Sam 119 - Bislama Bible Revised 2012

Loa blong Hae God(Tok i go long ol man.)

1Olgeta.

Ol man we laef blong olgeta i stret,

we oltaem oli stap folem Loa* blong Hae God,

bambae oli save harem gud.

2Ol man we oli stap obei long hem

long olgeta tingting blong olgeta,

mo we oli stap folem ol rul

we hem i mekem,

bambae oli save harem gud.

3Neva oli mekem samting we i rong,

oltaem oli stap folem fasin blong hem.

(Tok i go long Hae God.)

4Hae God.

Yu yu givim ol loa blong yu long mi,

blong mi mi holemstrong olgeta,

mi obei long olgeta.

5Mi mi wantem tumas

blong mi stap strong oltaem

blong folem ol tijing blong yu.

6Sipos mi stap lesin gud long ol tok

we yu yu putum,

bambae ol man oli no save mekem

mi mi sem.

7Ol tingting blong yu i stret,

mo sipos mi stap lanem olgeta,

bambae tingting blong mi i kam klin,

nao bambae mi presemgud yu.

8Oltaem bambae mi obei long ol tijing blong yu.

!Plis yu no lego mi!

Yumi mas obei long Loa blong Hae God(Tok i go long Hae God.)

9Hae God.

Mi mi yangfala nomo.

?Bambae mi save mekem

laef blong mi i klin olsem wanem?

Mi mi mas obei long ol tok blong yu.

10Mi mi stap traehad

long olgeta tingting blong mi,

blong mekem wok blong yu.

Plis yu halpem mi,

blong mi no lego

ol tok we yu yu putum.

11Oltaem mi stap holem ol tok blong yu

long tingting blong mi,

blong bambae mi no save mekem sin agens long yu.

12Hae God, mi mi presem yu.

Plis yu tijim mi long ol rod blong yu.

13Bambae mi stap talemaot bakegen

ol tingting blong yu we yu yu talem.

14Mi mi glad blong folem ol rul

we yu yu mekem,

i winim we mi mi glad

from we mi rijman.

15Oltaem mi stap tingting long ol loa blong yu,

mo mi stap tingbaot ol fasin blong yu.

16Oltaem mi mi glad tumas

long ol tijing blong yu,

mi no save fogetem ol tok blong yu.

Prea blong man we i obei long Loa blong Hae God(Tok i go long Hae God.)

17Hae God.

Mi mi man blong wok blong yu.

Plis yu mekem i gud long mi,

nao bambae mi save stap laef,

mi save obei long ol tok blong yu.

18Plis yu openem ae blong mi

blong mi save luk ol gudgudfala samting

long Loa* blong yu.

19Bambae mi mi stap long wol ya

blong smol taem nomo,

plis yu no haedem ol tok ya long mi

we yu yu putum.

20Oltaem nomo,

mi mi wantem we mi wantem tumas

blong savegud ol tingting blong yu.

21Ol praod man oli no save obei

long ol tok we yu yu putum,

nao yu tok long olgeta,

yu talem long olgeta

se oli mas lus.

22Olgeta ya oli stap sakem ol rabis tok long mi,

mo oli stap laf nogud long mi.

Plis yu sevem mi

blong ol tok ya i no spolem mi,

from we mi mi stap holem ol rul

we yu yu mekem.

23Nating we ol haeman oli sidaon,

oli mekem plan agens long mi,

be mi mi man blong wok blong yu,

mo oltaem bambae mi stap tingting

long ol loa blong yu.

24Ol rul we yu yu mekem,

oltaem oli stap mekem mi mi harem gud.

Oli olsem man blong givim waestok long mi.

Prea blong man we i mekem tingting blong hem i strong blong obei long Loa blong Hae God(Tok i go long Hae God.)

25Hae God.

Mi harem se klosap mi mi ded.

Plis yu mekem mi mi laef bakegen,

olsem we tok blong yu i talem.

26Mi mi talemaot olgeta samting nogud

we mi bin mekem,

mo yu yu harem prea blong mi.

Plis yu tijim mi

long ol rod blong yu.

