1Isakara,* hem i gat fo pikinini boe blong hem we nem blong olgeta, Tola, mo Pua, mo Jasub, mo Simron.
2Tola, hem i gat sikis pikinini boe blong hem we nem blong olgeta, Usi, mo Refaea, mo Jeriel, mo Jamae, mo Jibsam, mo Samuel. Olgeta ya oli stamba blong ol haf blong laen* blong Isakara, mo oli strong man blong faet we ol man bifo oli savegud olgeta. Long taem blong King Deved, namba blong ol laen ya we oli strong man blong faet, i kasem twanti tu taosen sikis handred man.
3Mo Usi i gat wan pikinini boe blong hem, we nem blong hem Jisrahia. Mo Jisrahia i gat fo pikinini boe blong hem we nem blong olgeta Mikael, mo Obadaea, mo Joel, mo Jisia. Mo olgeta ya oli stamba blong ol haf blong ol laen blong Isakara.
4Olgeta oli gat plante woman mo plante pikinini blong olgeta, mo ol laen blong olgeta oli plante we plante. Nao from samting ya, biaen, i gat toti sikis taosen man long olgeta we oli man blong faet.
5Mo long ol lis blong ol famle blong laen blong Isakara we oli raetemdaon nem blong olgeta long buk blong king, i gat nem blong eiti seven taosen man we oli strong man blong faet.
Ol laen blong Benjamin mo ol laen blong Dan mo ol laen blong Naftali6Benjamin,* hem i gat tri pikinini boe blong hem we nem blong trifala, Bela, mo Bekere, mo Jediael.
7Mo Bela, hem i gat faef pikinini boe blong hem we nem blong olgeta i olsem. I gat Esbon, mo Usi, mo Usiel, mo Jerimot, mo Iri. Olgeta ya oli stamba blong ol haf blong laen* blong Benjamin, mo oli strong man blong faet we ol man bifo oli savegud olgeta. Long ol lis blong ol man blong laen ya i gat twanti tu taosen toti fo man we oli man blong faet, we oli raetemdaon nem blong olgeta long buk blong king.
8Mo Bekere, hem i gat naen pikinini boe blong hem we nem blong olgeta, Jemira, mo Joas, mo Eliesa, mo Elioenae, mo Omri, mo Jeremot, mo Abia, mo Anatot, mo Alemet.
9Mo long ol lis blong ol man long ol haf blong laen ya we oli raetemdaon nem blong olgeta long ol buk blong king bifo, i gat nem blong twanti taosen tu handred man we oli strong man blong faet.
10Mo Jediael, hem i gat wan pikinini boe blong hem we nem blong hem Bilhan, mo Bilhan i gat seven pikinini boe blong hem we nem blong olgeta, Jehus, mo Benjamin, mo Ehud, mo Kenahana, mo Sitan, mo Tasis, mo Ahisahara.
11Olgeta ya oli stamba blong ol haf blong laen blong Benjamin, mo oli strong man blong faet we ol man bifo oli savegud olgeta. Mo biaen, long laen ya, i gat seventin taosen tu handred man we oli strong man blong faet.
12Mo Iri, hem i gat tu pikinini boe blong hem, we nem blong tufala, Supim mo Hupim.
Mo Dan,* hem i gat wan pikinini boe blong hem, we nem blong hem Husim.
13Mo Naftali,* hem i gat fo pikinini boe blong hem we nem blong olgeta, Jajiel, mo Guni, mo Jeja, mo Salum. Olgeta long laen ya blong Dan wetem olgeta long laen ya blong Naftali, olgeta evriwan oli kamaot biaen long woman ya Bilhaha bifo.
Ol laen blong Manase14-15Olgeta we oli kamaot biaen long Manase,* nem blong olgeta i olsem. Manase i gat wan narafala woman blong hem we i woman Aram, mo woman ya i bonem tu pikinini boe blong tufala we nem blong tufala, Asriel, mo Makiri we hem i papa blong Gilead. Mo sista blong Makiri, nem blong hem, Mahaka. Makiri, hem i gat narafala pikinini boe blong hem we nem blong hem Jelofehad, be Jelofehad i bonem ol gel nomo. Mo Makiri i faenem tu gel, blong tufala i mared long Hupim mo Supim.
16Makiri i tekem wan woman we nem blong hem Mahaka, mo hem i bonem tu pikinini boe blong tufala, we nem blong tufala, Peres mo Seres. Mo Peres i bonem tu pikinini boe blong hem, we nem blong tufala, Ulam mo Rakem.
17Mo Ulam i bonem wan pikinini boe blong hem, we nem blong hem, Bedan. Hemia olgeta we oli karem nem blong man ya Gilead we papa blong hem Makiri, mo bubu blong hem Manase.
18Woman ya Hamoleket we i sista blong Gilead, hem i gat tri pikinini boe blong hem we nem blong trifala, Isod, mo Abiesa, mo Mala. (
19Mo Semida, hem i gat fo pikinini boe blong hem we nem blong olgeta, Ahian, mo Sekem, mo Liki, mo Aniam.)
