1E tusa mo te tino fitu o tino i te gafa o te tupu ko Aapo e nofo i te fa'kai o Samalia. Ne tusi ne Ieu tena tusi kae ave mo kopi o tena tusi tena ki takitaki o fa'kai, tagata ma'luga, mo tino tausi o tino o te gafa o Aapo. E penei te tusi:
2“A koutou e tausi ne koutou a tino o te gafa o Aapo, kae e isi ne kaliota, solofanua, mea tau mo fa'kai e isi ne olo, e i lalo o te otou pulega. I te taimi e maua ei ne koutou a te tusi tenei,
3e tau o fili ne koutou se tino 'tau mai tino o te gafa o te tupu, ko fai ei ne koutou ke fai mo tupu, kae tausi faka'lei ne koutou a ia.”
4A takitaki o Samalia ko oko eiloa i te ma'taku, olotou muna, “E mafai pefea ne tatou o teke a Ieu manafai ne seki mafai ne te Tupu ko Iolamo mo te Tupu ko Asaia o fakatakavale?”
5Tela la, ne ave ei a te fekau a te ofisa pule i te palesi, mo ofisa pule o te fa'kai, fakatasi mo tino tāua o te fa'kai mo tino tausi o te kaiga o te tupu, ki a Ieu penei, “A matou ko au tavini, kae e toka faeloa matou o fai so se mea e manako koe ki ei. E seai se tino e fai ne matou mo tupu; fai koe te mea e fakatau ifo koe e 'lei.”
6Ne tusi atu te sua tusi a Ieu ki a latou penei: “Kafai koutou e kau i a au, kae toka faeloa o tau'tali i aku fakatonuga, masaua la ke aumai ne koutou a ulu o tino o te gafa o te Tupu ko Aapo ki a au i konei i Ieseleelu, i te taimi penei ma taeao.”
A te tinofitu i te gafa o te Tupu ko Aapo e tausi ne tino ma'luga o te fa'kai o Samalia, kola e ave ne latou ki te tupu.
7I te mauaga ne takitaki o Samalia a te tusi a Ieu, tena ne tamate ei ne latou te tinofitu i te gafa o Aapo, 'fao olotou ulu ki kete, kae ave ki a Ieu i Ieseleelu.
8I te logoga a Ieu i ulu o tino o te gafa o Aapo ko oko mai, ne fai atu ei tena fakatonuga ke fakatofaki i ne fakatūga e lua i te mataloa o te fa'kai, kae ke tuku eiloa i kona ke oko ki te aso taeao.
9I te taeaoakega, ne fanatu a Ieu ki te mataloa o te fa'kai kae fai atu ki tino kola e nofo mai i kona penei, “Ko au te tino ne alamati o ta a te Tupu ko Iolamo; e seai se 'se o koutou i te mea tenei. Ka ko oi ne tamate ne ia a tino katoa konei?
10Ko fakamaoni i te taimi nei i mea katoa kola ne faipati ne te Aliki e uiga ki te gafa o Aapo ne taunu eiloa. Ko oti nei ne fai ne te Aliki a te mea ne tauto ne ia ki tena pelofeta ko Elia.”
11Hose 1.4 Tena ne tamate katoa ei ne Ieu a nisi kaiga katoa o Aapo kola e nofo i Ieseleelu, fakatasi mo ana ofisa, mo ana taugasoa, mo ana faitaulaga; e seai eiloa se tino o latou ne fakasao.
Ko Tamate a Kaiga o te Tupu Ko Asaia12Ne tiakina ne Ieu a te fa'kai o Ieseleelu o fano ki Samalia, kae i te auala, i te koga e fakaigoa ki te “Koga o Tausi Mamoe,”
13ne fetaui ei a ia mo nisi kaiga o te Tupu o Iuta ko Asaia, kae ne fesili atu a ia ki a latou penei, “Ko oi koutou?”
Ne tali mai latou penei, “Matou ko kaiga o Asaia. A matou nei e olo ki Ieseleelu o fakaoko atu te motou loto fakaaloalo ki tama a te Tupu fafine ko Iesepela kola ne mate, pela foki ki te kaigā tupu katoa.”
14Ne fakatonu atu a Ieu ki tena kau penei, “Puke mai te kau kona!” Ne puke mai ne tena kau a kaiga o Asaia kona, tamate katoa ei ne ia i tafa o te lua i kona. E tusa mo te tinofa mo te tokolua te aofaki o tino kona, kae e seai eiloa se tino ne sao.
Ko Tamate katoa a Tino i te Kaiga o Aapo kola ne Toe15Ne toe fanatu te malaga a Ieu, kae i te auala ne fetaui ei laua mo Ionatana, te tama tagata a Lekapa. Ne fakatalofa atu a Ieu ki a ia, kae fai atu penei, “A taua e pau sale ta mafaufauga. E a, e fiafia koe o fesoasoani mai ki a au?”
Ne tali atu Ionatana, “Ao.”
Muna a Ieu, “Tuku mai la tou lima.” Ne fakatalofa laua, fakasopo atu ei ne Ieu a ia ki luga i te kaliota,
16kae fai atu penei, “Vau ke olo taua, ke lavea ne koe toku fakamaoni ki te Aliki.” Tena ne olo tasi atu eiloa laua ki Samalia.
17I te oko atuga a laua ki Samalia, tamate katoa eiloa ne Ieu a kaiga katoa o Aapo, e seai eiloa se tino ne fakasao. A te mea tena ne tupu ko te mea ko oti ne faipati mai ne te Aliki ki a Elia.