27Plis yu givhan long mi

blong mi savegud ol loa blong yu,

nao bambae mi stap tingting

long ol bigbigfala wok blong yu.

28Mi mi harem nogud we i nogud.

Plis yu mekem mi mi strong,

olsem we tok blong yu i talem.

29Plis yu lukaot long mi

blong mi no folem rod blong giaman,

yu kaen long mi

yu tijim mi long Loa* blong yu.

30Mi mi jusumaot finis,

se bambae mi holem ol fasin we yu yu wantem,

mo bambae mi stap lesin long ol tingting blong yu.

31Hae God,

mi mi stap folem ol rul we yu yu mekem.

Plis yu no letem

ol man oli mekem mi mi sem.

32Mi wantem tumas

blong obei long ol tok we yu yu putum,

from we yu bambae yu mekem

mi mi save olgeta moa.

Prea blong man we i wantem kasem save(Tok i go long Hae God.)

33Hae God.

Plis yu lanem mi long mining

blong ol tok we yu tijim mi long hem,

nao bambae mi obei long hem oltaem.

34Yu talemaot mining blong Loa* blong yu long mi,

nao bambae mi obei long hem,

mi holemgud long olgeta tingting blong mi.

35Plis yu givhan long mi

blong oltaem mi stap obei

long ol tok we yu yu putum,

from we oli stap mekem mi mi glad.

36Plis yu mekem

we oltaem bambae mi wantem moa

blong obei long ol rul we yu yu mekem,

i winim we mi wantem kam rijman.

37Plis yu blokem mi

blong mi no save folem ol fasin ya

we i nogat wan gudfala samting

i save kamaot long hem.

Plis yu mekem

we mi mi gat gudfala laef,

we i folemgud ol fasin blong yu.

38Mi mi man blong wok blong yu,

plis yu holem promes blong yu

we yu mekem long mi.

Promes ya i stap long olgeta

we oli stap obei long yu.

39Mi mi fraet tumas

long ol tok nogud blong ol man

we oli stap agens long mi.

Plis yu sevem mi,

from we ol tingting blong yu i gud tumas.

40Mi mi wantem tumas

blong obei long ol loa blong yu.

Plis yu mekem laef blong mi i kam niuwan,

from we fasin blong yu i stret gud.

Prea blong man we i trastem Loa blong Hae God(Tok i go long Hae God.)

41Hae God.

Plis yu soemaot long mi

we oltaem nomo, yu yu lavem mi.

Plis yu sevem mi

olsem we yu yu promes.

42Nao from we mi mi trastem tok blong yu,

bambae mi save ansa long olgeta

we oli stap tok nogud long mi.

43Plis yu givhan long mi

blong mi save talem trutok oltaem nomo,

from we oltaem,

mi mi trastem ol tingting blong yu.

44Mi bambae mi stap obei long Loa* blong yu oltaem,

gogo i no save finis.

45Bambae mi stap gud we mi fri olgeta,

from we mi stap traem

blong obei long ol loa blong yu.

46Bambae mi stanap long fes blong ol king,

mi talemaot ol rul we yu yu mekem,

we bambae mi no save sem from.

47Taem mi stap obei long ol tok we yu yu putum,

mi luk we oltaem mi mi stap harem gud

from we mi laekem ol tok blong yu tumas.

48Mi mi stap tinghevi

long ol tok we yu yu putum,

mo mi laekem olgeta tumas.

Oltaem nomo,

bambae mi stap tingting gud

long ol tijing ya blong yu.

Prea blong man we i bilif strong long Loa blong Hae God(Tok i go long Hae God.)

49Hae God.

Mi mi man blong wok blong yu.

Plis yu tingbaot ol tok blong yu

we yu talem long mi,

from we hem i mekem

tingting blong mi i strong.

50Nating we mi mi harem nogud,

be yu yu mekem mi mi harem gud bakegen,

from we promes blong yu i mekem mi mi laef.

51Oltaem ol praod man oli stap laf nogud long mi,

be mi mi no gowe long Loa* blong yu.

