2 TUPU 4 - Tuvalu Revised Bible

Elisaia ko Fesoasoani ki te Fafine ko Mate tena Avaga

1E isi se fafine e tokotasi ne avaga ki te pelofeta e tokotasi o se kau pelofeta; a te pelofeta tena ko oti ne mate. Ne vau te fafine tena ki a Elisaia, ana muna, “Tou malu, a taku avaga ko oti ne mate! E pela mo te mea e iloa ne koe, a ia se tagata e mataku ki te Atua; kae nei, a te tagata ne kaitalafu a ia i ei tenei ko vau o ave aku tama tagata e tokolua ke fai mo pologa, e togi ei a te kaitalafu a taku avaga.”

2Ne tali atu a Elisaia, “Se a te mea ka fai ne au mo koe? Taku mai ki a au me ne a mea i tou fale?”

Ne tali mai te fafine tena, “E seai eiloa se mea e tasi, na ko te tiā foliki e isi ne sinu olive i loto i ei.”

3Ne fai atu Elisaia ki a ia penei, “Fano o sala mai ne tiā e seai ne mea i ei mai ou tuakoi.

4Tena ko olo atu ei koutou mo au tama tagata ki loto i te fale, pono te mataloa, ko ligiligi ei ne koutou a sinu olive ki loto i tiā kona. Kafai ko fonu te tiā e tasi ko fakatafa atu ei keatea.

5Tena, ne olo atu ei te fafine mo ana tama tagata ki loto i tena fale, pono ne ia a te mataloa, puke mai ne ia a te tiā foliki tela e isi ne sinu olive i ei, ligiligi ei ne ia ki loto i tia kona, kola ne aumai ne ana tama ki a ia.

6I te otiga ne fakafonu ne latou a tiā katoa kona, ne fesili atu a te fafine me koi isi aka ne tiā, kae ne tali mai a tena tamaliki tagata e tokotasi tena penei, “Tena eiloa te 'toe tiā.” Tena, gata ei te sali mai o te sinu olive.

7Ne toe foki atu a ia ki te pelofeta ko Elisaia kae fai mai mo Elisaia ki a ia penei, “Togi atu a sinu olive kona, ko maua ei se tupe e togi ei te kaitalafu, kae ka lava foki se tupe e ola ei koe mo au tama.”

Ko Elisaia mo te Fafine Maumea mai Sunema

8I te aso e tasi, ne fano a Elisaia ki Sunema, te koga e nofo ei a te fafine maumea. Ne kami a Elisaia ne te fafine tena ke kai atu ki tena fale, tela la, mai i te aso tena, i taimi katoa e fano ei a Elisaia ki Sunema, e kai faeloa i te fale o te fafine tena.

9Muna a te fafine tena ki tena avaga penei, “Au e talitonu me i te tagata tenei e vau sale ki konei se tagata 'malu.

10E lei ke faite se potu foliki i luga, kae avatu ki ei se moega, se taipola, se nofoga mo te moli. Ka nofo a ia i te potu tena i so se taimi e asi mai ei ki a tatou.”

11I te aso e tasi, ne foki atu a Elisaia ki Sunema, fano ei ki luga i tena potu o malolo i ei.

12Ne fai atu a ia ki tena tavini ko Keasi ke fano o kalaga ki te fafine maumea ke fanatu.

13I te vauga o te fafine tena, ne fai atu ei a Elisaia ki a Keasi penei, “Fesili atu ki te fafine tena me isi se mea e manako a ia ke fai ne au mō ia e taui atu ei a mea ne fakatokatoka ne ia mō taua. Se taumate kaati e manako a ia ke fano au ki te tupu io me ko te takitaki o te kautau o fai ki ei se muna 'lei mo ia.”

Ne tali mai te fafine penei, “E maua katoa ne au a mea e manako au ki ei i konei i oku tino.”

14Ne fesili atu a Elisaia ki a Keasi penei, “Se a la te mea ka fai ne au mō ia?”

Ne tali mai Keasi, “A te fafine nei e seai ne ana tama, ka ko tena avaga ko toeaina.”

15Ne fakatonu atu a Elisaia penei, “Fai ki ei ke vau ki konei.” Ne vau te fafine tena, tu mai i mua o te mataloa,

16

Ne tali mai te fafine penei, “E 'lei fua.”

24Tena ne fakatoka tena asini, kae fai atu mo tena fakatonuga ki tena tavini penei, “Taumafai ke fakatele makini ne koe a te asini, kae vagana eiloa ke fai atu au ke mumea ifo tena makini, tena ko fatoa fakamalielie ei ne koe.”

25Tena, ne fanatu ei a ia ki te Mauga o Kalamelu, te koga e nofo ei a Elisaia.

Ne matea atu ne Elisaia a te fafine tena koi tai mao, kae fai atu a ia ki tena tavini ko Keasi penei, “Kiloke, a te fafine mai Sunema tena ko vau!

26Fakavave atu ki ei o sili ki ei me e 'lei a ia mo tena avaga mo tena tama tagata?”

