1Livae,* hem i gat tri pikinini boe blong hem, we nem blong trifala, Geson, mo Kohat, mo Merari.
2Kohat, hem i gat fo pikinini boe blong hem, we nem blong olgeta, Amram, mo Ijara, mo Hebron, mo Usiel.
3Mo Amram, hem i gat tu pikinini boe blong hem, we nem blong tufala, Eron mo Moses. Mo i gat wan dota blong hem tu, we nem blong hem Meriam. Mo biaen, Eron ya i kam hae pris*.
Ol laen blong hae prisNao Hae Pris* ya Eron, hem i gat fo pikinini boe blong hem, we nem blong olgeta, Nadab, mo Abihu, mo Eleasara, mo Itamara.
4Mo nem blong olgeta we oli kamaot biaen long Hae Pris ya Eleasara i olsem. Eleasara i bonem Finehas, mo Finehas i bonem Abisua,
5mo Abisua i bonem Buki, mo Buki i bonem Usi,
6mo Usi i bonem Serahia, mo Serahia i bonem Meraeot,
7mo Meraeot i bonem Amaria, mo Amaria i bonem Ahitub,
8mo Ahitub i bonem Jadok, mo Jadok i bonem Ahimahaj,
9mo Ahimahaj i bonem Asaria, mo Asaria i bonem Johanan,
10mo Johanan i bonem Asaria, we taem hem i kam hae pris, hem i wok long haos* blong Hae God we King Solomon i wokem long Jerusalem.*
11Mo Asaria i bonem Amaria, mo Amaria i bonem Ahitub,
12mo Ahitub i bonem Jadok, mo Jadok i bonem Salum,
13mo Salum i bonem Hilkia, mo Hilkia i bonem Asaria,
14mo Asaria i bonem Seraea, mo Seraea i bonem Jehosadak.
15Jehosadak, hem i bin go wetem ol man Jerusalem mo ol narafala man Juda* we Hae God i letem olgeta i go long han blong King Nebukadnesa, nao king ya i karemaot olgeta oli go wok slef* long Babilonia.
Ol Livaet16 Eks 6.16-19 Livae,* hem i gat tri pikinini boe blong hem, we nem blong trifala, Geson, mo Kohat mo Merari,
17mo trifala ya i gat ol pikinini boe blong trifala.
Geson, hem i bonem Libni, mo Simei,
18mo Kohat, hem i bonem Amram, mo Ijara, mo Hebron, mo Usiel,
19mo Merari, hem i bonem Mali mo Musi. Hemia nao ol stamba blong laen* blong Livae.
20Mo nem blong olgeta we oli kamaot biaen long Geson i olsem. Geson i bonem Libni, mo Libni i bonem Jahat, mo Jahat i bonem Simaha,
21mo Simaha i bonem Joaha, mo Joaha i bonem Jido, mo Jido i bonem Sera, mo Sera i bonem Jeaterae.
22Nem blong olgeta we oli kamaot biaen long Kohat i olsem. Kohat i bonem Aminadab, mo Aminadab i bonem Kora, mo Kora i bonem Asiri,
23mo Asiri i bonem Elkana, mo Elkana i bonem Ebiasaf, mo Ebiasaf i bonem Asiri,
24mo Asiri i bonem Tahat, mo Tahat i bonem Uriel, mo Uriel i bonem Usia, mo Usia i bonem Saol.
25Elkana, hem i bonem tu pikinini boe blong hem, we nem blong tufala, Amasae, mo Ahimot,
26mo nem blong olgeta we oli kamaot biaen long Ahimot i olsem. Ahimot i bonem Elkana, mo Elkana i bonem Jofae, mo Jofae i bonem Nahat,
27mo Nahat i bonem Eliab, mo Eliab i bonem Jeroham, mo Jeroham i bonem Elkana.
28Mo Profet Samuel i gat tu pikinini boe blong hem, we nem blong tufala, Joel we i fasbon, mo Abia we i sekenbon.
29Nem blong olgeta we oli kamaot biaen long Merari i olsem. Merari i bonem Mali, mo Mali i bonem Libni, mo Libni i bonem Simei, mo Simei i bonem Usaha,
30mo Usaha i bonem Simea, mo Simea i bonem Hagia, mo Hagia i bonem Asaea.
Trifala lida blong kwaea long haos blong Hae God31Bifo, long taem ya we King Deved olgeta oli tekem Bokis ya we i Saen blong Promes blong Hae God i kam long Jerusalem,* mo oli putum i stap gud long ples blong mekem wosip, king i putumap tri man blong trifala i stap lidim ol kwaea long ples ya.
32Trifala wanwan i gat taem blong trifala blong mekem wok ya, mo fastaem long taem we King Solomon i no wokem haos* blong Hae God yet, oli stap mekem kwaea long fran blong Haos Tapolen ya, long ples ya we ol man oli stap kam long hem blong mit wetem Hae God.