52Hae God,

taem mi tingbaot ol tingting blong

yu we yu mekem bifo olgeta,

be oli mekem tingting blong mi i kam strong bakegen.

53Taem mi luk

we ol man nogud oli tanem baksaed

long Loa blong yu,

mi mi kros we mi kros.

54Long smoltaem ya we mi stap long wol ya,

mi mi wokem plante singsing

we oli tokbaot ol loa blong yu.

55Hae God,

long naet mi stap tingbaot yu,

mo mi stap tingting long Loa blong yu.

56Taem mi stap obei long ol loa blong yu,

mi mi harem we mi glad we mi glad.

Prea blong man we i laekem Loa blong Hae God(Tok i go long Hae God.)

57Hae God.

Olgeta laef blong mi, yu nao.

Mi mi promes

blong obei long ol tok blong yu.

58Long olgeta tingting blong mi,

mi askem long yu blong yu sore long mi,

olsem we yu yu promes.

59Mi mi tingting gud finis

long ol fasin blong yu,

nao mi tanem tingting blong mi

blong folem ol rul we yu yu mekem.

60Mi mi no tektaem,

mi girap mi obei long ol tok we yu yu putum.

61Ol man nogud oli putum wan trap finis blong kasem mi,

be mi mi no fogetem Loa* blong yu.

62Long medel naet,

mi wekap mi presem yu,

from we ol tingting blong yu oli stret gud.

63Mi mi stap fren long olgeta man

we oli stap wok blong yu

mo oli stap obei long ol loa blong yu.

64Hae God,

wol ya i fulap long fasin ya blong yu

we yu yu lavem man tumas.

Plis yu tijim mi long ol rod blong yu.

Loa blong Hae God i wan gudfala samting(Tok i go long Hae God.)

65Hae God.

Yu yu stap holem tok blong yu.

Mi mi man blong wok nomo blong yu,

be yu yu kaen gud long mi.

66Plis yu givim waes mo save long mi

from we mi mi trastem ol tok we yu yu putum.

67Bifo, taem yu no panisim mi yet,

mi stap folem rod we i no stret,

be naoia,

mi stap obei long tok blong yu.

68Yu yu gud tumas, yu kaen tumas.

Plis yu tijim mi long ol rod blong yu.

69Ol praod man oli stap tokbaot mi

long ol giaman toktok.

Be mi mi stap holem ol loa blong yu,

mi stap folem olgeta

long olgeta tingting blong mi.

70Ol man ya oli no gat hed,

be mi mi stap harem gud tumas

long Loa* blong yu.

71I gud tumas we yu yu panisim mi,

from we panis ya i mekem

we mi mi lanem ol tok ya

we yu tijim mi long hem.

72Long mi,

Loa blong yu i gud moa,

i winim olgeta mane long wol ya.

Loa blong Hae God i jajem man long stret fasin(Tok i go long Hae God.)

73Hae God.

Yu yu mekem mi,

mo yu stap lukaot gud long mi

blong mi mi sef.

Plis yu givim save long mi

blong mi save lanem ol tok

we yu yu putum.

74Taem olgeta we oli stap ona long yu

oli luk mi,

bambae oli glad

from we mi mi stap trastem ol tok blong yu oltaem.

75Hae God,

mi mi save we yu stap jajem man long stret fasin,

mo we yu yu panisim mi,

from we yu stap holem tok blong yu.

76Mi mi man blong wok blong yu,

mo oltaem yu yu lavem mi tumas.

Plis yu mekem

tingting blong mi i strong bakegen,

olsem we yu yu promes.

77Oltaem mi mi stap harem gud

long Loa* blong yu.

Plis yu sore long mi,

yu givhan long mi,

nao bambae mi save stap laef.

78Ol praod man ya

oli stap spolem nem blong mi

long ol giaman toktok blong olgeta.

Plis yu mekem olgeta oli sem from.

Be mi,

oltaem bambae mi stap tingting gud

long ol loa ya blong yu.

79Mi mi wantem

se olgeta we oli stap ona long yu,

mo we oli save ol rul we yu yu mekem,

bambae oli kam long mi.