Ne tali mai te fafine tena ki a Keasi me e 'lei faeloa mea katoa,

27kae i tena oko atuga ki a Elisaia, ne ifo atu a ia i ona mua kae puke atu ki ona vae. A Keasi ne fai ka tule atu keatea ne ia a te fafine tena, kae fai mai Elisaia penei, “Tuku malie ei te fafine tenei. E se lavea ne koe i te fafine tenei ko oko eiloa i te fanoanoa? Kae e seki ai eiloa se mea kai fakailoa mai ne te Aliki e uiga ki te fafine tenei.”

28Muna a te fafine ki a Elisaia, “Tou 'malu, au ne fai atu ke maua saku tamaliki tagata? Kai fai atu au ki a koe ke sa fai ne koe te mea tena?”

29Ne mafuli atu a Elisaia ki a Keasi kae fai atu penei, “Fakavave, puke toku tokotoko kae fano! Sa fakatalave o faipati ki se tino, kae kafai e fakatalofa mai se tino ki a koe, sa fakamaumau sou taimi o tali ki ei. Fano fakavave ki te fale, kae taofi ne koe toku tokotoko i luga o te tamaliki.”

30Muna a te fafine ki a Elisaia, “Au e tauto e tusa mo toku fakamaoni ki te Aliki ola, e pena foki ki a koe, me e se mafai ne au o tiaki a koe!” Tena ne 'foki tasi atu ei laua kona ki te fale o te fafine maumea tena.

31A Keasi ne mua, kae ne taofi ne ia a te tokotoko o Elisaia i luga o te tamaliki, kae e seai eiloa se leo e lagona i te tamaliki io me se fakailoga e iloa ei i te tamaliki ko ola. Tena ne foki atu a ia o fakafetaui ki a Elisaia, kae fai atu penei, “A te tamaliki e seki ala mai ki luga.”

32I te oko atuga a Elisaia, ne fanatu a ia tokotasi ki te potu, matea ei ne ia a te tamaliki tagata tena e takato mai i luga i te moega.

33Ne pono atu ne ia a te mataloa, kae talo atu ki te Aliki.

341Tupu 17.21 Tena ne takato ifo a ia i luga i te tamaliki, mo tena gutu, mata mo lima ki te gutu, mata, mo lima o te tamaliki. I te takato atuga o ia pena i luga i te tamaliki, ko te foitino eiloa o te tamaliki ko gasolo o mafanafana.

35Ne tu aka Elisaia ki luga, sasale pela i loto i te fale, toe foki atu ei o toe takato i luga i te tamaliki. Ne mafatua fakafitu te tamaliki, te mea eiloa ko pula aka ona mata.

36Ne kalaga atu Elisaia ki a Keasi kae fai ki ei ke kalaga atu ki te matua o te tamaliki ke fanatu. I te oko atuga o te matua o te tamaliki, ne fai atu a Elisaia ki ei penei, “Tenei tau tama tagata.”

37Ne fakasiga ifo a ia i vae o Elisaia, mo ona mata ko patele ki te laukele; tena ne puke aka ne ia tena tama, kae olo.

Ko Nisi Vavega e Lua

38I te taimi e tasi, i te pokoga o te oge i te fenua, ne foki atu ei a Elisaia ki Kilikala. I te taimi ne akoako atu ei ne ia a te potukau pelofeta, kae ne fai atu a ia ki tena tavini ke fakatu aka se ulo lasi ki luga i te afi o tunu aka se sitiu ma latou.

39E tokotasi mai i a latou ne fanatu ki fatoaga o puke mai ne lakau kaina. Ne lavea ne ia te vine vao, tau mai ei ne ia faka'tau ki te mea e mafai ne ia o amo. Ne vau mo ia a mea kona o katikati ki loto i te sitiu, kae e se iloa ne ia me ne a mea kona.

40Ne tufatufa atu te sitiu tena ke kai a latou, kae i te tami atuga ki ei, ne ka'laga atu ei latou ki a Elisaia penei, “A te mea nei e poisini!” Tena seki 'kai ei ki ei.

41Ne sili atu Elisaia ke aumai ne saito ko oti ne tuki, tena ne pei ne ia ki loto i te ulo, kae fai atu penei, “Toe asu atu ne sitiu ma latou.” Tena la, ko se poisini ei te sitiu.

42I te sua taimi, e isi se tagata ne vau mai Paala Salisa, ne aumai ne ia e luasefulu puta falaoa ma Elisaia, ne faite mai i te kalite muamua o te tausaga tena, fakatasi mo saito fou. Ne fai atu a Elisaia ki tena tavini ke fagai a te kau pelofeta ki mea kona,

43kae tali mai te tavini, “i tau fakatau, e lava a mea kona mō te toko selau tagata?”

Ne tali atu Elisaia, “Tuku atu ki a latou ke kai i ei, me i te Aliki ne fai mai me ka kai latou i mea kona kae ka isi foki ne mea e 'toe.”

44Tena ne laulau atu ei ne te tavini a meakai i olotou mua, kae e pela eiloa mo muna a te Aliki, ne kai katoa latou, kae e isi foki eiloa ne mea ne 'toe.