1 Jer 3.6 Nao long taem ya we Josaea i kam king blong Juda,* hem i gat eit yia nomo. Hem i rul toti wan yia long kantri ya, mo hedkwota blong hem i stap long taon ya Jerusalem.* Mama blong hem, Jedida we i dota blong Adaea blong taon ya Boskat.
2King ya i stap mekem ol samting we Hae God i glad long hem, mo oltaem, hem i stap folem ol gudfala fasin blong King Deved, olfala bubu ya blong hem bifo, we i no gowe nating long rod blong hem.
Hae Pris ya Hilkia i faenem buk blong Loa blong Hae God(2 Kronikel 34.8-28)3Nao long taem ya we King Josaea i stap rul yet long Juda,* long namba eitin yia blong hem, hem i singaot Safan, sekretari blong hem i kam. Man ya, papa blong hem Ajalia, mo bubu blong hem Mesulam. Nao king i talem long hem se, “Yu go long haos blong Hae God,
4yu go luk Hae Pris* ya Hilkia, yu talemaot long hem we mi mi talem se, ‘Yu mekemrere ol kleksen ya we ol man oli stap givim long ol pris ya we oli stap stanap long doa blong yad blong haos* blong Hae God.
5Nao yu talem long hem, blong i putum mane ya long han blong ol man ya we oli stap lukaot long wok blong fiksimap haos ya. Ol mane ya bambae oli stap yusum blong pem
6ol kapenta wetem ol man blong wokem haos long timba mo long ston. Mo bambae oli yusum tu blong pem ol timba mo ol ston we bambae oli yusum.
72 King 12.15Be bambae yu no trabol blong jekemap wok blong ol man blong lukaot long mane ya, from we fasin blong olgeta i stret gud.’ ”
8Nao sekretari ya i go talemaot tok ya blong king long hae pris. Mo hae pris ya i talem long hem se, “Mi mi faenem buk blong Loa blong Hae God long haos blong hem.” Mo hem i givim buk ya long sekretari ya, nao hem i ridim.
9Mo taem hem i ridim finis, hem i gobak long king, i talem long hem se, “Mifala i tekem ol mane ya we i stap long haos blong Hae God, mifala i givim long olgeta ya we oli stap lukaot long wok blong fiksimap haos ya.”
10Mo hem i gohed, i talem se, “Mo mi gat wan buk ya we hae pris i givim long mi.” Nao hem i ridimaot ol tok blong buk ya long king, blong hem i harem.
11Mo taem we king i harem ol tok blong buk ya, hem i harem nogud mo i fraet tu, nao i terem* klos blong hem from.
12Nao hem i singaot Hae Pris ya Hilkia, mo Ahikam, we papa blong hem Safan, mo Akboro, we papa blong hem Mikaea, mo sekretari ya blong hem, mo Asaea, man ya we i stap wetem hem oltaem, blong oli kam luk hem. Mo taem olgeta oli kam, hem i talem long olgeta se,
13“Yufala i go faenemaot tingting blong Hae God long mining blong ol tok we i stap long buk ya we hae pris i faenem, yufala i kam talemaot long mifala, blong yumi evriwan we i stap long Juda i save. Hae God i kros tumas long yumi, from we ol bubu blong yumi oli no bin obei long ol tok blong buk ya, mo oli no folem ol samting we buk ya i talem se oltaem, ol man blong hem oli mas mekem.”
14Nao i gat wan woman profet i stap, we nem blong hem Hulda. Man blong hem Salum, we papa blong hem Tikvaha, mo bubu blong hem Hahas, mo hem i man blong lukaot long ol klos we ol pris oli stap yusum long haos blong Hae God. Profet ya i stap long haf ya blong Jerusalem* we oli jes wokem, we nem blong hem Nambatu. Nao olgeta ya oli go luk hem, oli talemaot ol samting ya long hem.
15Mo hem i talem long olgeta blong oli gobak long king blong talemaot long hem
16we Hae God i talem se, “Bambae mi mi spolem taon ya Jerusalem, mo bambae mi panisim yufala evriwan we i stap long taon ya, olsem we oli raetem finis long buk ya we yu yu ridim.
17Yufala i tanem baksaed long mi, yufala i stap mekem sakrefaes long ol narafala god, mo fasin ya blong yufala i mekem mi mi kros gud long yufala. Mi mi kros tumas long yufala, mo kros ya blong mi i no save finis.
18Be yu yu sanem ol man ya blong oli kam luk mi, mo spesel tok blong mi we mi wantem talem long yu i olsem. Mi Hae God, mi God blong yufala ol laen* blong Isrel.* Yu yu harem ol tok blong buk ya finis,
19mo taem yu harem tok ya we mi mi promes* blong spolem taon blong yufala, mo blong panisim yufala, yu yu harem nogud, mo yu tanem tingting blong yu from ol sin blong yu. Yu yu mekem tingting blong yu i stap daon long fes blong mi, yu terem klos blong yu, mo yu stap krae. Bambae mi mi mekem taon ya i kam wan ples we ol man oli fraet blong luk, mo bambae ol man we oli stap singaot* trabol i kam long ol narafala man oli save talem se, ‘!I gud yu kam olsem taon ya Jerusalem!’ Be mi harem prea blong yu,
20mo from we yu yu tanem tingting blong yu olsem, panis ya we bambae mi tekem i kamtru long ples ya, bambae i no kamtru long taem we yu yu stap. Bambae yu yu gat gudfala laef gogo yu ded, nao biaen, panis ya bambae i kamtru.”
Nao olgeta ya oli gobak long king, oli talemaot tok ya long hem.
Who We AreWhat We EelieveWhat We Do
2025 by iamachristian.org,Inc All rights reserved.
