1Nineva, ko oko mai tou malaia!
Ko oko mai te malosi tela ka fakamasei ne ia a koe.
Tu i otou tulaga!
Leoleo te auala!
Fakatoka o taua!
2Ka toe fakafoki atu ne te Aliki te manuia ki a Isalaelu, e pela eiloa mo aso mua ka koi tuai o fakamasei ne ona fili.
3A sotia o te fili ka olo mo olotou talita lanu kula
Kae pei foki ki togiga lanu kula!
Ko fakatoka latou o tau!
Ko olotou kaliota e ma'lapu e pela me ne afi!
Olotou solofanua foki ko se maua o taofi!
4A olotou kaliota ko tele valevale i auala lasi,
Ko tele valevale i malae o te fa'kai.
E ma'lapu pela me ne molisulu
Kae makini e pela mo te uila.
5Ko kalagagina a ona tino maluga; ko fakatau siga i te olotou auala ki mua.
Ne tele fakavave atu a te kau o te fili ki te pui,
O fakatu se fale e lafi ei latou i te tukiga o te pui.
6A mataloa i tafa o te vaitafe ko maofa;
A tino i te palesi ko ga'tete i te mataku.
7A te tupu fafine ko ave fakapagota;
Ana tavini fafine ko tagi fanoanoa e pela mo lupe kae tuki olotou fatafata i te fanoanoa.
8A tino ko tele ki tua o Nineva, e pela me se vai e tafe mai i se vaisameni ko mafā!
E ui eiloa e kalaga atu: “Tu mai! Tu mai!”
Ka ko seai eiloa se tino e saga mai.
9Fao mālo a siliva mo aulo me
I te fa'kai ko fonu i te maumea e se lausia!
10A Nineva ko malaia, ko lavaki, ko masei valevale!
Ko liu suavai olotou loto i te mataku;
A tulivae ko polepole, te malosi ko seai;
A mata ko lau'tea.
11Tefea nei te fa'kai tela ko te ana o leona,
Te koga tela ne fagai sale ei a tamā leona,
Te koga tela e olo sale ki ei a leona tagata mo leona fafine mo olotou punuā leona o lafi i ei?
12Ne 'ta sale ei foki ne te leona a manu,
Kae saesae likiliki mo fagai tena avaga mo ana tama;
E faka'fonu foki ne ia tena lua i kano o manu.
13Fai mai te Aliki Maluga: “Au ko tou fili! Ka sunu fakapalele ne au au kaliota. Ko au sotia ka mate i te taua, kae ka ave keatea a mea katoa kola ne 'fao malo ne koe mai i nisi fenua. Ka se toe lagona a tou malosi i te lalolagi.”
Who We AreWhat We EelieveWhat We Do
2025 by iamachristian.org,Inc All rights reserved.
