1 tena ne fanatu ei a ia ki Ielusalema o 'tofo a Solomona ki ana fesili faiga'ta.
2E tokouke ana tavini ne o'mai mo ia, e uke foki a kamela e fakauta ki mea fakamanogi, fatu tāua, mo aulo ei e uke. I te fetauiga a laua mo Solomona, ne fai atu katoa ana fesili ki a Solomona.
3Ne tali katoa ne Solomona ana fesili, seai eiloa se fesili e tai faigata ki a ia.
4Ne lagona faka'lei ne te tupu fafine o Seepa a te poto o Solomona, matea foki ne ia a te palesi ne faite ne ia.
5Ne lavea ne ia a meakai e aumai ki tena taipola, pela foki mo koga e nofo ei ana ofisa, mo te fakatokaga o tino galue i te palesi mo togiga e pei ki ei, pela foki mo tavini kola e tautua atu ki a ia i taimi o kaiga, mo taulaga ei kola e ofo sale ne ia i te Faletapu. Ko oko eiloa i te ofo o te tupu fafine tena i te poto o Solomona mo ana mea ne fai.
6Muna a ia ki te Tupu ko Solomona, “A te tala ne lagona ne au i toku fenua e uiga ki a koe mo tou poto e tonu eiloa!
7Au ne seki talitonu, tenei te mea ne malaga mai eiloa au ke matea faka'lei ne au ki oku mata. A te mea ne lagona ne au e se ko te afā foki o te mea tenei ko matea faka'lei atu ne au; a tou poto mo tou takutakua e tafasili atu i te mea ne lagona ne au.
8Ko manuia faka eiloa au avaga, pela foki mo au tavini, kola e nofo faeloa i ou tafa o fakalogologo faeloa ki tou poto!
9Ke vikia te Aliki tou Atua! Ko oti ne fakaasi atu ne ia tena fiafia ki a koe o fai koe mo tupu o Isalaelu. Ona ko tena alofa mō Isalaelu e tumau ki te se gata mai, tenei ko fai ei ne ia a koe ke fai mo tupu ke onoono faka'lei koe ki te tausiga ne tino a tulafono, kae ke fai foki ne latou te mea tonu.”
10Ne avatu ne ia ki te Tupu ko Solomona a meaalofa ne vau mo ia; e tusa mo te fa afe kilokalame o aulo mo fatu tāua mo mea fakamanogi e uke. A te aofaki o mea fakama'nogi ne maua ne Solomona mai i te fafine tena, ko te toe aofaki lasi eiloa ne maua ne ia mai so se koga.
11A vaka o Hilamo kola ne aumai i ei a aulo mai Ofeila, ne aumai foki i luga i ei a laupapa o te lakau ko te iunipa pela foki mo fatu tāua.
12Ne fakaaoga ne Solomona a laupapa kona o faite ki ei a kakega i te Faletapu mo te palesi, pela foki mo kitala mo lakau fakatagitagi ma tino ta'ta lakau. Tena te laupapa tafasili eiloa o te iunipa ne avatu ki loto i Isalaelu; e seki toe matea atu foki eiloa se vaega laupapa gali pena.
13Ne avatu foki ne te Tupu ko Solomona ki te tupu fafine o Seepa a mea katoa kola ne manako mai ki ei, kae e kese foki eiloa a meaalofa tau te aganu kola ne ave ne ia ki te tupu fafine. Tena, ko te tupu fafine eiloa ko foki atu ki tena fenua ko Seepa, fakatasi mo ana tavini katoa.
Ko te Maumea o Solomona(2NTupu 9.13-29)14I tausaga takitasi, a te mea e maua ne te Tupu ko Solomona e tai maua eiloa te luasefulu tolu afe kilokalame o aulo,
15kae kese foki eiloa a lafoga kola e togi mai sale ne tino fai pisinisi, mo te mea tela e maua mai i mea togi, mo te mea tela e maua sale mai i tupu o Alapi mo kovana o kogā fenua i luga i Isalaelu.
16Ne faite ne Solomona e luaselau talita lasi eiloa, a te talita e tasi e ufi ki aulo e tai maua eiloa te fitu kilokalame.
17Ne faite foki ne ia e toluselau talita tai fo'liki ifo; a te talita e tasi e ufi ki aulo e tai maua te lua kilokalame. A talita katoa kona ne tuku ne ia i loto i te Potu o te Vao o Lepanona.
18Ne fai foki ne ia ke faite se nofogaaliki lasi eiloa. A te sua vaega o te nofogaaliki e ufi ki nifo o elefane, ka ko te toega e ufi ki te aulo tafasili i te 'lei.
19-20E tusa mo te ono o sitepu mai te fola ki luga i te nofogaaliki, kae i feitu katoa o sitepu takitasi e isi ne leona faite e 'tu i ei, a te katoaga e tusa mo te sefululua leona. I te 'tua o te nofoagaaliki, se ata o te pulumakau, kae i tafa o lima e lua o te nofoagaaliki, ne leona faite foki i ei. E seai eiloa se nofoagaaliki penei i sose malo.
21A ipu inu katoa a Solomona ne faite katoa ki aulo, pela foki mo sipunu mo tui mo mea katoa pena i te Potu o te Vao o Lepanona. E seai eiloa se siliva ne fakaoga ne Solomona i te faitega o ana mea, me i aso kona a te siliva e se taulia.
22E isi se fuavaka a ia e olo tasi sale mo te fuavaka a Hilamo. I te takitolu tausaga katoa, ko 'foki mai ana vaka mo aulo, siliva, nifo o elefane, mo epe mo magiki ei.
23A te Tupu ko Solomona e maumea kae poto atu foki i tupu katoa,
24ka ko tino katoa i te lalolagi e fia olo sale o fakalogologo ki te poto o Solomona tela ne aumai ne te Atua.
25A tino katoa kola e o'mai ki a Solomona, e aumai faeloa ne latou ne meaalofa — ko mea e faite ki siliva mo aulo, ko gatu 'loa, ko meatau, ko mea fakama'nogi, ko solofanua, mo miula. Ne fai faeloa pena i tausaga takitasi.
26
29pela foki mo te togi maiga o kaliota mai Aikupito. Ne togi sale ne latou a solofanua mo kaliota ki tupu o Heti mo Sulia, e ono selau siliva i te kaliota kae selau limasefulu i te solofanua.
Who We AreWhat We EelieveWhat We Do
2025 by iamachristian.org,Inc All rights reserved.
