NEEMIA 3 - Tuvalu Revised Bible

Ko Toe Faite a Pui o Ielusalema

1Tenei te tala o te toe faitega o te pui o te fa'kai. Ko Eliasipa te Faitaulaga Sili mo ona taina faitaulaga ne toe faite ne latou te Mataloa o Mamoe, fakatapu ne latou, fakamau atu ei ne latou ki te koga e tau o fakamau ki ei. Ne fakatapu ne latou a te pui ke oko eiloa ki te Taoa o Selau mo te Taoa o Hananelu.

2Ko tino o Ieliko ne toe faite ne latou a te sua vaega.

Ko Sakula te tama tagata a Imeli ne toe faite ne ia a te sua vaega o te pui.

3Ko te kaukaiga o Hasena ne toe faite ne latou a te Mataloa o Ika. Ne fakapiki atu ne latou a utupoto mo feitu mataloa ki te koga e tau o piki ei, kae fakamau atu foki mo ona fao mo fiti mo loka sale.

4Ko Melemota, te tama tagata a Ulia kae ko te mokopuna o Hakosi ne toe faite ne ia a te isi vaega.

Ko Mesulama, te tama tagata a Pelekia kae ko te mokopuna o Mesesapelu ne toe faite ne ia a te sua vaega.

Ko Satoka te tama tagata a Pana ne faite ne ia a te sua vaega.

5Ko tagata o Tekoa ne faite ne latou a te sua vaega, ka ko takitaki o te fa'kai ne ita ma fai a galuega kola ne fakatonu atu ne te kau fakatonu'tonu.

6Ko Ioiata te tama a Pasea mo Mesulama te tama a Pesoteia ne toe faite ne laua a te Mataloa o Iesana. Ne faka'piki atu ne latou a utupoto mo feitu mataloa ki te koga e tau o piki ei, fakamau atu ei mo fao mo fiti mo loka sale.

7Ko Melatia mai Kipeona, Iatona mai Melonota, mo tagata mai Kipeona mo Mesepa ne faite ne latou te sua vaega, ke oko eiloa ki te koga e nofo ei a te kovana o te itu malo o Eufilate ki te Togala.

8Ko Usieli te tama tagata a Halaia, se tagata poto i galuega ki aulo, ne faite ne ia a te sua vaega.

Ko Hanania, te tagata faite mea manogi, ne faite ne ia a te sua vaega ke oko eiloa ki te Pui Lauefa.

9Ko Lefaia te tama tagata a Hulo, te takitaki o te feitu e tasi o te koga fenua o Ielusalema, ne faite ne ia a te sua vaega.

10Ko Ietaia te tama tagata a Halumafa ne faite ne ia a te sua vaega, tela e pili atu eiloa ki tena fale.

Ko Hatusa te tama tagata a Hasapeneia ne faite ne ia a te sua vaega.

11Ko Malakita te tama tagata a Halima mo Hasupa te tama tagata a Pahata Moapi ne faite ne laua te sua vaega fakatasi mo te Taoa o Ogaumu.

12Ko Saluma te tama tagata a Haloesa, te takitaki o te sua feitu o te kogā fenua o Ielusalema, ne faite ne ia a te sua vaega. Ne fesoasoani atu foki ana tama fafine ki te galuega.

13Ko Hanuna mo tino o te fa'kai o Sanoa ne toe faite ne latou a te Mataloa o Vanu. Ne fakapiki atu ne latou a feitu mataloa ki te koga e tau o piki i ei, fakamau atu mo fao mo fiti mo loka sale te mataloa, kae toe faite fakalei foki ne latou a te pui e tusa mo te 440 mita, ke oko eiloa ki te Mataloa o Kaiga.

14Ko Malakita te tama tagata a Lekapa, te takitaki o te kogā fenua o Pete Hakelema, ne toe faite ne ia a te Mataloa o Kaiga. Ne fakapiki faka'lei ne ia te mataloa kae fakamau atu mo fao mo fiti e loka sale ei te mataloa.

15Ko Saluma te tama tagata a Kolose, te takitaki o te koga fenua o Mesepa, ne toe faite ne ia a te Mataloa o Vaipuna. Ne fai ne ia se fakamalumalu o te mataloa, fakapiki atu ne ia a feitu mataloa, kae fakamau atu mo fao mo fiti mo loka sale. Ne faite ne ia i te Vai o Seela, a te pui tela e tafa ki te fatoaga o tupu, ke oko eiloa ki sitepu kola e olo ifo mai i te Fa'kai o Tavita.

