Joel Sotfala stori blong buk ya - Bislama Bible Revised 2012

Sotfala stori blong buk yaProfet Joel, hem i wan man we ol man oli no savegud stori blong laef blong hem, mo oli no save stret wetaem hem i bon, mo wetaem hem i ded. Be buk ya, plante man oli ting se hem i raetem samwe long taem ya we ol man Pesia oli rulum ol laen* blong Isrel*. Long taem ya i gat samwe long fo handred yia* i stap yet blong kam kasem yia we Kraes* i bon long hem.Long buk ya, profet i tokbaot ol lokis* we oli kam insaed long kantri blong olgeta, oli kam spolem olgeta kakae, mo olgeta narafala samting we oli stap gru long ples ya. Hem i luk we ol samting ya i saen blong bigfala Dei blong Hae God, we bambae i kamtru. Long taem ya, Hae God bambae i givim panis long olgeta ya we oli agens long ol stret fasin blong hem.Mo profet i talemaot we Hae God i stap singaot ol man blong hem, blong oli mas tanem tingting blong olgeta from ol rabis fasin blong olgeta, mo i promes blong blesem olgeta, i mekem olgeta oli stap gud bakegen.Long buk ya nao, hem i promes blong i sanem Tabu Spirit i kam long olgeta man. Hem i promes blong sanem i kam long ol man wetem ol woman, mo ol yangfala wetem ol olfala, long sem fasin nomo.Ol haf blong buk yaTrabol we ol lokis oli kam mekem 1.1—2.17

Hae God i promesse bambae i mekem ol man blong hemoli stap gud bakegen 2.18-27

Bigfala Dei blong Hae God 2.28—3.21