Ol Proveb Sotfala stori blong buk ya - Bislama Bible Revised 2012

Sotfala stori blong buk yaBuk ya OL WAESTOK BLONG KING SOLOMON, we sotfala nem blong hem OL PROVEB, hem i karem fulap toktok we i makem fasin we i stret long fes blong Hae God, mo fasin we i stret long fes blong ol man. Plante long ol toktok ya oli makem ol fasin we man i mas mekem evri dei long laef blong hem. Stamba blong ol tingting ya i stap long tok ya long japta 9 vas 10 we i talem se, “Sipos man i wantem kam waes, stamba blong hem, hem i mas tinghevi long Hae God, mo i mas ona gud long hem.” Mo bakegen, buk ya i makem ol fasin we i stret blong man i mekem long Hae God, wetem ol fasin we man we i gat hed bambae i mekem. Ol tok ya i kasem laef blong famle, mo laef wetem ol man raonabaot, mo fasin blong mekem bisnes, mo fasin blong ona long narafala man, mo fasin blong blokem ol tingting we man nomo i wantem mekem. Buk ya i tok bigwan long ol gudfala fasin, olsem we man i mekem tingting blong hem i stap daon, mo i mekem tingting blong hem i longfala, mo i ona long ol puaman we oli no save mekem wan samting blong givim jenis long hem, mo i holem promes we i mekem long ol fren blong hem.Ol haf blong buk yaOl tok blong leftemap waestok 1.1—9.18

Ol waestok blong King Solomon 10.1—29.27

Ol waestok blong Aguru 30.1-33

Ol narafala waestok 31.1-31