Esra Sotfala stori blong buk ya - Bislama Bible Revised 2012

Sotfala stori blong buk yaBuk ya STORI BLONG PRIS YA ESRA, ol stori blong hem oli joen long en blong buk ya SEKEN KRONIKEL. Hem i tokbaot sam long ol man Juda* we oli aot long Babilonia, kantri ya we oli stap wok slef* long hem, oli kambak long kantri blong olgeta bakegen. Nao oli stap folem ol kastom blong olgeta bakegen, mo oli stap mekem wosip long Hae God long Jerusalem* bakegen. Man we i raetem buk ya, hem i brekem ol stori blong taem ya long tri haf.Faswan, hem i tokbaot we King Sirus blong Pesia i talemaot se ol man Juda we oli stap wok slef long Babilonia oli save gobak long kantri blong olgeta bakegen, nao wan kampani blong olgeta i kambak. Sekenwan, hem i tokbaot we ol man ya we oli kambak fastaem oli wokem haos* blong Hae God bakegen, mo oli mekem prea blong mekem i tabu bakegen, i blong hem. Nao olgeta oli stap folem stret fasin blong mekem wosip bakegen long Hae God long Jerusalem, olsem we hem i talem. Mo laswan, hem i tokbaot we plante yia i pas, nao biaen, pris* ya Esra i lidim wan narafala kampani i aot bakegen long Babilonia, oli kambak long Jerusalem. Pris ya i waes gud long Loa* blong Hae God, mo hem i stap givhan long ol man Juda blong oli stretemgud ol fasin blong wosip blong olgeta, wetem ol narafala fasin blong olgeta, blong oli save holemgud ol gudfala fasin we Hae God i bin givim long ol olfala blong olgeta bifo.Ol stori we i stap long buk yaWan kampani i aot long Babilonia wetem Serubabel olgeta,oli kambak long Jerusalem 1.1—2.70

Olgeta oli wokem haos blong Hae God,mo oli mekem i tabu bakegen, i blong hem 3.1—6.22

Pris ya Esra i lidim wan narafala kampanii aot bakegen long Babilonia, i kambak longJerusalem 7.1—10.44