1 King 4 - Bislama Bible Revised 2012

Ol haeman blong King Solomon

1King Solomon, hem i king blong olgeta laen* blong Isrel,*

2mo nem blong ol haeman blong hem i olsem.

I gat Asaria we bubu blong hem Jadok, we hem i pris blong hem.

3Mo Elihoref wetem Ahia, we papa blong tufala Sisa, tufala i sekretari blong hem.

Mo Jehosafat, we papa blong hem Ahilud, hem i man blong raetem ol ripot blong hem.

4Mo Benaea, we papa blong hem Jehoeada, hem i komanda blong ol soldia blong hem.

Mo Jadok wetem Abiata, tufala i pris blong hem.

5Mo Asaria, we papa blong hem Natan, hem i hedman blong ol twelef gavman blong hem, we oli stap lukaot long ol distrik.

Mo pris ya Sabud, we papa blong hem Natan, hem i advaesa blong hem.

6Mo Ahisara, hem i bos blong ol man long haos blong king.

Mo Adoniram, we papa blong hem Abda, hem i bos blong ol man we king i stap fosem olgeta blong oli wok blong hem.

7Mo king i putumap twelef man, blong oli lukaot long ol twelef distrik long Isrel, we wan i gavman long wan, wan i gavman long wan. Wok blong olgeta i blong tekem kakae long ol distrik blong olgeta, blong sanem i kam long king wetem ol famle blong hem. Oltaem oli stap sanem kakae blong wan manis, we wan i gat manis blong hem, wan i gat manis blong hem.

8Nem blong ol twelef gavman ya, wetem nem blong ol ples we oli stap lukaot long olgeta i olsem.

I gat Benuru, we hem i stap lukaot long ol ples blong hil long distrik ya Efrem.*

9Mo i gat Bendekere, we hem i stap lukaot long faef taon we nem blong olgeta, Makaj, mo Sahalbim, mo Betsemes, mo Elon, mo Betanan.

10Mo i gat Benesed, we hem i stap lukaot long tufala taon ya, Arubot mo Soko, mo distrik ya Hefa.

11Mo i gat Benabinadab, we hem i stap lukaot long ol ples raonabaot long taon ya Doro. Man ya i tekem dota blong King Solomon, we nem blong hem Tafat.

12Mo i gat Bahana, we papa blong hem Ahilud, we hem i stap lukaot long wan distrik long not we i stat long tufala taon ya Megido mo Tahanak, i kavremap ol graon klosap long taon ya Jisrehel saed i go long saot, wetem ol graon klosap long tufala taon ya Betsean mo Jaretan, go kasem tufala taon ya Abelmehola mo Jokmeam long saot.

13Mo i gat Benkeba, we hem i stap lukaot long taon ya Ramot long Gilead, wetem ol vilej long Gilead we oli blong olgeta we oli laen blong Jaere ya, we i kamaot biaen long Manase* bifo, mo hem i stap lukaot long olgeta ples raonabaot long Agob long distrik ya Basan, we i gat sikisti taon olgeta we oli gat ol bigfala stonwol oli goraon long olgeta, wetem ol longlongfala aean we oli wokem long bras, mo oli stap putum long ol doa* blong stonwol blong lokem olgeta.

14Mo i gat Ahinadab, we papa blong hem Ido, we hem i stap lukaot long ol ples raonabaot long Mahanaem.

15Mo i gat Ahimahaj, we hem i stap lukaot long distrik ya Naftali.* Man ya i tekem narafala dota blong King Solomon we nem blong hem Basemat.

16Mo i gat Bahana, we papa blong hem Husae, we hem i stap lukaot long taon ya Bealot, mo distrik ya Asere.*

17Mo i gat Jehosafat, we papa blong hem Parua, we hem i stap lukaot long distrik ya Isakara.*

18Mo i gat Simei, we papa blong hem Elaha, we hem i stap lukaot long distrik ya Benjamin.*

19Mo i gat Geba, we papa blong hem Uri, we hem i stap lukaot long distrik ya Gilead, we King Sihon blong Amoro* wetem King Og blong Basan, tufala i bin rul long hem bifo.

Mo bakegen, i gat wan man moa we King Solomon i putumap hem, we hem i gavman long Juda.*King Solomon i rij we i rij

20Ol man Isrel* wetem ol man Juda,* olgeta oli plante we plante, we man i no save kaontem olgeta, oli olsem sanbij long solwota. Oli gat plante kakae mo plante samting blong dring, mo oltaem nomo oli stap glad.

21, mo ol faol.

24Hem i rul long olgeta ples, i stat long taon ya Tifsaha long saed blong Yufretes Reva saed i kam, i go kasem taon ya Gasa long wes. Olgeta king long saed ya oli stap aninit long paoa blong hem, mo hem i gat pis wetem ol narafala kantri we oli stap raonabaot long hem.

25Oltaem long laef blong hem we hem i stap rul, ol man Juda mo ol man Isrel oli stap gud, i stat long Dan* long not, i go kasem Bereseba long saot, mo evri famle oli save stap gud aninit long ol grep* blong olgeta mo ol figtri* blong olgeta.

26 1 King 10.26; 2 Kron 1.14; 9.25 Hem i gat foti taosen rum blong ol hos blong pulum kat, mo i gat twelef taosen hos blong ol soldia.

27Ol twelef gavman ya blong hem oli stap givim kakae long hem evri manis, we wan i givim long wan manis, wan i givim long wan manis. Oli givim ol kakae ya long hem wetem olgeta we oli stap long haos blong hem, blong oli no save sot long kakae.

28Mo long sem fasin, oli stap sanem ol bale* mo ol drae gras i go long weples we king i wantem, blong ol hos blong pulum kat wetem ol hos blong wok blong hem oli save kakae.

29God i givim waes mo save long king ya we i bigwan tumas, man i no save makem.

30Hem i waes moa, i winim ol waes man blong ol kantri saed i go long is, mo ol waes man blong Ijip.

31Sam 89Hem i waes we i waes, i winim ol narafala man. Hem i waes moa, i winim Etan we i kamaot biaen long Esraha, mo i winim Heman, mo Kalkol, mo Darada, we papa blong trifala, Mahol. Mo nius blong hem i go kasem olgeta kantri raonabaot long Isrel.

32Prov 1.1; 10.1; 25.1; Sing 1.1Hem i talem tri taosen waestok, mo ol singsing we hem i wokem i kasem moa long taosen.

33Hem i savegud fasin blong olgeta tri mo gras, i stat long ol bigbigfala tri olsem sida blong Lebanon, i go kasem ol smosmol gras olsem hisop* we i stap gru long ol stonwol olbaot. Mo hem i savegud fasin blong ol anamol, mo ol pijin, mo ol samting olsem lised mo snek, mo ol fis tu.

34Ol king olbaot long wol oli harem nius blong waes blong hem, nao oli stap sanem ol man blong olgeta, blong oli go lesin long hem.