Jemes Sotfala stori blong buk ya - Bislama Bible Revised 2012

Sotfala stori blong buk ya LETA BLONG JEMES, hem i gat ol gudfala tok we i blong tijim ol man blong God we oli stap wanwan olbaot long olgeta ples long wol. Jemes i yusum plante pija tok blong givhan long ol man, blong oli kasem gudfala tingting mo save. Long leta ya, hem i tokbaot plante samting we ol Kristin oli mas tingting long hem mo oli mas mekem. Hem i talem se Kristin man we i pua, hem i mas glad taem God i leftemap hem i kam antap, mo Kristin man we i rij, hem mas glad taem God i putum hem i stap daon. Hem i tokbaot gudfala fasin we man i mas mekem, mo hem i talem se bilif mo wok i mas go tugeta. Hem i talem se man we i stap mekem ol gudfala fasin blong givhan long ol narafala man, bambae bilif blong hem i strong. Mo hem i tokbaot ol samting blong traem man, mo hem talem se man we ol samting oli kam traem hem, be hem i stap holem stret fasin, hem i save harem gud. Mo hem i tokbaot fasin we Kristin man i no mas yusum maot blong hem blong talem ol samting nogud, be hem i mas yusum blong presem God. Mo hem i tokbaot waes we God i givim, mo fasin ya we ol man oli stap rao, mo fasin ya we ol man oli praod tumas, mo fasin blong man we tingting blong hem i stap daon. Mo hem i tokbaot fasin we man i jajem narafala man, mo we hem i tok flas. Mo hem i tokbaot gudfala fasin tu, we tingting blong man i longfala, mo i tokbaot prea we i gat ansa blong hem.Bigfala samting we Jemes i talem long leta ya, hemia wok mo bilif we tufala i mas go tugeta blong ol Kristin man oli save mekem ol samting we i folem tingting blong God.Ol haf blong buk yaFastok 1.1

Fasin blong bilif mo fasin blong waes 1.2-8

Ol puaman mo ol rijman 1.9-11

Ol samting blong traem bilif blong man 1.12-18

Man i mas harem tok blong Godmo i mas mekem ol samting we tok ya i talem 1.19-27

Tok blong blokem man we i lukluk rabislong narafala man 2.1-13

Bilif mo ol gudfala wok 2.14-26

Kristin man i mas lukaot gudlong toktok blong hem 3.1-18

Kristin man mo ol fasin blong wol 4.1—5.6

Ol narafala samting we Jemes i talem 5.7-20