TEUTELONOME 14 - Tuvalu Revised Bible

Ko Tagi Fanoanoa e se tau o fai ne Koutou

1 ko hupose; mo pea.

19“A manu foniki kola e isi ne kapakau e lailai; sa kai ki manu pena.

20E isi ne manu pena e ma, e mafai koutou o kai ki ei.

21“Sa kai ki manu kola ne mate me ko oko eiloa ki te taimi ko tau o mate ei. E mafai o tuku ne koe ke kai ma tino fakaalofa kona e nofo tasi koutou, io me togi atu ne koe ki tino fakaatea. A koe e a te Aliki tou Atua; a koe se tino o tena fenua.

“Sa tunugina se tamā mamoe io me se kouti ki vai u o tena matua.

Ko te Tulafono o te Tasi Vae Sefulu

22 Levi 27.30-33; Nume 18.21 “Tuku fakaatea e tasi vae sefulu mai fuaga o au fatoaga katoa i tausaga takitasi.

23Ka oti ko fano ei koe ki te koga tela ko oti ne fili ne te Atua ke tapuaki atu i ei a tino ki a ia; i kona ka kai ei ne koe te tasi vae sefulu o au saito, uaina mo sinu olive, mo te uluaki tama a tau pulumakau, pela foki te uluaki tama a tau mamoe. Fai te mea tena ke iloa ne koutou o fakaaloalo sale ki te Aliki i taimi katoa.

24Kafai e faigata o ave ne koe a te tasi vae sefulu o fuaga o au fatoaga katoa ki te koga tapuaki, me ko to mao,

25e mafai fua ne koe o togi atu a te tasi vae sefulu tena ke maua i ei se tupe, ko fano ei koe mo te tupe tena ki te koga tapuaki.

26Togi so se mea e manako koe ki ei i te tupe tena; ne kano o pulumakau, ne kano o mamoe, ne uaina mo ne pia i kona, i mua o te Aliki te otou Atua, e tau koe mo tou kaiga o kai ki mea kona kae fiafia.

27“Sa puli i a koutou a sa Levi kona e nofo i otou fa'kai; e seai ne laukele totino o latou ne tufa.

28I te fakaotiga o te taki tolu o tausaga, aumai e tasi vae sefulu o fuaga o otou fatoaga katoa, kae teu i otou fa'kai.

29A te vaega tena e ave ma te kau sa Levi, me e seai ne mea totino a latou, pela foki a tino fakaatea, mo tamaliki seai ne matua, mo fafine e seai ne avaga kona e nofo i otou fa'kai. E tau mo latou o o'mai o puke ne olotou meakai, ki te uke e manako latou ki ei. Kafai e fai ne koutou te mea tena, kae ka fakamanuia ne te Aliki te otou Atua a koutou i otou galuega katoa e fai.