33-47Trifala ya, nem blong trifala, Heman mo Asaf mo Etan, we Heman, i lida blong wan grup, mo Asaf i lida blong wan, mo Etan i lida blong wan. Mo long ples blong mekem wosip, ples blong grup blong Heman long medel, mo ples blong grup blong Asaf long raet saed blong hem, mo ples blong grup blong Etan long lef saed blong hem. Trifala ya i laen* blong Livae,* we hem i pikinini blong Isrel* ya bifo. Ol olfala bubu blong trifala ya i olsem.
Heman i kamaot biaen long Kohat. Heman ya, papa blong hem Joel, mo Joel, papa blong hem Samuel, mo Samuel, papa blong hem Elkana, mo Elkana, papa blong hem Jeroham, mo Jeroham, papa blong hem Eliel, mo Eliel, papa blong hem Toaha, mo Toaha, papa blong hem Juf, mo Juf, papa blong hem Elkana, mo Elkana, papa blong hem Mahat, mo Mahat, papa blong hem Amasae, mo Amasae, papa blong hem Elkana, mo Elkana, papa blong hem Joel, mo Joel, papa blong hem Asaria, mo Asaria, papa blong hem Sefanaea, mo Sefanaea, papa blong hem Tahat, mo Tahat, papa blong hem Asiri, mo Asiri, papa blong hem Ebiasaf, mo Ebiasaf, papa blong hem Kora, mo Kora, papa blong hem Ijara, mo Ijara, papa blong hem Kohat, mo Kohat, papa blong hem Livae, mo Livae, papa blong hem Isrel ya bifo.
Mo Asaf i kamaot biaen long Geson ya bifo. Asaf, papa blong hem Berekia, mo Berekia, papa blong hem Simea, mo Simea, papa blong hem Mikael, mo Mikael, papa blong hem Bahasea, mo Bahasea, papa blong hem Malkia, mo Malkia, papa blong hem Etni, mo Etni, papa blong hem Sera, mo Sera, papa blong hem Adaea, mo Adaea, papa blong hem Etan, mo Etan, papa blong hem Simaha, mo Simaha, papa blong hem Simei, mo Simei, papa blong hem Jahat, mo Jahat, papa blong hem Geson, mo Geson, papa blong hem Livae, mo Livae, papa blong hem Isrel ya bifo.
Mo Etan i kamaot biaen long Merari ya bifo. Etan, papa blong hem Kisi, mo Kisi, papa blong hem Abdi, mo Abdi, papa blong hem Maluk, mo Maluk, papa blong hem Hasabia, mo Hasabia, papa blong hem Amajia, mo Amajia, papa blong hem Hilkia, mo Hilkia, papa blong hem Amji, mo Amji, papa blong hem Bani, mo Bani, papa blong hem Sema, mo Sema, papa blong hem Mali, mo Mali, papa blong hem Musi, mo Musi, papa blong hem Merari, mo Merari, papa blong hem Livae, mo Livae, papa blong hem Isrel ya bifo.
48Mo ol narafala Livaet* oli gat ol narafala wok blong olgeta long ples blong mekem wosip.
Ol laen blong Eron49Hae Pris* ya Eron mo olgeta we oli kamaot biaen long hem, wok blong olgeta, oli stap bonem insens* long Olta blong Bonem Insens, mo oli stap bonem ol sakrefaes long Olta blong Bonem Sakrefaes. Olgeta ya nomo oli gat raet blong mekem olgeta wok blong mekem wosip insaed long Rum ya we i Tabu we i Tabu, mo blong mekem ol sakrefaes we i blong tekemaot sin blong ol laen* blong Isrel*. Oli stap mekem ol samting ya stret olsem we Moses, man blong wok blong Hae God i bin tijim olgeta long hem.
50Olgeta we oli kamaot biaen long Hae Pris ya Eron, nem blong olgeta i olsem. Hae Pris ya Eron, i bonem Eleasara, mo Eleasara i bonem Finehas, mo Finehas i bonem Abisua,
51mo Abisua i bonem Buki, mo Buki i bonem Usi, mo Usi i bonem Serahia,
52mo Serahia i bonem Meraeot, mo Meraeot i bonem Amaria, mo Amaria i bonem Ahitub,
53mo Ahitub i bonem Jadok, mo Jadok i bonem Ahimahaj.
Ol ples we ol lida oli givim long ol laen blong Livae54Bifo, long taem ya we ol lida oli seraot ol graon i go long ol laen* blong Livae,* olgeta oli yusum ol spesel ston* blong faenemaot se hu long olgeta bambae oli karem wanem graon, mo nem blong laen blong Hae Pris* ya Eron i kamaot fastaem. Hae pris ya i wan long olgeta we oli kamaot biaen long Kohat ya bifo.
