FAKAASIGA 21 - Tuvalu Revised Bible

Ko te Lagi Fou mo te Lalolagi Fou

1 Isa 65.17; 66.22; 2Pete 3.13 Fakamuli ifo ne matea ne au a te lagi fou mo te lalolagi fou. A te lagi mua mo te lalolagi mua mo tai, ko palele atu katoa a mea kona.

2Isa 52.1; Faka 3.12; Isa 61.10Ne matea ne au a te Fa'kai Tapu, ko Ielusalema fou, ko fanaifo mai te Atua i te lagi, ko oko eiloa i te gali te kilokiloga tena, e pela eiloa mo se tamafine ko toka 'lei o fanatu ki tena fakaipoipoga.

3Eseki 37.27; Levi 26.11,12Ne lagona ne au a te leo lasi e faipati mai penei mai te nofogaaliki: “Ko 'nofo nei mo tino te fale o te Atua! Ka 'nofo fakatasi a ia mo latou, kae ka fai latou mo ona tino. A te Atua ka fakatasi eiloa mo latou, kae ka fai a ia mo olotou Atua.

4Isa 25.8; Isa 35.10; 65.19Ka se toe iai ne loimata i olotou mata. Ka se toe iai se mate, se fanoanoa, se tagi io me se 'mae. Ko palele atu a mea mua.”

5Ne fai mai te tino tela e nofo i te nofogaaliki, “Nei, ko fakafou ne au a mea katoa!” Ne fai mai foki a ia ki a au, “Tusi a mea konei, i muna konei e tonu kae aoga.”

6Isa 55.1Ne toe fai mai foki a ia: “Ko oti! Ko au ko te Alefa mo te Omeka, tela ko te kamataga mo te fakaotiga. So se tino e fia inu, e tuku atu fua ne au ki a ia ke inu ki te vai mai te vaipuna o te ola.

72Samu 7.14; Sala 89.26,27So se tino e manumalo e maua ne ia te mea nei mai i a au: E fai au mo ona Atua, kae fai a ia mo aku tama.

8Ka ko tino mata ma'taku, ko tino fakalata tino, mo tino faka'se tino, ko tino tatino, mo tino fina lalolagi, mo tino fai vailakau mo tino tapuaki ki tupua mo tino 'loi katoa, a te ikuga mo latou ko te lase ka ulaula mo te pauta ka, ko te mate fakalua tena.”

Ko te Ielusalema Fou

9A te tokotasi o agelu mai agelu e tokofitu tela e i a ia a tanoa e fitu e fonu i mala fakaoti e fitu, ne vau ki a au kae fai mai, “Vau, ka fakasino atu ne au ki a koe a te Tamafine fatoa avaga, ko te avaga a te Tama Mamoe.”

10Eseki 40.2Ne fakatasi mai te Agaga ki a au, kae ne ave au ne te agelu ki te ulu o te mauga tafa maluga. Ne fakaasi mai ne ia ki a au a Ielusalema, ko te Fa'kai Tapu, e fanaifo mai te Atua i te lagi,

11e 'pula pela mo foliga 'malu o te Atua. A te fa'kai e 'pula e pela mo se fatu tāua, e pela foki mo se fatu iasipi, e 'ma foki e pela mo se kilasi.

12Eseki 48.30-35E isi sona pa matolu kae maluga, mo mataloa e sefulu lua, mo agelu foki e tino agafulu mo te tokolua, e tofu te agelu mo tena mataloa e leoleo. I luga i mataloa katoa, e tusi ei a igoa o matakaiga e sefulu-lua o Isalaelu.

13E tolu foki a mataloa i ona feitu takitasi: e tolu ki te feitu ki te saegala, e tolu ki te feitu ki saute, e tolu foki ki te feitu ki matu, pela foki mo te feitu ki te togala.

14A te 'pui o te fa'kai ne faite ki fatu e sefulu lua, kola e tusi i ei a igoa o te tinoagafulu mo te tokolua soko o te Tama Mamoe ko Iesu.

15 Eseki 40.3 A te agelu tela ne faipati mai ki a au e isi sena lakau fuafua e faite ki te aulo, e fua i ei ne ia te fa'kai mo ona mataloa pela foki mo tona 'pui.

16A te fa'kai e sikuea 'lei eiloa, i tona loa e pela foki mo tona lauefa. Ne fua foki ne te agelu ki tena lakau fuafua a te fa'kai, kae tusa mo te afe lima selau maila te loa, e pena foki tona lauefa mo tona maluga.

17Ne fua foki ne te agelu tona 'pui, kae tusa mo te lua selau sefulu ono futu tona maluga, e pela eiloa mo te fua masani e fakaaoga ne ia.

18Isa 54.11,12A te 'pui e faite ki fatu iasipi, ka ko te fa'kai ne faite ki tina aulo eiloa, e 'ma eiloa e pela mo se kilasi.

19A fatu fakavae o te fa'kai ne fakagaligali faka'lei eiloa ki vaega fatu taua valevale. A te fatu fakavae muamua ko te iasipi, ko te lua ko te safaila, ko te tolu ko te akate, ko te fa ko te emela,

20ko te lima ko te onika, ko te ono ko te kaneli, ko te fitu ko te kuate lanu 'sega, ko te valu ko te pelila, ko te iva ko te topasa, ko te sefulu ko te kalesone, ko te sefulu tasi ko te tokise, ko te sefulu lua ko te ametisi.

21A mataloa e sefulu lua ko penina kona e sefulu lua. E tofu te mataloa mo te penina ne faite ki ei. A te auala o te fa'kai ne faite ki tina aulo, e 'ma eiloa e pela mo se kilasi.

22Ne seki matea ne au se fale tapu i te fa'kai, me i tena fale tapu ko te Aliki te Atua, tela ko ia ko te Malosi Katoatoa ko te Tama Mamoe foki.

23Isa 60.19,20E se manakogina te mainaga o te la io me ko te masina ke maina atu ki ei, me i te 'malu o te Atua e maina i ei, ka ko te Tama Mamoe ko tena moli.

24Isa 60.3Ka sasale a tino o te lalolagi i tena mainaga, kae ka aumai ne tupu o te lalolagi olotou koloa o faite ake ei te fa'kai.

25Isa 60.11Ka ma'tala eiloa a mataloa o te fa'kai i te aso katoa; ka se toe 'pono i te mea e ao faeloa i kona.

26Ka aumai te 'malu mo koloa o fenua katoa ki te fa'kai.

27Isa 52.1; Eseki 44.9Ka se ulu atu ki te fa'kai so se mea masei io me ne tino fai amioga fakalumaluma, io me fai'pati ki te loi, ka ko latou fua kola e tusi olotou igoa i te tusi o te ola a te Tama Mamoe ka ulu atu ki ei.