1Ol graon we ol laen* blong Josef oli kasem i blong olgeta i olsem. Mak blong distrik ya long saed i go long saot i stat long Jodan Reva klosap long Jeriko, long saed blong springwota long Jeriko saed i go long is, mo i go kasem draeples. Hem i pas long Jeriko mo i go antap long ples blong hil, i go kasem Betel,
2nao i go kasem taon ya Lus, mo i pas i go long Atarotada, we i mak blong distrik blong ol man Aki.
3Nao i tanem i go long wes, i go kasem mak blong distrik blong olgeta we oli laen blong Jaflet ya bifo, mo i go kasem ol ples long Betoron Daon, nao i go kasem Gesa, mo i go finis long Mediterenian Si.
4Josef ya, hem i bonem Manase* mo Efrem,* nao ol laen blong Efrem ya wetem haf blong ol laen blong Manase ya we oli no kasem graon blong olgeta yet, oli kasem ol graon long distrik ya long saed blong Jodan Reva long wes, mo oli holem i blong olgeta.
Graon we i go long ol laen blong Efrem5Ol graon we ol laen* blong Efrem* oli kasem i blong olgeta i olsem. Mak blong distrik ya long saed i go long saot i stat long Atarotada long saed i go long is, mo i go antap long Betoron Antap,
6mo i ron i go kasem Mediterenian Si. Mak blong hem long is, i stat long Mikmetat long not, i ron i go long is, i tanem, i pas long Tahanatsilo, i go pasraon long Janoa long saed i go long is,
7mo i ron i godaon long Atarot mo Naraha, i go kasem Jeriko, mo i go finis long Jodan Reva.
8Long not, mak i stat long Mikmetat bakegen i go long Tapua, i go kasem Kanaha Reva, mo i go finis long Mediterenian Si. Hemia nao ol graon blong distrik ya Efrem we ol laen blong Efrem oli holem i blong olgeta.
9Mo i gat ol taon mo ol vilej tu we oli stap long distrik ya Wes Manase,* we oli givim i go long olgeta ya.
10Jaj 1.29Olgeta oli no ronemaot ol man Kenan* we oli stap long Gesa, oli livim olgeta oli stap nomo long ples ya wetem olgeta, be oli stap fosem olgeta blong oli wok slef* blong olgeta. Mo olgeta ya oli stap yet long ples ya kam kasem tede.
Who We AreWhat We EelieveWhat We Do
2025 by iamachristian.org,Inc All rights reserved.