80Plis, mi mi wantem

blong obei long ol tijing blong yu,

blong ol man oli no save mekem

mi mi sem.

Man i prea blong Hae God i sevem hem(Tok i go long Hae God.)

81Hae God.

Mi mi slak tumas,

from we mi stap wet long yu

blong yu sevem mi.

Be mi mi putum tingting blong mi

i stap long tok blong yu.

82Oltaem mi stap waj blong luk

we promes blong yu i kamtru,

gogo ae blong mi i soa from.

Mi stap askem se,

“?Wetaem bambae yu yu halpem mi?”

83Mi mi kam nogud finis,

olsem olfala skin* blong nani,

we i no moa gud

blong putum waen long hem bakegen,

be mi stap tingbaot ol tijing blong yu yet.

84?Bambae mi wet gogo kasem wetaem?

?Wetaem bambae yu panisim olgeta

we oli stap mekem i nogud tumas long mi?

85Ol praod man ya

we oli no save ona long Loa* blong yu,

oli putum ol trap finis blong kasem mi.

86Olgeta tok we yu yu putum oli stret,

man i save trastem olgeta,

be ol man ya oli stap mekem ol giaman toktok

agens long mi.

Plis yu givhan long mi.

87Klosap nomo olgeta oli win,

oli kilim mi mi ded,

be mi no tanem baksaed nating

long ol loa blong yu.

88Oltaem yu yu lavem mi tumas.

Plis yu no letem mi mi ded,

yu holem mi mi stap laef,

blong mi save obei long ol rul

we yu yu mekem.

Prea blong man we i bilif long Loa blong Hae God(Tok i go long Hae God.)

89Hae God.

Tok blong yu bambae i stap

gogo i no save finis.

Tok ya i stap long heven,

mo hem i no gat stat blong hem,

mo i no gat en blong hem.

90Fasin blong yu

we oltaem yu stap holem ol promes blong yu,

hem i stap oltaem,

mo bambae i no save finis.

Yu yu stanemap wol ya long ples blong hem,

mo hem i stap kam kasem tede.

91Mo from we tingting blong yu i olsem,

oltaem olgeta samting oli stap mekem wok blong yu.

92Bifo,

mi mi stap harem nogud tumas

long bodi blong mi,

mo sipos Loa* blong yu i no stap mekem mi mi glad,

mi mi ded finis.

93Neva bambae mi tanem baksaed

long ol loa blong yu,

from we yu yu stap yusum olgeta

blong holem mi mi stap laef.

94Mi mi man blong yu,

plis yu sevem mi.

Oltaem mi stap traehad

blong obei long ol loa ya.

95Ol man nogud oli stap wet

blong kilim mi,

be mi bambae mi stap tingting

long ol rul we yu yu mekem.

96Mi mi luk finis

we ol gudgudfala samting oli gat en blong hem,

be tok we yu yu putum i no gat en blong hem,

mo bambae i no save finis samtaem.

Prea blong man we i laekem Loa blong Hae God(Tok i go long Hae God.)

97Hae God.

Mi mi laekem Loa* blong yu tumas,

mi stap tingting long hem

i stat long moning, gogo kasem sapa.

98Tok ya we yu yu putum

i stap oltaem long tingting blong mi,

i stap mekem mi mi waes moa,

i winim ol enemi blong mi.

99From we oltaem mi mi stap tingting

long ol rul we yu yu mekem,

mi mi save plante samting moa,

i winim ol tija blong mi.

Psalms

100Oltaem, mi mi stap obei

long ol loa blong yu

nao mi mi waes moa,

i winim ol ololfala.

Psalms

101Mi mi no save folem ol fasin nogud,

from we mi wantem obei long ol tok blong yu.

Psalms

102Mi no save tanem baksaed

long ol tingting blong yu,

from we yu yu tija blong mi.

Psalms

103Mi traem ol tok blong yu,

mi harem i swit gud.

Hem i swit we i swit,

i winim hani.*

Psalms

104Mi mi kasem waes long ol loa blong yu,

nao mi no laekem nating ol rabis fasin,

mi agens long olgeta.

Loa blong Hae God i givim laet long man(Tok i go long Hae God.)

