1
3Mi nomo mi lanem olgeta blong wokbaot,
mo mi stap karemgud olgeta long han blong mi,
be oli no luksave nating
we mi nomo mi stap lukaot gud long olgeta.
4Mi mi stap mekem long olgeta
olsem wan pikinini blong mi,
we mi lavem hem,
mo mi sore tumas long hem,
nao oltaem mi stap pulum hem i kam long mi.
Oltaem mi stap leftemap hem
blong karem long han blong mi,
mi stap holemtaet hem
long jes blong mi,
mo mi stap bendaon
blong givim kakae long hem.
5“Ol man Isrel. Yufala i no wantem nating blong kambak long mi, nao from samting ya, bambae yufala i mas gobak long Ijip bakegen, nao Asiria bambae i rulum yufala.
6Bambae bigfala faet i kam, i flatemgud ol taon ya blong yufala. Ol doa* blong ol bigfala stonwol blong ol taon ya bambae oli brobrok, mo yufala bambae i go lus, from we yufala i stap folem tingting blong yufala nomo.
7Yufala i stronghed tumas, oltaem yufala i wantem tanem baksaed long mi. Yok* ya we i stap long nek blong yufala, bambae yufala i harem nogud tumas long hem, bambae yufala i stap krae blong man i kam tekemaot, be bambae i no gat man i kam.
8 Dut 29.23 “Ol man Isrel.
?Bambae mi finis long yufala olsem wanem?
Yufala i man blong mi.
?Bambae mi lego yufala olsem wanem?
Mi no save kilim yufala evriwan i ded
olsem we mi mekem long taon ya Admaha bifo.
Mo mi no save mekem i strong long yufala,
olsem we mi mekem long ol man Jeboeim bifo.
Long tingting blong mi,
mi no wantem nating
blong mekem yufala olsem.
Mi mi lavem yufala tumas,
mo mi no save mekem olsem long yufala.
9Sipos mi kros long yufala,
bambae mi no moa save panisim yufala,
mi no moa save spolem yufala olsem bakegen.
Mi mi God,
mo fasin blong mi
i no olsem fasin blong man.
Mi mi tabu,
fasin blong mi i stret olgeta.
Oltaem bambae mi mi stap wetem yufala.
Taem mi kros long yufala,
bambae mi no moa save lukaot yufala
blong panisim yufala.
10“Ol man blong mi, bambae mi mi singaot bigwan agens long ol enemi blong yufala olsem laeon we i kros, mo long taem ya bambae yufala i kam biaen long mi bakegen. Wantaem nomo, bambae yufala i aot long wes, yufala i resis i kam long mi.
11Bambae yufala i aot long Ijip, yufala i kam kwiktaem olsem pijin we i flae i kam. Bambae yufala i aot long Asiria, yufala i kambak stret long ples blong yufala, olsem pijin we i stap kambak stret long nes blong hem. Bambae mi mi tekem yufala i kamhom bakegen long stret ples blong yufala. Mi mi Hae God, mo hemia tok blong mi.”
Ol man Isrel mo ol man Juda bambae oli kasem panis12Bakegen, Profet Hosea i talemaot we Hae God i talem se, “Ol man Isrel.* Mi mi God we mi tabu, fasin blong mi i stret olgeta, mo oltaem tingting blong mi i stap strong long yufala. Be taem yufala i kam long mi, yufala i stap giaman nomo long ol toktok mo long ol fasin blong yufala. Mo ol man Juda* oli stap girap agens long mi yet, we oli no lego fasin ya nating.
Who We AreWhat We EelieveWhat We Do
2025 by iamachristian.org,Inc All rights reserved.
