1 foki o te kau tausi o koe, kae e fakaaloalogina foki ne tino i te palesi.
15E tonu, au ne kalaga ki te Atua mō ia; se tena fua te taimi muamua. Ka ko te togafiti lamalama o teke ki a koe, e se tau mo Tou Malu o 'losi mai ki a au, io me se tino i toku kaiga. E seai se mea e iloa ne au i te mea tena!”
16Muna a te tupu, “Aimeleka, a koe mo ou kaiga katoa e tau o tamate.”
17Tena ne fai atu ei a ia ki sotia 'tu kola e 'tu i ona tafa penei, “Tamate a faitaulaga a te Aliki! Ne kau fakatasi latou ki te funaga o Tavita, kae seki fakaasi mai foki ne latou i a Tavita ko oti ne tele keatea, kae iloa faeloa ne latou.” Ka ko sotia 'tu e ita ma tamate ne latou a faitaulaga a te Aliki.
18Tena ne fai atu ei a Saulo ki a Toeka penei, “Vau koe o tamate a faitaulaga konei!” Tena ne tamate katoa eiloa latou ne Toeka. I te aso tena, ne tamate ne ia e tinovalu mo te tokolima faitaulaga kola ko saoloto o aveave sale te efota.
19Ne fai foki te fakatonuga a Saulo ke tamate a tino katoa i Nopa, te fa'kai o faitaulaga: ko tagata, fafine, tamaliki mo pepe, pulumakau, asini mo mamoe, ne tamate katoa.
20Ka ko Apiata, te tama tagata a Aimeleka ne seki mate me ne sola o fano ki a Tavita.
21Ne fakamatala ne ia ki a Tavita te tāga ne Saulo a faitaulaga a te Aliki.
22Ne fai atu Tavita ki a ia penei, “I te laveaga ne au a Toeka i te aso tena, e iloa eiloa ne au me ka folafola ne ia ki a Saulo. Tela la, ko au e pogai ei te mate o ou kaiga katoa.
23Nofo i a au, kae sa mataku. A Saulo e manako o tamate katoa taua kae e seai se mea e tupu manafai e nofo koe i a au.”
Who We AreWhat We EelieveWhat We Do
2025 by iamachristian.org,Inc All rights reserved.