Psalms

105Hae God.

Tok blong yu i olsem laet.

Oltaem hem i stap soemaot rod blong mi,

mo i stap lidim mi.

Psalms

106Ol tingting blong yu i stret olgeta.

Mi mi mekem wan strong promes finis blong folem olgeta,

mo oltaem bambae mi stap holemgud promes ya.

Psalms

107Hae God,

mi mi stap harem nogud tumas long bodi blong mi.

Plis yu holem mi mi stap laef,

olsem we tok blong yu i talem.

Psalms

108Hae God,

mi mi presem nem blong yu.

Plis yu harem prea blong mi,

mo yu tijim mi,

blong mi savegud ol tingting blong yu.

Psalms

109Oltaem mi mi stap pas klosap nomo long ded,

be mi no save fogetem Loa* blong yu.

Psalms

110Ol man nogud oli putum wan trap

blong kasem mi,

be mi mi no tanem baksaed

long ol loa blong yu.

Psalms

111Ol rul we yu yu mekem,

bambae oli rul blong mi oltaem nomo.

Oltaem oli stap mekem tingting

blong mi i glad tumas.

Psalms

112Mi talem finis,

se oltaem, bambae mi mi stap obei

long ol tijing blong yu,

gogo kasem we mi mi ded.

Loa blong Hae God i save sevem man(Tok i go long Hae God.)

Psalms

113Hae God.

Mi mi laekem Loa* blong yu tumas,

be olgeta we oli gat tu tingting,

mi mi no laekem olgeta nating.

Psalms

114Yu yu stap lukaot gud long mi,

mo yu stap blokemgud mi.

Oltaem mi mi putum tingting blong mi

i stap long tok blong yu nomo.

(Tok i go long ol man.)

Psalms

115!Ol man nogud!

Yufala i gowe long mi,

blong mi save obei long ol tok

we God blong mi i putum.

(Tok i go long Hae God.)

116Hae God.

Plis yu mekem mi mi strong

olsem we yu yu promes,

nao bambae mi stap laef.

Mi mi putum tingting blong mi i stap long yu.

Plis yu no letem

tingting blong mi i foldaon bakegen.

117Plis yu holem han blong mi

blong mi save sef,

nao oltaem

bambae mi stap tingbaot ol tijing blong yu.

Psalms

118Yu yu stap tanem baksaed long olgeta

we oli no save obei long ol tijing blong yu,

nao ol rabis trik blong olgeta

oli blong nating nomo.

Psalms

119Olgeta man nogud long wol ya,

yu yu stap luk olgeta olsem rabis nomo,

taswe mi mi laekem ol rul

we yu yu mekem.

Psalms

120Taem mi tingbaot fasin blong yu blong jajem man,

mi mi fraet we mi fraet,

nao mi seksek from.

Prea blong man we i obei long Loa blong Hae God(Tok i go long Hae God.)

Psalms

121Hae God.

Oltaem mi mi stap mekem ol samting

we i gud mo i stret.

Plis yu no letem

mi mi go long han blong olgeta

we oli wantem spolem mi.

Psalms

122Mi mi man blong wok blong yu.

Mi wantem blong yu yu promes

se bambae yu givhan long mi.

Plis yu no letem

ol praod man oli daonem mi,

oli spolem mi.

Psalms

123Yu yu promes finis blong sevem mi,

mo oltaem mi stap waj

blong luk gudfala promes ya blong yu i kamtru,

gogo ae blong mi i soa from.

Psalms

124Oltaem yu yu lavem man tumas.

Plis yu mekem olsem long mi,

mo yu tijim mi long ol rod blong yu.

Psalms

125Mi mi man blong wok blong yu.

Plis yu givhan long mi

blong mi savegud ol tok blong yu,

blong mi save kasem ol rul

we yu yu mekem.

Psalms

126Hae God,

naoia i taem blong yu yu mekem

wan samting long ol man ya,

from we oli no save obei long Loa* blong yu.

Psalms

127Ol tok we yu yu putum,

mi mi laekem olgeta

i winim we mi laekem gol,

i winim we mi laekem gudfala gol ya

we i klin gud, i beswan,

Psalms

128taswe mi stap folem ol loa blong yu.

