Ol Krae Sotfala stori blong buk ya - Bislama Bible Revised 2012

Sotfala stori blong buk yaBuk ya OL KRAE, hem i gat faef sing blong krae i stap long hem. Ol sing ya, ol laen* blong Isrel* oli stap singsing long hem blong krae from Jerusalem* we ol enemi oli spolem, mo from ol samting we oli stap kam nogud biaen, mo from ol laen blong Isrel we oli go wok slef* long narafala kantri. Trabol ya i kasem Jerusalem long yia* faef handred eiti sikis we yumi makem ol yia blong kam kasem taem we Jisas i bon. Buk ya, nating we i talemaot tok blong man we i harem nogud tumas nao i stap krae, be i talemaot tu we man ya i trastem God, mo tingting blong hem i stap strong oltaem se bambae ol samting oli kam gud bakegen long fiuja. Evri yia, ol laen blong Isrel oli stap yusum ol sing ya long wosip blong olgeta long ol dei we oli livim kakae blong mekem wosip, mo oli stap krae blong oli tingbaot trabol we i kasem ples blong olgeta long yia ya.Long buk ya, long sam ples man we i raetem sing i tok olsem we taon ya Jerusalem i harem nogud i krae, mo long sam ples hem i raetem olsem we taon ya i sing blong talemaot krae blong hem.Ol sing we i stap long buk yaJerusalem i harem nogud tumas 1.1-22

Panis we Jerusalem i kasem 2.1-22

Jerusalem i kasem panis,be tingting blong hem i stap strongse God bambae i givhan long hem 3.1-66

Laef long Jerusalem biaen long taem yawe ol enemi oli spolem hem 4.1-22

Man i prea blong Hae God i sorelong ol man Jerusalem 5.1-22