HOSEA 9 - Tuvalu Revised Bible

Ko Folafola atu ne Hosea a te Fakasalaga o Isalaelu

1Tino Isalaelu, sa toe fakamanatugina a otou kaiga fiafia e pela mo tino fapau'pau. Ko oti koutou ne fulitua ki te otou Atua kae se fakamaoni ki a ia. Ko oti ne tuku atu otou foitino e pela me ne fafine tali tagata ki te atua ko Paala kae fiafia ki saito kola ne mafaufau koutou me ne aumai i a ia mo togi koutou!

2Kae ko pili nei ko se lava ne saito ma koutou, mo sinu olive pela foki mo uaina.

3A tino Isalaelu ka se toe nofo nei i te fenua o te Aliki, kae ka faka'foki ki Aikupito kae ka toe kai ki meakai kola e tapu ma kai ki ei i Asulia.

4I fenua fakaatea kona, ka se toe mafai ne latou o ofo atu ne taulaga uaina ki te Aliki, io me fai olotou taulaga ki a ia. So se tino e kai ki olotou meakai ka lailai, e pela mo meakai kola e kai ne tino i taimi e tanu ei a tino mate. E fakaaoga fua ne latou mo fakama'kona latou; kae e seai eiloa se mea e ave mo fai taulaga ki te Faletapu o te Aliki.

5Kae kafai e oko mai te taimi e fai ei a kaiga fiafia e fakaaloalo ei te Aliki, ne a la olotou mea ka fai i te taimi tena?

6Kafai e oko mai te fakalavelave kae ko salalau valevale a tino, ka fakapotopoto latou ne tino Aikupito — fakapotopoto ke tanu i Mefisi! A olotou koloa siliva mo koga kola ne tu sale ei olotou fale, ka fonu i mouku mo lakau makai'kai.

7 Ka masaua ne te Atua olotou agasala kae fakasala latou e tusa eiloa mo olotou agasala ne fai.

Ko te Agasala a Isalaelu mo te Lotou Ikuga

10 Nume 25.1-5 Muna a te Aliki, “I te taimi ne fatoa maua ei ne au a Isalaelu, e pela eiloa me ne vine e maua atu e ola i se koga lavaki. I te mateaga muamua eiloa ne au a otou tupuga, e pela eiloa me ko matea atu ne au te fua muamua o mati ko sulu i te taukai mati. Kae i te taimi ne oko atu ei latou ki te Mauga o Peolo, ne kamata ei latou o tapuaki ki a Paala, kae se mea vave eiloa latou o fakatakalialiagina e pela mo atua e fia'fia latou ki ei.

11A te malu o Isalaelu ka eva keatea e pela me se manu eva, kae ka se toe ai ne tamaliki a latou e maua, se toe ai ne fafine e faitama, se toe ai foki ne tamaliki e fanau mai.

12Kae kafai e isi ne tamaliki a latou, ka ave keatea ne au, e seai se tamaliki e fakaola. I te taimi e tiakina ei ne au a tino konei, ka 'tupu fakalavelave faiga'ta ki a latou.”

13Te Aliki, e lavea ne au olotou tamaliki e afuli o tamate.

14Se a te mea ka fakatagi atu ei au ke fai ne koe ki tino konei? Fai aka olotou fafine ke se faitama! Ke mo a foki latou e mafai o tausi olotou pepe!

Ko te Fakamasinoga a te Aliki ki Isalaelu

15Muna a te Aliki, “A amioga ma'sei katoa a latou ne kamata i Kilikala. I kona foki ne kamata ei au o kaitaua ki a latou. Ka afuli ne au a latou keatea mai toku fenua e tusa mo amioga masei a latou ne fai. Ka se toe alofa lele eiloa a au ki a latou; a olotou takitaki katoa ko oti ne teke mai ki a au.

16A tino Isalaelu e pela me se lakau tela ko pakupaku ona aka, kae ko seai foki ne ana fuaga. Ka seai ne olotou tamaliki, kae kafai foki la e isi, ka tamate ne au a tamaliki kola e fagasele i olotou loto.”

Ko Faipati te Pelofeta e uiga ki Isalaelu

17A te Atua tela e tavini au ki ei, ka teke ne ia tena fenua, me ne seki faka'logo ki a ia. Ka fai latou mo malo nofo solo i te lalolagi.