Be olgeta fasin we i no stret,

mi mi no laekem olgeta nating,

mi agens long olgeta.

Prea blong man we i wantem obei long Loa blong Hae God(Tok i go long Hae God.)

Psalms

129Hae God.

Ol rul we yu yu mekem

oli gud we i gud,

taswe mi mi glad tumas

blong obei long olgeta.

Psalms

130Taem mining blong ol tok blong yu i klia,

hem i givim laet long man,

mo i mekem

man we i no gat save i kam waes.

Psalms

131Mi mi wantem tumas

blong kasem ol tok we yu yu putum,

olsem anamol we i tosta tumas

i wantem dring.

Psalms

132Plis yu lukluk i kam long mi,

yu givhan long mi long gladhat blong yu,

olsem we yu stap mekem oltaem

long olgeta we oli lavem yu.

Psalms

133Plis yu lukaot gud long mi

blong mi no foldaon long sin.

Plis yu holem promes blong yu,

yu no letem rabis fasin i winim mi.

Psalms

134Plis yu tekemaot mi long han blong olgeta

we oli stap spolem mi,

blong mi save obei long ol loa blong yu.

Psalms

135Yu yu stap wetem mi.

Plis yu tijim mi long ol rod blong yu,

mo yu mekem mi mi harem gud.

Psalms

136Oltaem mi mi stap krae tumas,

from we ol man oli no save obei

long Loa* blong yu.

Stret fasin i kamaot long Loa blong Hae God(Tok i go long Hae God.)

Psalms

137Hae God.

Yu yu stret olgeta,

mo yu stap jajem man long stret fasin.

Psalms

138Ol rul we yu yu mekem oli stret gud,

mo oli wok sem mak nomo long olgeta man.

Psalms

139Mi mi kros

we tingting blong mi i hot we i hot,

from we ol enemi blong mi

oli fogetem ol tok blong yu.

Psalms

140!Promes blong yu i tru we i tru!

!Mi mi laekem tumas!

Psalms

141Mi mi man nating nomo,

mo ol man oli stap lukluk nogud long mi,

be mi mi no save lego ol loa blong yu.

Psalms

142Stret fasin blong yu bambae i stap olwe

gogo i no save finis,

mo Loa* blong yu i tru olgeta.

Psalms

143Oltaem mi mi trabol mo mi wari tumas,

be ol tok we yu yu putum

oli stap mekem mi mi glad.

Psalms

144Oltaem ol rul we yu yu mekem oli stret nomo.

Plis yu givhan long mi blong mi savegud olgeta,

nao bambae mi save stap gud long laef blong mi.

Man i prea blong Hae God i sevem hem(Tok i go long Hae God.)

Psalms

145Hae God.

Mi mi stap krae long yu

long olgeta tingting blong mi.

Plis yu harem krae blong mi.

Mi mi promes blong obei long ol tijing blong yu.

Psalms

146Mi mi stap krae long yu.

Plis yu sevem mi,

blong mi save holem ol rul

we yu yu mekem.

Psalms

147Oltaem, taem san i no girap yet,

mi stap krae long yu

blong yu givhan long mi.

Mi putum tingting blong mi

i stap long ol tok blong yu.

Psalms

148Oltaem, long naet,

mi no save slip,

mi stap tingting long ol promes blong yu.

Psalms

149Hae God,

oltaem yu yu lavem man tumas,

plis yu harem mi.

Yu yu stap jajem man long stret fasin.

Plis yu lukaot gud long laef blong mi.

Psalms

150Ol man nogud ya we oli stap spolem mi,

naoia oli kam klosap long mi.

Be olgeta ya,

neva oli holem Loa* blong yu.

Psalms

151Be yu, Hae God,

oltaem yu stap klosap moa long mi,

mo ol tok we yu yu putum

oli tru olgeta.

Psalms

152Ol rul ya we yu yu mekem,

mi mi save olgeta longtaem finis.

Yu yu putum olgeta blong oli stap oltaem,

gogo i no save finis.

