1Isrel* we fastaem nem blong hem Jekob,* hem i gat twelef pikinini boe blong hem, we nem blong olgeta i olsem. I gat Ruben,* mo Simeon,* mo Livae,* mo Juda,* mo Isakara,* mo Sebulun,*
2mo Dan,* mo Josef, mo Benjamin,* mo Naftali,* mo Gad,* mo Asere*.
Ol laen blong Juda3Juda* i gat faef pikinini boe blong hem. Woman blong hem, Batsua, we i woman Kenan,* hem i bonem tri pikinini boe blong tufala, we nem blong trifala, Ere, mo Onan, mo Sela. Fasbon pikinini ya Ere, hem i wan man we i no stret long fes blong Hae God, nao Hae God i kilim hem i ded.
4Mo biaen, Juda i slip wetem Tamara, wido blong pikinini ya blong hem, nao i bonem tu pikinini boe blong hem bakegen, we nem blong tufala, Peres, mo Sera. Hemia nao ol faef pikinini boe blong hem.
5Peres i gat tu pikinini boe blong hem we nem blong tufala, Hesron, mo Hamul.
6Mo Sera i gat faef pikinini boe blong hem, we nem blong olgeta i olsem. I gat Simri, mo Etan, mo Heman, mo Kalkol, mo Darada.
7, we papa blong hem Kami, hem i wan man we i kamaot biaen long Sera ya. Hem i mekem we trabol i kam kasem olgeta laen* blong Isrel,* from we hem i stilim ol samting we olgeta oli bin givim i go long Hae God.
8Mo Etan i gat wan pikinini boe blong hem, we nem blong hem Asaria.
Laen we King Deved bifo i kamaot long hem9Hesron, hem i gat tri pikinini boe blong hem, we nem blong trifala i olsem. I gat Jeramehel, mo Ram, mo Keleb.
10Mo nem blong ol man we oli kamaot biaen long Ram i kam kasem Jese i olsem. Ram i bonem Abinadab, mo Abinadab i bonem Nason, we hem i wan bigman long laen* blong Juda*.
11Nason i bonem Salmon, mo Salmon i bonem Boas.
12Boas i bonem Obed, mo Obed i bonem Jese.
13Jese i gat seven pikinini boe blong hem we nem blong olgeta, i stat long fasbon, i go kasem lasbon, i olsem. I gat Eliab, mo Abinadab, mo Sama,
14mo Netanel, mo Radae,
15mo Ojem, mo Deved.
16Mo Jese i gat tu dota blong hem tu, we nem blong tufala, Jeruia mo Abigel.
Jeruia, hem i gat tri pikinini boe blong hem, we nem blong trifala, Abisae, mo Joab, mo Asahel.
17Mo Abigel, hem i mared long Jeta, we i laen blong Ismael, mo tufala i gat wan pikinini boe we nem blong hem Amasa.
Ol laen blong Hesron18Keleb, we papa blong hem Hesron, hem i tekem wan woman we nem blong hem Asuba, nao tufala i gat wan dota we nem blong hem Jeriot. Jeriot i bonem tri pikinini boe blong hem, we nem blong trifala, Jesa mo Sobab mo Aredon.
19Biaen, taem Asuba i ded finis, Keleb i tekem wan narafala woman we nem blong hem Efrat, nao tufala i gat wan pikinini boe blong tufala, we nem blong hem Huru.
20Huru i bonem Uri, mo Uri i bonem Bejalehel.
21Hesron, hem i tekem wan woman we i dota blong Makiri, papa blong Gilead, mo tufala i gat wan pikinini boe blong tufala we nem blong hem Segub. Long taem ya, Hesron i gat sikisti yia blong hem.
22Segub i bonem wan pikinini boe blong hem we nem blong hem Jaere, mo Jaere i rul long twanti tri taon long distrik ya Gilead.
23Be ol man Gesuru mo ol man Aram oli kam mekem faet long olgeta, oli winim olgeta, mo oli winim sikisti vilej long distrik ya oli holem i blong olgeta. Hemia ol vilej blong Jaere mo Kenat, mo ol taon klosap long olgeta. Olgeta man we oli stap long distrik ya oli kamaot biaen long Makiri we i papa blong Gilead.
24Biaen, long taem ya we Hesron i ded, pikinini blong hem Keleb, hem i tekem wido blong papa blong hem, we nem blong hem Efrat, mo tufala i gat wan pikinini boe blong tufala we nem blong hem Asuru, we hem i statem taon ya Tekoa.Ol laen blong Jeramehel
25Jeramehel, we i fasbon pikinini blong Hesron, hem i gat faef pikinini boe blong hem, we nem blong olgeta i olsem. I gat Ram we i fasbon, mo biaen i gat Buna, mo Oren, mo Ojem, mo Ahia.
26-27Ram i gat tri pikinini boe blong hem, we nem blong trifala, Mahaj, mo Jamin, mo Eka. Mo Jeramehel i gat wan woman blong hem bakegen we nem blong hem Atara, mo tufala i gat wan pikinini boe blong tufala we nem blong hem Onam.
28Mo Onam i gat tu pikinini boe blong hem, we nem blong tufala, Samae, mo Jada. Mo Samae i gat tu pikinini boe blong hem, we nem blong tufala, Nadab, mo Abisuru.