55-59Nao long graon blong ol laen blong Juda,* ol lida ya oli tekemaot taon ya Hebron oli givim i go long olgeta. Hemia wan long ol taon ya we Hae God i talem se man we i kilim man be i no minim, i save ronwe, i go haed long hem. Taon ya wetem ol graon raonabaot long hem we i blong putum anamol long hem, oli givim i go long olgeta, be ol graon blong garen mo ol vilej we oli stap klosap raonabaot long taon ya, oli givim i go long Keleb, we papa blong hem Jefune. Mo nem blong ol narafala taon long distrik ya we oli givim i go long laen ya i olsem. I gat Jatiri, mo Libnaha, mo Estemoa, mo Hilen, mo Debiri, mo Asan, mo Betsemes. Oli givim olgeta taon ya wetem ol graon raonabaot long olgeta i go long olgeta blong oli putum anamol long hem.
60Mo long graon blong laen blong Benjamin,* nem blong ol taon we ol lida ya oli tekemaot, oli givim i go long olgeta, i gat Geba, mo Alemet, mo Anatot, wetem ol graon raonabaot long olgeta we i blong putum anamol long hem. Namba blong olgeta taon ya evriwan we oli givim long laen ya blong oli stap long hem i kasem totin.
61Mo biaen, ol lida oli yusum ol spesel ston ya bakegen, mo oli faenemaot se ol narafala laen blong Kohat ya bambae oli tekem ten taon long graon blong laen blong Manase* long saed blong Jodan Reva long wes. Nao oli tekemaot ol taon ya oli givim i go long olgeta blong oli save stap long hem.
62Mo long sem fasin, oli givim totin taon i go long ol laen blong Geson. Ol taon ya, sam, oli tekemaot long graon blong laen blong Isakara,* mo sam, oli tekemaot long graon blong laen blong Asere,* mo sam, oli tekemaot long graon blong laen blong Naftali,* mo sam, oli tekemaot long graon blong laen blong Manase long narasaed Jodan Reva long is, long distrik ya Basan.
63Mo long sem fasin, oli givim twelef taon i go long ol laen blong Merari. Ol taon ya, sam, oli tekemaot long graon blong laen blong Ruben,* mo sam, oli tekemaot long graon blong laen blong Gad,* mo sam, oli tekemaot long graon blong laen blong Sebulun*.
64Long fasin ya nao, ol lida ya oli givim ol taon ya i go long ol laen blong Livae blong oli stap long hem.
65Mo ol taon ya we oli tekemaot long graon blong laen blong Juda, mo long graon blong laen blong Simeon,* mo long graon blong laen blong Benjamin, we stori blong olgeta i kamaot antap, ol lida ya oli mekem sem fasin nomo long olgeta evriwan, blong faenemaot se hu man bambae i karem wanem taon.
66Ol narafala laen blong Kohat, ol lida ya oli tekemaot ol taon long graon blong laen blong Efrem,* wetem ol graon raonabaot long olgeta we i blong putum anamol long hem, oli givim i go long olgeta.
67Taon ya Sekem we i stap long ples blong hil, we hemia wan long ol taon ya we Hae God i talem se man we i kilim man be i no minim, i save ronwe, i go haed long hem, oli givim i go long olgeta, wetem ol narafala taon ya tu we nem blong olgeta, Gesa,
68mo Jokmeam, mo Betoron,
69mo Aealon, mo Gatrimon.
70Mo long graon blong laen blong Manase long saed blong Jodan Reva long wes, oli givim tufala taon ya, Anere mo Bileam, i go long olgeta, wetem ol graon raonabaot long tufala we i blong putum anamol long hem.
71Mo ol narafala laen blong Geson, ol lida ya oli givim ol taon i go long olgeta, wetem ol graon raonabaot long olgeta we i blong putum anamol long hem.
Long graon blong laen blong Manase long saed blong Jodan Reva long is, oli givim tu taon i go long olgeta we nem blong tufala, Golan, long distrik ya Basan, mo Astarot.
72Mo long graon blong laen blong Isakara, nem blong ol taon we oli givim long olgeta, i gat Kedes, mo Daberat,
73mo Ramot, mo Anem.
74Mo long graon blong laen blong Asere, nem blong ol taon we oli givim i go long olgeta, i gat Masal, mo Abdon,
75mo Hukok, mo Rehob.
76Mo long graon blong laen blong Naftali, oli givim tri taon i go long olgeta we nem blong trifala taon ya, i gat Kedes long distrik ya Galili,* mo Hamon, mo Kiriataem.
77Mo ol narafala laen blong Merari, ol lida ya oli givim ol taon i go long olgeta, wetem ol graon raonabaot long olgeta we i blong putum anamol long hem.
Long graon blong laen blong Sebulun, oli givim tu taon i go long olgeta we nem blong tufala, Rimono, mo Taboro.
78Mo long narasaed taon ya Jeriko i go, long graon blong laen blong Ruben long narasaed Jodan Reva long is, nem blong ol taon we oli givim i go long olgeta i gat Bejere long levelples antap long hil, mo Jaja,
79mo Kedemot, mo Mefahat.
80Mo long graon blong laen blong Gad, nem blong ol taon we oli givim i go long olgeta i olsem. I gat Ramot long distrik ya Gilead, mo Mahanaem,
81mo Hesbon, mo Jasere.
Who We AreWhat We EelieveWhat We Do
2025 by iamachristian.org,Inc All rights reserved.
