HOSEA 11 - Tuvalu Revised Bible

Ko te Alofa o te Atua ki tena Fenua Fakalogogata

1

2Kae ko te uke o taimi e kalaga ei au ki a ia,

Ko te uke foki tena o taimi e fulitua mai ei latou ki a au.

A toku fenua e fai taulaga ki a Paala;

E sunu foki ne latou a taulaga manogi ki tupua.

3Kae tela la, ko au eiloa ne akoako ne au a Isalaelu ke iloa ne ia o sasale.

Ne avake ne au a toku fenua ki oku lima,

Kae se talia lele eiloa ne latou me ko au ne tausi ne au latou.

4Ne sai mai ne au latou ki a au mo te alofa.

Ne puke aka ne au a latou kae sai mai ki toku kalafau;

Ne punou ifo eiloa au o fagai latou.

5“Ne ita latou ma foki mai ki a au, tela la, e tau mo latou o foki ki Aikupito, kae ka pule latou ne Asulia.

6A te taua ka oko mai ki olotou fa'kai kae ka maofa ei a pui o olotou fa'kai. Ka mate valevale oku tino me ne fai ne latou te mea e manatu latou me e lei.

7Ne taumafai eiloa latou o fulitua mai ki a au. Ka tagi latou i te mafa o te amoga tela e amo ne latou, kae ka seai eiloa se tino e sau ne ia keatea mai i a latou.

8 Teu 29.23 “Isalaelu, e tiakina pefea ne au a koe?

E mafai pefea ne au o tiakina koe?

E a, e mafai eiloa ne au o ta koe e pela mo te taga ne au a Atama,

Io me fai koe e pela mo aku faiga ki a Sepoima?

E se mafai ne toku loto o fai se vaega mea pena!

A toku alofa mo koe ko to lasi.

9Ka se fakasala ne au a koe i toku kaitaua;

Ka se toe ta fakamasei ne au a Isalaelu,

Me i a au se Atua kae se se tino.

A au, te Tasi Tapu, e fakatasi mo koutou.

Ka se fanatu au ki a koutou i toku kaitaua.

10“A toku fenua ka tau'tali mai i a au i te taimi e gulu ei au ki olotou fili e pela me se leona. Ka fakavave mai latou ki a au mai te togala.

11Ka o'mai latou mai Aikupito e pela eiloa te ma'kini mo manu eva; kae mai Asulia e pela me ne lupe. Ka toe faka'foki mai ne au a latou ki te olotou fenua. Ko au, te Aliki, ne faipati atu.”

Isalaelu mo Iuta ko Fakamalaia

12Muna a te Aliki, “Au ko fai valevale ne tino Isalaelu ki amioga loi mo uiga fakaloiloi, ka ko tino Iuta koi tumau eiloa te teke mai ki a au, te Atua tapu kae fakamaoni.