Ko te Tamatega o Tino kola e Tapuaki ki a Paala18Ne fakamaopoopo ne Ieu a tino katoa o Samalia kae fai atu ki a latou penei, “A te Tupu ko Aapo ne tavini ki a Paala, kae ka silia atu toku tavini ki a Paala i lo o ia.
19Fakamaopoopo mai a pelofeta katoa a Paala, mo tino katoa e tapuaki sale ki a ia, mo ana faitaulaga katoa. E seai eiloa se tino e se tau o vau; ka ofo ne au se taulaga lasi eiloa ki a Paala, ka ko latou kola e se oko mai e tamate katoa.” A te mea tenei se togafiti a Ieu, ko te mea ke tamate katoa ne ia a tino kola e tapuaki ki a Paala.
20Tena ne fai te fakatonuga a Ieu penei, “Fakailoa atu a te aso e fai ei tapuakiga e fakaaloalogia ei a Paala!” Ne fai eiloa a te fakasalalauga tena,
21kae ne fakasalalau atu foki ne Ieu te mea tena i luga i te fenua katoa o Isalaelu. A tino katoa kola e ifo ki a Paala, ne o'mai katoa, e seai eiloa se tino ne nofo. Ne olo katoa latou ki loto i te faletapu o Paala, tela ko ii eiloa mai te sua mata ki te sua mata.
22Tena, ne fai atu ei a te fakatonuga a ieu ki faitaulaga kola e tausi ne latou a gatu 'loa ke aumai o tufa atu ki tino kona ne o'mai o tapuaki.
23Oti aka, ko Ieu eiloa ko olo atu mo Ionatana, te tama tagata a Lekapa, ki loto i te faletapu, kae fai atu ki tino i kona penei, “Onoono faka'lei me ko tino fua kola e ifo ki a Paala e tau o nofo i loto nei, kae ke mo a e isi ne tino e ifo ki te Aliki i loto nei.”
24Tena, ne olo atu ei laua mo Ionatana ki loto o ofo a taulaga mo taulaga sunu ki a Paala. Ko oti eiloa ne fakatonu ne ia te tinovalu tagata ke tu i tua o te faletapu, kae ne fai ki ei penei: “Ka tamate ne koutou a tino katoa konei; so se tino e fakasao ne ia se tino i tino konei e togi ne ia ki tena ola!”
25I te otiga ne ofo ne Ieu a taulaga, fai atu ei a ia ki sotia tiute mo ofisa penei, “Olo ki loto o tamate a tino kona; sa fakasao eiloa se tino!” Ne ulu atu latou ki loto mo olotou pelu ko oti ne tapale ki tua, tena tamate katoa eiloa ne latou a tino kona, kae toso olotou foitino ki tua. Oti aka, ulu atu ei latou ki loto i te potu tapu o te faletapu,
26puke mai ne latou a te tupua i kona, sunu ei ne latou.
27Tena, ne fakamasei eiloa ne latou a te potu tapu mo te faletapu, kae fuli aka ne latou a te faletapu mo fai te fale foliki, tenei eiloa koi tu mai ki aso nei.
28Tena te faiga ne fai ne Ieu, ne fakagata ei a te tapuaki atu ki a Paala i Isalaelu.
291Tupu 12.28-30 Ka ko te fakalavelave, me ne fakaakoako foki a ia ki te agasala a te Tupu ko Ielopoamo, tela ne taki ne ia Isalaelu ki te agasala ko te tapuaki atu ki pulumakau aulo kola ne fakatū ne ia i Peteli pela foki i Tanu.
30Muna a te Aliki ki a Ieu, “Ko oti ne fakataunu ne koe a te mea ne manako ei au ke fai ne koe ki te gafa o Aapo. Tela la, au e tauto atu me i tou gafa ka fai faeloa mo tupu o Isalaelu ke oko ki te fa o tupulaga.”
31Ka ko Ieu ne seki tausi mo tena loto katoa a tulafono a te Aliki, te Atua o Isalaelu; kae ne tautali fua a ia i auala o te tupu ko Ielopoamo, tela ne taki ne ia Isalaelu ki te agasala.
Ko te Mate o Ieu32I te taimi tena, a te Aliki ko kamata o fakafoliki a te laukele o Isalaelu. Ne fakatakavale ne Hasaeli, te Tupu o Sulia, a te laukele katoa o Isalaelu
33I te feitu ki te saegala o te Iolitana, ke oko eiloa ki te fa'kai o Aloela i saute, i te Vaitafe o Alinona, e aofia i konei a te laukele o Kileata mo Pasana, te koga e nofo ei a matakaiga o Kato, Leupena mo Manase ki te Saegala.
34A nisi tala e uiga ki a Ieu, pela mo ana mea ne fai e iloga ei tena loto toa, e fakamau katoa i te tusi o Te Tala Tuku Fakasolo o Tupu o Isalaelu.
35Ne mate atu a ia, kae ne tanu i Samalia; kae ne sui a ia ne tena tama tagata ko Ioasasa o fai mo tupu.
36A Ieu ne fai mo tupu o Isalaelu i tausaga e luasefulu valu, kae ne nofo i te laumua o Isalaelu ko Samalia.
Who We AreWhat We EelieveWhat We Do
2025 by iamachristian.org,Inc All rights reserved.