29Abisuru ya i tekem wan woman we nem blong hem Abihael, mo tufala i gat tu pikinini boe blong tufala, we nem blong tufala, Ahaban, mo Molid.
30Mo Nadab, brata blong Abisuru, hem i gat tu pikinini boe blong hem, we nem blong tufala, Seled, mo Apaem, be Seled i ded we i no gat pikinini blong hem.
31Mo Apaem, hem i bonem Jisi, mo Jisi i bonem Sesan, mo Sesan i bonem Ahilae.
32Jada, we i brata blong Samae, hem i gat tu pikinini boe blong hem, we nem blong tufala, Jeta, mo Jonatan, be Jeta tu i ded we i no gat pikinini blong hem.
33Jonatan i gat tu pikinini boe blong hem, we nem blong tufala, Pelet, mo Sasa. Olgeta ya nao oli kamaot biaen long Jeramehel.
34Sesan i no gat pikinini boe blong hem, hem i gat ol gel nomo. Be hem i gat wan man Ijip we i slef* blong hem, we nem blong hem Jaha.
35Nao i givim wan dota blong hem i go long slef ya blong i mared long hem, mo tufala i gat wan pikinini boe blong tufala we nem blong hem Atae.
36Nao nem blong olgeta we oli kamaot biaen long Atae i kam kasem Elisama i olsem. Atae i bonem Natan, mo Natan i bonem Sabad,
37mo Sabad i bonem Eflal, mo Eflal i bonem Obed,
38mo Obed i bonem Jehu, mo Jehu i bonem Asaria,
39mo Asaria i bonem Helej, mo Helej i bonem Eleasa,
40mo Eleasa i bonem Sismae, mo Sismae i bonem Salum,
41mo Salum i bonem Jekamia, mo Jekamia i bonem Elisama.
Ol laen blong Keleb42Keleb i brata blong Jeramehel, mo Mesaha i fasbon pikinini blong hem. Mesaha i bonem Sif, mo Sif i bonem Maresa, mo Maresa i bonem Hebron.
43Mo Hebron i gat fo pikinini boe blong hem, we nem blong olgeta, Kora, mo Tapua, mo Rekem, mo Sema.
44Mo Sema i bonem Raham, mo Raham i bonem Jokeam. Mo Rekem we i brata blong Sema, hem i bonem Samae,
45mo Samae i bonem Maon, mo Maon i bonem Betsuru.
46Keleb i gat wan narafala woman blong hem, we nem blong hem Efaha, mo hem i bonem tri pikinini boe blong tufala, we nem blong trifala, Haran, mo Mojaha, mo Gases. Mo Haran tu i gat wan pikinini boe blong hem, we nem blong hem Gases.
47(Mo i gat wan narafala man we nem blong hem Jadae, mo hem i gat sikis pikinini boe blong hem, we nem blong olgeta, Regem, mo Jotam, mo Gesan, mo Pelet, mo Efaha, mo Sahaf.)
48Mo Keleb i gat wan narafala woman blong hem bakegen, we nem blong hem Mahaka, mo hem i bonem tu pikinini boe blong tufala, we nem blong tufala, Seba, mo Tirana.
49Mo biaen, woman ya i bonem tu pikinini boe blong tufala bakegen, we nem blong tufala, Sahaf we i statem taon ya Madmanaha, mo Sevaha, we i statem tufala taon ya, Makbena mo Gibea.
Mo Keleb i gat wan dota blong hem bakegen, we nem blong hem Aksaha.
50Nem blong ol narafala man we oli kamaot biaen long Keleb i olsem.
Huru, hem i fasbon blong Keleb wetem namba tu woman blong hem Efrat. Mo Sobal, we papa blong hem Huru, hem i statem taon ya Kiriatsearim.
51Mo Salmaha, we i namba tu pikinini blong Huru, hem i statem taon ya Betlehem, mo Haref, we i namba tri pikinini blong hem, hem i statem taon ya Betgada.
52Sobal we i statem Kiriatsearim, hem i olfala bubu blong ol man Haroe, wetem haf blong ol man Manahat.
53Mo hem i olfala bubu blong ol man Kiriatsearim tu, we hemia ol laen* blong Jeta, mo ol laen blong Puti, mo ol laen blong Sumat, mo ol laen blong Misraha. Mo ol man blong tufala taon ya, Jora mo Estaol oli kamaot biaen long olgeta ya.
54Salmaha, hem i olfala bubu blong ol man Betlehem, mo ol man Netofat, mo ol man Atrotbetsoab, mo ol man Jora, we olgeta ya oli blong wan long tufala laen ya long Manahat.
55(Mo long taon ya Jabej, i gat ol man we oli nambawan man blong raetemdaon ol samting, mo blong mekem ol kopi blong ol spesel pepa. Olgeta ya, sam oli laen blong Tirehat, mo sam oli laen blong Simeat, mo sam oli laen blong Sukat. Olgeta ya oli laen blong Ken, we hem i kamaot biaen long Hamat ya bifo, we hem i stamba blong ol laen blong Rekab tu.)
Who We AreWhat We EelieveWhat We Do
2025 by iamachristian.org,Inc All rights reserved.