Man i prea blong Hae God i givhan long hem(Tok i go long Hae God.)

Psalms

153Hae God.

Mi mi stap harem nogud tumas

long bodi blong mi.

Plis yu luk long mi,

yu tekemaot mi long trabol ya,

from we mi no save lego Loa* blong yu.

Psalms

154Plis yu givhan long mi,

yu mekem mi mi fri,

yu sevem mi olsem we yu yu promes.

Psalms

155Ol man nogud,

yu no save sevem olgeta,

from we oli no save obei

long ol tijing blong yu.

Psalms

156Hae God,

fasin blong yu we yu gat sore long man,

hem i bigfala tumas.

Plis yu jajem mi long stret fasin,

yu sevem mi.

Psalms

157Mi mi gat plante enemi blong mi

we oli stap traem blong spolem mi,

be mi mi no foldaon nating,

oltaem mi stap obei long ol rul

we yu yu mekem.

Psalms

158Taem mi luk ol man blong yu

we oli stap joen wetem ol enemi blong yu,

mi no wantem olgeta nating,

from we oli no moa holem ol tok blong yu.

Psalms

159Hae God,

oltaem yu yu lavem man tumas.

Plis yu lukluk gud long mi.

Mi mi laekem ol loa blong yu tumas,

plis yu sevem mi.

Psalms

160Stamba blong ol tok blong yu,

hem i trutok.

Ol tingting blong yu oli stret nomo,

mo bambae oli stap oltaem,

gogo i no save finis.

Prea blong man we i laekem Loa blong Hae God(Tok i go long Hae God.)

Psalms

161Hae God.

Ol haeman oli stap spolem mi tumas,

be from nating nomo.

Oltaem mi stap tinghevi

long ol tok blong yu.

162Mi mi glad tumas long ol tok blong yu.

Mi glad we mi glad,

olsem man we i win long faet,

i karem plante gudgudfala samting i kamhom.

Psalms

163Mi mi no laekem nating

ol fasin blong giaman,

mi agens long olgeta,

be mi laekem Loa* blong yu tumas.

Psalms

164Ol tingting blong yu i stret gud,

mo from samting ya,

mi mi stap leftemap nem blong yu

seven taem long wan dei.

165Olgeta we oli laekem Loa blong yu

oli stap gud oltaem nomo,

i no gat wan samting

we i save mekem olgeta oli foldaon.

Psalms

166Hae God,

mi mi stap wet long yu blong yu sevem mi,

mo oltaem mi stap folem ol tok we yu yu putum.

Psalms

167Mi stap obei long ol rul we yu yu mekem,

mo mi laekem olgeta tumas.

Psalms

168Mi stap obei long ol rul mo ol loa blong yu.

Yu yu stap luk evri samting we mi mi mekem.

Man i prea blong Hae God givhan long hem(Tok i go long Hae God.)

Psalms

169Hae God.

Plis yu harem krae blong mi,

yu givhan long mi.

Plis yu mekem

mi mi savegud ol tok blong yu,

olsem we yu yu promes.

Psalms

170Plis yu lesin long prea blong mi,

mo yu sevem mi,

olsem we tok blong yu i talem.

Psalms

171Oltaem bambae mi stap presem yu,

from we yu stap tijim mi

long ol rod blong yu.

Psalms

172Bambae mi singsing

blong tokbaot ol tok blong yu,

from we olgeta tok we yu yu putum

oli stret nomo.

Psalms

173Plis yu mas rere oltaem blong givhan long mi,

from we mi stap folem ol loa blong yu.

Psalms

174Hae God,

mi mi wantem tumas blong yu sevem mi,

from we oltaem,

Loa* blong yu i stap mekem

mi mi glad tumas.

Psalms

175Plis yu holem mi mi stap laef

blong mi save presem yu,

mo yu letem

ol tingting blong yu i lidim mi.

Psalms

176Mi mi man blong wok blong yu,

be mi lusum rod olsem wan sipsip we i lus.

Plis yu kam lukaot mi,

from we mi mi no tanem baksaed

long ol tok we yu yu putum.