SALAMO 53 - Tuvalu Revised Bible

Ko Vaivaiga faka'tagata(Sala 14)

1 Loma 3.10-12 E fai ake pela a tino valea ki olotou loto,

“E seai se Atua.” A latou ne tino ma'sei katoa,

Ko mea ma'sei faeloa ne fai ne latou;

E seai se tino o latou e amio 'lei.

2E onoono mai te Atua mai te lagi ki tino i lalo nei,

Ke matea ne ia me isi ne tino poto io me isi foki ne tino e tapuaki ki a ia.

3Ka ko fuli keatea katoa a latou mai i a ia,

E pau katoa latou i te ma'sei.

E seai se tino o latou e amiotonu,

e seai lele eiloa se tino e tokotasi.

4Muna a te Atua, “E a, e se iloa ne latou?

A tino amio ma'sei katoa konei e valea?

E ola faeloa latou o 'fao a mea a oku tino,

Kae se fakatagi mai latou ki a au.”

5Tena, ka ma'taku malosi ei latou i te ma'taku tela e seki maua eiloa ne latou muamua;

Me ka fakasalalau ne te Atua a ivi o fili o tena fenua.

Ka fakatakavale masei ne Isalaelu a latou, i te Atua ko se fiafia ki a latou.

6Au e talo ke oko mai te manumalo ki Isalaelu mai Siona!

Ka fia'fia malosi a tino o Isalaelu,

Manafai e toe fakamanuia a latou ne te Atua!