Sam 150 - Bislama Bible Revised 2012

Ol man oli mas presem Hae God(Tok i go long ol man.)

1Olgeta.

!Yumi mas presem Hae God!

Yumi mas presem hem long haos* blong hem.

Yufala long heven,

yufala i mas presem hem

from bigfala paoa blong hem.

2Yumi mas presem hem

from ol bigbigfala wok we hem i mekem.

Nem blong hem i hae we i hae,

mo yumi mas presem hem.

3Yumi mas presem hem long pupu.

Yumi mas presem hem long gita,

mo long mandolin.

4Yumi mas presem hem long dram,

mo long danis.

Yumi mas presem hem long yukalele,

mo long bambu paep.

5Yumi mas presem hem long simbol.*

Yumi mas presem hem

long simbol ya we i singaot bigwan.

6Yumi olgeta samting we yumi gat laef,

yumi evriwan i mas presem hem.

!Oltaem yumi mas presem Hae God!