1“Mi mi luk wan narafala fasin tu we i stap long wol ya, we i nogud tumas, mo i stap spolem ol man.
2Oltaem, God i stap mekem we man i kam rijman, i gat hae nem, mo i gat plante samting. Man ya i gat olgeta samting we hem i wantem, be biaen, bambae God i no letem blong hem i stap glad long ol samting ya. Bambae wan strenja nomo i kam karem ol samting ya, i stap glad long hem. Laef ya blong yumi i blong nating nomo, mo fasin ya i nogud we i nogud.
3Sipos wan man i gat longfala laef, mo i gat wan handred pikinini blong hem, be long laef ya, hem i no stap glad, mo biaen, ol pikinini blong hem oli no berem hem long gudfala fasin, be hemia, longfala laef ya blong hem i blong nating nomo. Long tingting blong mi, fasin ya we i kasem hem i nogud moa, i winim fasin ya we i kasem pikinini we i bon we i ded finis.
4Pikinini olsem, hem i go lus long tudak, nao ol man oli no moa tingbaot hem bakegen. Hem i bon blong nating nomo.
5Neva hem i luk delaet, mo i no save nating se laef i olsem wanem. Wan samting nomo, hem i kasem spel.
6Be long tingting blong mi, nating we olfala ya i stap kasem tu taosen yia, be sipos hem i no stap glad long laef blong hem, fasin ya we i kasem pikinini i moa gud yet, from we tufala evriwan i go long sem ples nomo.
7“Oltaem man i stap mekem ol wok blong hem from wan samting nomo, from we i wantem kasem kakae blong hem, be neva i save talem se i kasem plante.
8?Wanem samting i mekem laef blong waes man i moa gud i winim laef blong man we i no gat hed? !I no gat! !Laef blong tufala i sem mak nomo! ?Maet wan puaman i savegud ol fasin we i stret blong mekem long fes blong ol man, be save ya bambae i givhan long hem olsem wanem?
9Laef ya blong yumi i blong nating nomo. I olsem we yumi stap resis olbaot nomo. I moa gud yumi stap glad long ol samting ya we yumi gat finis, i winim we oltaem yumi stap wantem sam samting moa.
10“Olgeta samting we oli stap kamtru naoia, be God i makemaot olgeta bifo finis se bambae oli olsem. Mo yumi evriwan i save se i no gat man i save go rao long man we i strong moa long hem.
11Sipos tu man i stap rao longtaem, hemia i no givhan long tufala nating, mo sipos tufala i stap pulum i kam longfala moa, bambae i kam mowas.
12Laef blong yumi long wol ya i sotfala tumas, mo i blong nating nomo. ?Olsem wanem bambae yumi save luksave se fasin ya i beswan blong yumi folem? ?Olsem wanem bambae yumi save faenemaot ol samting we bambae i kamtru long wol ya, biaen long taem we bambae yumi ded?
Who We AreWhat We EelieveWhat We Do
2025 by iamachristian.org,Inc All rights reserved.
