ESEKIELU Fakatomuaga - Tuvalu Revised Bible

FakatomuagaA te pelofeta ko Esekielu ne nofo fakapagota i Papelonia i te vaitaimi mai mua o te takavalega o Ielusalema i te tausaga e 586 T. M. K. Pela foki i tausaga mai i tua ifo. A tena fekau e fakasino tonu ki tino kola e nofo fakapagota i Papelonia, pela foki a tino i Ielusalema. A te tusi a Esekielu e fa ona vaega taua:(1) Ko muna polopoloki ki tino e uiga ki te fakamasinoga a te Atua ki a latou, pela foki mo te takavale mo te fakamaseiga tenei ka oko mai ki Ielusalema.(2) Ko fekau mai i te Aliki e uiga ki te fakamasinoga a ia ki malo kola ne fakapuapuaga kae taki 'se ne latou a tino o tena fenua.(3) Ko te fakamafanafanaga ki a Isalaelu i te otiga ne takavale o Ielusalema, mo te folafolaga e uiga ki se tulaga lei mo Isalaelu i aso fakamuli.(4) Ko te ata i mafaufauga o Esekielu e uiga ki te fakafouga o te Faletapu mo te malo.A Esekielu se tagata e lasi tena fakatuanaki kae 'loto ona mafaufauga. A te ukega o ana mafaufauga e fakaasi mai ne ia i fakaasiga, pela foki mo te ukega o fekau a ia e folafola mai ne ia i ana faiga. E faka'mafa ne Esekielu me se mea tau o fakafou te loto mo te agaga, ka ko te tino e amo foki eiloa ne ia a te mafa o ana agasala. E folafola foki ne ia a tena fakamoemoega e uiga ki te toe atiakega o te ola o te malo. Ona ko ia se faitaulaga, kae se pelofeta foki, tela la, e mafa foki ona mafaufauga e uiga ki te Faletapu mo te olaga tapu.Ko Fakasologa o MataupuKo kalagagina Esekielu 1.1—3.27Ko fekau o te malaia ki a Ielusalema 4.1—24.27Ko te fakamasinoga a te Atua ki malo 25.1—32.32Ko te tautoga a te Atua ki tena fenua 33.1—37.28Ko muna fakapelofeta e uiga ki a Koko 38.1—39.29Ko te fakaasiga e uiga ki te faletapu mo te fenua i aso fakamuli 40.1—48.35