16Ko Neemia te tama tagata a Asipuka, te pule o te feitu e tasi o te koga fenua o Petesula, ne faite ne ia te sua vaega, ke oko eiloa ki te tanuga o Tavita, mo te vai, mo koga nofo o sotia.

Ko te Kau Sa Levi kola ne Galue i te Pui

17Konei a te kau sa Levi kola ne toe faite ne latou a nisi vaega o te 'pui:

Ko Lehuma te tama tagata a Pani ne faite ne ia te vaega e tasi:

Ko Hasapaia, te pule o te feitu e tasi o te kogā Fenua o Keila, ne faite ne ia te vaega e tasi mō tena fa'kai;

18Ko Pavai te tama tagata a Henatata, te pule o te sua feitu o te kogā Fenua o Keila, ne faite ne ia te isi vaega;

19Ko Eseli te tama tagata a Iesua, te pule o Mesepa, ne faite ne ia a te vaega i mua o te koga e tuku ei a meatau, ke oko eiloa ki te gaofega o te 'pui;

20Ko Paluka te tama tagata a Sapai ne faite ne ia te sua vaega, ke oko eiloa ki te mataloa o te fale o te Faitaulaga Sili ko Eliasipa;

21Ko Melemota te tama tagata a Ulia kae ko te mokopuna o Hakosi, ne faite ne ia a te sua vaega, ke oko eiloa ki te feitu fakaoti o te fale o Eliasipa.

Ko Faitaulaga kola ne Galue i te Pui

22Konei a faitaulaga kola ne toe faite ne latou a nisi vaega o te pui:

Ko faitaulaga i tafatafa o Ielusalema ne faite ne latou te sua vaega:

23Ko Peniamina mo Hasupa ne faite ne laua te sua vaega, tela i mua o la fale;

Ko Asalia te tama tagata a Maseia kae ko te mokopuna o Anania ne faite ne ia a te sua vaega, i mua eiloa o tena fale;

24Ko Pinui te tama tagata a Henatata ne faite ne ia a te sua vaega, e kamata mai i te fale o Asalia ke oko ki te matulimanu o te pui;

25-26Ko Palale te tama tagata a Usai ne faite ne ia a te sua vaega, e kamata mai i te matulimanu o te pui, mo te taoa o te feitu ki luga o te palesi, i tafa o te koga o sotia tiute; Ko Petaia te tama tagata a Palosi ne faite ne ia a te sua vaega, ke oko eiloa ki te kogā koga o te fa'kai tela e fakaigoa ki a Ofele, te koga e nofo ei a tino ga'lue o te Faletapu.

Ko Nisi Tino ne Ga'lue i te Pui

27Ko tagata o te fa'kai o Tekoa ne faite ne latou a te sua vaega, ko te lua tena o vaega ne faite ne latou, e kamata mai i te koga koga tela e fakafesagai ki te taoa lasi tela e tausi ei te Faletapu, ke oko eiloa ki te pui i tafa o Ofele.

28Se potukau faitaulaga ne faite ne latou te sua vaega, ne faite eiloa te tino i te pui i mua o tena fale, ne kamata latou mai i te Mataloa o Solofanua o fano fakamatu.

29Ko Satoka te tama tagata a Imela ne faite ne ia a te sua vaega tela i mua o tena fale.

Ko Semaia te tama tagata a Sekania, te tausi o te Mataloa ki te Saegala, ne faite ne ia a te sua vaega.

30Ko Hanania te tama tagata a Selemia, mo Hanuna, te toko ono o tama a Salafo, ne faite ne laua te sua vaega, ko te lua o vaega a laua tena.

Ko Mesulama te tama tagata a Pelekia ne faite ne ia a te sua vaega tela i mua o tena fale.

31Ko Malakita, se tagata poto i galuega ki aulo, ne faite ne ia a te sua vaega, ke oko eiloa ki te fale tela e fakaoga ne tino galue o te Faletapu mo tino fai mea togi, tela e tu i tafa o te Mataloa o Mifekato; Ko Malakita, se tagata poto i galuega ki aulo, ne faite ne ia a te sua vaega, ke oko eiloa ki te fale tela e fakaoga ne tino galue o te Faletapu mo tino fai mea togi, tela e tu i tafa o te Mataloa o Mifekato, i tafa o te potu tela e tu i luga o te matulimanu ki matu saegala o te pui.

32Ko tino poto i galuega ki aulo mo tino fai mea togi ne faite ne latou te vaega fakaoti, mai i te potu tena i te matulimanu ke oko ki te Mataloa o Mamoe.