Sam 13 - Bislama Bible Revised 2012

Prea we man i mekem blong Hae God i givhan long hem(Sing ya, Deved i wokem.)(Tok i go long Hae God.)

1Hae God.

?Bambae yu stap fogetem mi

gogo kasem wetaem?

?Oltaem nomo?

?Bambae yu stap haed long mi

gogo kasem wetaem?

2?Bambae mi mi stap long trabol

gogo kasem wetaem?

?Bambae mi stap harem nogud long tingting blong mi

long dei mo long naet

gogo kasem wetaem?

?Bambae ol enemi blong mi oli stap winim mi

gogo kasem wetaem?

3Hae God,

yu yu God blong mi.

Plis yu luk long mi,

yu harem krae blong mi.

Plis yu mekem mi mi strong bakegen,

yu no letem mi mi ded.

4Yu no letem ol enemi blong mi

oli talem se, “Yumi winim hem finis.”

Yu no letem olgeta oli glad

from we oli daonem mi.

5Mi mi trastem yu

from fasin ya blong yu

we oltaem yu yu lavem man tumas.

Mi bambae mi glad,

from we yu bambae yu sevem mi.

6Hae God,

mi bambae mi sing long yu,

from we yu bin mekem i gud tumas long mi.