EPELU 4 - Tuvalu Revised Bible

1Nei, ko oti ne tuku mai ne te Atua ki a tatou a te folafolaga me olo atu tatou ki loto o malo'lo mo ia. Tela la, ke manava'se tatou, i te mea ma seai ei se tino o koutou e oko atu ki ei.

2Me ko oti ne lagona ne tatou a te Tala 'Lei, e pela eiloa mo latou. Ne lagona ne latou a te talaiga, kae se aoga ki a latou, i te mea ne seki talia ne latou mo te loto fakatuanaki.

3Sala 95.11Tela la, ko tatou kola e talitonu, e ulu atu ki loto o malo'lo mo te Atua. E pela eiloa mo ana muna ne fai,

“Au ne ita, fai ei taku folafolaga:

‘E se mafai lele eiloa latou o ulu mai ki loto o malo'lo mo au i toku manuia!’ ”

Ne fai ana muna konei, ka ko oti i ei tena galuega ne fai, tela ko te faitega o te lalolagi.

4Kene 2.2E penei foki a isi muna ne fai mai i Tusi e uiga mo te fitu o aso, “Ne malolo a te Atua mai i ana galuega katoa i te fitu o aso.”

5Sala 95.11Ne toe faipatigina foki a te muna tenei: “E se mafai lele eiloa latou o ulu mai ki loto o malo'lo mo au i toku manuia.”

6Ko latou kola ne muamua o lagona ne latou a te Tala 'Lei, ne seki ulu ki loto o malo'lo mo te Atua, me ne se talitonu latou. Kae e isi eiloa ne tino e talia o ulu ki loto o malo'lo mo te Atua.

7Sala 95.7,8E fakamaonia a te mea tenei i te faiga ne te Atua a te sua aso tela e fakaigoa ki te “Aso Nei.” E faipati sale eiloa ne ia te muna tenei i te ukega o tausaga fakamuli ifo, e alatu i a Tavita, i muna o te Tusi kola ko oti ne siki mai,

“Kafai e lagona ne koutou a te leo o te Atua i te aso nei,

Sa loto ma'keke.”

8 Teu 31.7; Iosu 22.4 Moi fai ne takitaki ne Iosua a tino ki te koga malolo o te Atua, penei e se toe faipati a te Atua e uiga ki te isi aso.

9Tela la, e isi eiloa se malologa mo Kelisiano, e pela eiloa mo te Atua ne malolo i te fitu o aso.

10Kene 2.2Me ko so se tino e fano ki loto o malolo mo te Atua, e malolo mai i ana galuega, e pela foki eiloa mo te Atua ne malolo mai i ana galuega.

11E 'tau mo tatou o taumafai malosi ke ulu atu tatou ki loto o malo'lo mo te Atua. E se 'tau mo se tino o tatou o se fakalogo, e pela mo te mea ne fai ne latou, tena la ko se mafai ei ne latou o ulu atu ki loto.

12Me i te muna a te Atua e ola kae galue mo te 'mana. E sili atu foki tona 'kai i se pelu e 'kai matalua. E suki ne ia te loto mo te agaga ke mavaelua, ke oko foki eiloa ki sokoga ivi mo 'kano; e fakamasino foki ne ia a manako mo mafaufauga o loto o tino.

13E seai se mea e mafai o 'funa mai i te Atua. A mea katoa ne faite i te lalolagi, e fakaasi kae tuku faka'sau eiloa i ona mata; ko ia foki e 'tau o avatu ki ei ne tatou a tala e uiga mō tatou.

A Iesu ko te Faitaulaga Pule Sili

14Ke puke mautakitaki tatou ki te fakatuanaki tela e takutaku atu ne tatou. Me isi se tou faitaulaga pule sili tela ko oti ne fano ki te lagi, ko Iesu tena ko te Tama a te Atua.

15A te tou faitaulaga pule, e kau fakatasi mai ki o'tou puapuaga, ne fakaosoosogina e pela eiloa mo tatou, kae ne seki agasala la a ia.

16Tela la, e 'tau mo tatou o loto ma'losi o o'mai ki mua o te nofogaaliki o te Atua, tela e iai i kona a te alofa tauanoa. I kona, e maua ei ne tatou a te alofa 'nau mo te alofa tauanoa, kola e fesoasoani mai ki a tatou manafai e ma'nako tatou ki ei.