Job 9 - Bislama Bible Revised 2012

Job i givim ansa long Bildad

1

3Sipos man i wantem rao wetem God,

bambae God i save askem plante taosen kwestin long hem

we hem i no save givim ansa long olgeta.

4God i waes we i waes,

mo hem i gat paoa.

I no gat man i save agensem hem,

gogo i winim hem.

5Ol bigbigfala hil oli sek nomo

we hem i stap mekem olgeta oli muvmuv,

be taem hem i kros,

hem i stap kafsaedem olgeta.

6Hem i stap mekem graon i seksek,

i muvmuv olbaot,

mo i stap seksekem

ol fandesen blong wol ya daon.

7Hem i save tok long san,

blong i no girap long moning,

mo i save blokem ol sta tu

blong oli no saen long naet.

8I no gat man i givhan long hem

blong mekem ol samting

we i stap olbaot long skae,

mo taem hem i stap purumbut

long baksaed blong Leviatan*

blong flatemdaon hem,

i no gat man i halpem hem.

9