Ol laen blong Efrem20Olgeta we oli kamaot biaen long Efrem,* nem blong olgeta i olsem. Efrem, hem i bonem Sutela, mo Sutela i bonem Bered, mo Bered i bonem Tahat, mo Tahat i bonem Eliada, mo Eliada i bonem Tahat,
21mo Tahat i bonem Sabad, mo Sabad i bonem Sutela. Mo Efrem i gat tu narafala pikinini boe blong hem bakegen, we tufala i brata blong Sutela, we nem blong tufala, Eja mo Elead. Tufala ya, wan taem, tufala i traem blong stilim ol buluk blong ol man Gat, mo olgeta oli kilim tufala i ded.
22Long taem ya, Efrem i sore tumas from tufala, i stap harem nogud plante dei, mo ol brata blong hem oli kam luk hem blong mekem tingting blong hem i kam gud bakegen.
23Nao biaen, i no longtaem, woman blong hem i gat bel, mo i bonem wan pikinini boe bakegen blong tufala. Nao from trabol ya we i kasem famle blong hem, Efrem i putum nem long hem se Beria, we klosap i olsem wan tok we i min se “Man i stap long trabol”.
24Mo hem i gat wan dota blong hem tu, we nem blong hem Sehera. Mo olgeta we oli kamaot biaen long woman ya oli go stap long trifala taon ya, Betoron Antap, mo Betoron Daon, mo Usensehera, mo oli kam plante we plante.
25Mo Efrem i gat narafala pikinini boe blong hem tu, we nem blong hem Refa.
Refa, hem i bonem Resef, mo Resef i bonem Tela, mo Tela i bonem Tahan,
26mo Tahan i bonem Lahadan, mo Lahadan i bonem Amihud, mo Amihud i bonem Elisama,
27mo Elisama i bonem Nun, mo Nun i bonem Josua.
28Graon we ol laen* blong Efrem oli tekem oli stap long hem, taon ya Betel i stap long hem, wetem ol vilej we oli stap raonabaot long hem. Mak blong graon ya i stat long taon ya Naharan long is, wetem ol vilej we oli stap raonabaot long hem, mo i go kasem taon ya Sekem long not wetem ol vilej we oli stap raonabaot long hem, mo i go kasem taon ya Gesa long wes wetem, ol vilej we oli stap raonabaot long hem, mo i kambak kasem taon ya Aya long saot, wetem ol vilej we oli stap raonabaot long hem.
29Mo ol laen blong Manase* oli holem ol graon long saed i go long not, i go kasem ol taon ya Betsean, mo Tahanak, mo Megido, mo Doro wetem ol vilej we oli stap raonabaot long olgeta.
Olgeta graon ya nao oli stap long han blong tufala laen ya we oli kamaot biaen long Josef, pikinini blong Isrel* ya bifo.
Ol laen blong Asere30Olgeta we oli kamaot biaen long Asere,* nem blong olgeta i olsem. Asere, hem i gat fo pikinini boe blong hem we nem blong olgeta Jimnaha, mo Jisva, mo Jisvi, mo Beria. Mo i gat wan dota blong hem, we nem blong hem, Sera.
31Beria, hem i gat tu pikinini boe blong hem we nem blong tufala, Heba mo Malkiel. Mo olgeta we oli kamaot biaen long Malkiel oli statem taon ya Birisavit.
32Mo Heba i gat tri pikinini boe blong hem we nem blong trifala, Jaflet, mo Somere, mo Hotam. Mo i gat wan dota blong hem we nem blong hem, Sua.
33Mo Jaflet i gat tri pikinini boe blong hem we nem blong trifala, Pasak, mo Bimal, mo Asvat.
34Mo Somere, hem i gat tri pikinini boe blong hem we nem blong trifala, Roga, mo Hubaha, mo Aram.
35Hotam i gat fo pikinini boe blong hem we nem blong olgeta, Jofaha, mo Jimna, mo Seles, mo Amal.
36Mo Jofaha, hem i gat leven pikinini boe blong hem we nem blong olgeta, Sua, mo Hanefa, mo Sual, mo Beri, mo Jimraha,
37mo Bejere, mo Hod, mo Sama, mo Silsaha, mo Jitran, mo Behera.
38Mo i gat wan narafala man we nem blong hem Jeta, we i gat tri pikinini boe blong hem we nem blong trifala, Jefune, mo Pispa, mo Ara.
39Mo i gat wan narafala man we nem blong hem Ulaha, we i gat tri pikinini boe blong hem we nem blong trifala, Araha, mo Haniel, mo Rijia.
40Olgeta ya oli kamaot biaen long Asere, mo oli stamba blong ol haf blong laen* blong hem. Olgeta ya oli gudfala lida, mo oli strong man blong faet we ol man bifo oli savegud olgeta. Long laen ya, i gat twanti sikis taosen man we oli strong man blong faet, we oli raetemdaon ol nem blong olgeta long ol buk blong king bifo.
Who We AreWhat We EelieveWhat We Do
2025 by iamachristian.org,Inc All rights reserved.
