl sin blong ol laen blong Isrel 1.1—2.16

God bambae i jajem ol man blong hem, be bambae i gat sore long olgeta, i givhan long olgeta2.17—4.6