Sam 104 - Bislama Bible Revised 2012

Sing blong presem Hae God from we hem i mekem evri samting(Tok i go long Hae God.)

1!Hae God.

Oltaem mi mi mas presem yu!

!Yu yu God blong mi,

mo yu yu hae tumas!

!Yu yu King!

Hae nem blong yu mo paoa blong yu,

tufala i olsem klos blong yu,

2mo laet ya we i stap soemaot bigfala paoa blong yu,

hem i olsem klos we yu yu stap putum.

Yu yu putumap skae

olsem haos tapolen blong yu.

3Yu mekem haos ya blong yu

antap long wota we i stap antap.

Yu stap yusum klaod

olsem kat blong yu we hos i pulum,

mo taem win i blu,

yu stap raed long hem olsem hos blong yu.

4

Oltaem yu yu mekem olgeta samting long graon ya

oli gat niufala laef.

(Tok i go long ol man.)

31Prea blong mi,

we ol gudgudfala samting ya

we oli stap soemaot paoa blong Hae God,

bambae oli stap oltaem nomo

gogo i no save finis.

Mi mi wantem

we oltaem bambae hem i glad

long olgeta samting ya we hem i mekem.

32Taem hem i lukluk i kam long wol,

graon i seksek.

Taem hem i tajem ol hil,

smok i kamaot long olgeta.

33Oltaem long laef blong mi,

bambae mi stap singsing blong presem Hae God,

gogo laef blong mi i finis.

34Mi wantem we hem bambae i harem gud

long sing ya blong mi,

from we oltaem,

hem i stap mekem mi mi glad.

35Prea blong mi

we hem bambae i brumumaot ol man nogud

oli gowe long wol ya,

we bambae i no moa gat wan long olgeta i stap.

!Mi mi mas presem Hae God!

!Oltaem yumi evriwan i mas presem hem!