Jeremaea 19 - Bislama Bible Revised 2012

Wan graonpot we i brobrok

1Nao Hae God i talem long profet se, “Jeremaea. Yu go pem wan graonpot, mo yu tekem sam elda,* mo sam pris* we oli pris longtaem finis,

22 King 23.10; Jer 7.30-32; 32.34,35nao yufala i gotru long doa* blong bigfala stonwol blong taon ya, we nem blong hem, ‘Doa blong Graonpot we i Brobrok’, klosap long krik ya Hinom. Yufala i go long krik ya, mo taem yufala i kasem ples ya, bambae yu talemaot long olgeta, ol tok we mi bambae mi givim long yu.” Ale, profet i mekem olsem.

3Nao taem oli kasem ples ya, Hae God i toktok long profet, nao hem i talemaot we Hae God i talem se, “Ol king blong Juda* mo ol man Jerusalem.* Mi mi gat olgeta paoa, mo mi mi God blong yufala. Yufala i lesin long ol samting we mi bambae mi talem long yufala. I no longtaem, bambae mi mi mekem bigfala trabol i kam kasem ples ya blong yufala, mo olgeta we oli harem nius ya, hed blong olgeta bambae i raon from.

4Bambae mi mekem ol samting ya, from we yufala i lego mi finis, mo yufala i spolemgud ples ya, long fasin we yufala i stap mekem sakrefaes long ol narafala god. Ol god ya, yufala wetem ol bubu blong yufala bifo, mo ol king blong yufala, yufala evriwan i no save olgeta nating. Ples ya i fulap gud long blad blong ol stret man, we yufala i stap kilim olgeta.

5Lev 18.21Mo yufala i wokem ol olta blong god ya Bal,* blong bonem ol pikinini blong yufala long olgeta, blong mekem sakrefaes long hem. Be mi mi no talem long yufala blong yufala i mekem olsem, mo tingting ya i no kamaot long mi nating.

6Nao from samting ya, i gat taem i stap kam we ol man bambae oli no moa singaot ples ya se Tofet, no krik ya Hinom. Be bambae oli putum nem blong hem, se ‘Krik blong Kilim Man i Ded’.

7Mo stret long ples ya, mi bambae mi spolem ol plan ya blong yufala. Bambae mi mekem we ol enemi blong yufala oli kam faet long yufala, oli kilim yufala i ded. Mo ol dedbodi blong yufala, bambae mi letem olgeta oli stap olbaot nomo, blong ol pijin mo ol wael anamol oli kakae.

8Mi bambae mi mekem we bigfala trabol i kam kasem yufala, we bambae i flatemgud taon ya blong yufala. Mo olgeta we bambae oli kam pas long ples ya, taem oli luk, bambae oli sek mo oli sapraes tumas from.

9Ol enemi bambae oli raonemgud taon ya, blong kilim yufala. Trabol ya bambae i nogud olgeta, nao bambae yufala i no moa save gat rod blong go afsaed. Nao from samting ya, bambae yufala i stap hanggri gogo, yufala i kakae yufala bakegen, mo nating we ol pikinini blong yufala, be bambae yufala i kakae olgeta tu.”

10Nao Hae God i talem long profet, blong hem i stanap long fes blong ol man ya we oli bin kam wetem hem, i sakem graonpot ya i go long graon blong smasem.

11Nao profet i mekem olsem, mo i talemaot we Hae God i talem se, “Olgeta. Bambae mi brebrekem taon ya, mo mi spolem yufala stret olsem graonpot ya, we neva man bambae i save joenem i go wanples bakegen. Ol man bambae oli stap yusum ples ya Tofet blong berem ol dedman blong olgeta long hem, from we bambae i no moa gat ples bakegen blong berem ol man long hem.

12Mi mi talem stret long yufala, mi bambae mi spolem yufala wetem taon ya, nao bambae hem i kam olsem ples ya Tofet.

13Olgeta haos blong yufala long Jerusalem, wetem ol haos blong king, oli gat flat ruf* blong olgeta, mo oltaem, yufala i stap go stanap long ples ya, blong bonem insens* blong mekem wosip long ol sta, mo yufala i stap kafsaedem waen i go long olta long ples ya blong ona long ol narafala god. Be mi bambae mi mekem ol ruf ya evriwan oli doti long fes blong mi, stret olsem ples ya Tofet.”

14Nao biaen long ol samting ya, profet i aot long ples ya Tofet, i go long haos* blong God, i stanap long yad blong hem, nao i talemaot long ol man

15we Hae God i talem se, “Mi mi gat olgeta paoa, mo mi God blong yufala. Mo mi bambae mi panisim yufala evriwan long taon ya, wetem ol man long olgeta taon we oli stap klosap long ples ya, stret olsem we mi mi talem, from we yufala i stronghed tumas, mo yufala i no save lesin nating long ol tok blong mi.”