SALAMO 28 - Tuvalu Revised Bible

Ko te Talo mō se Fesoasoani

1Te Aliki, toku lafiga,

Au e kalaga atu ki a koe.

Fakalogo mai ki taku fakatagi!

Kafai se tali mai koe ki a au,

Ka fano au i tino kola e olo ifo ki te fenua o tino mate.

2Fakalogo mai manafai e fakatagi atu au ki a koe mō se fesoasoani,

Manafai e sisi ake oku lima ki luga kae fakasaua atu ki tou Faletapu.

3Sa fakasalagina au fakatasi mo tino amio masei, mo latou foki kola e fai amioga ma'sei,

Ko tino kola e fia 'lei i olotou muna,

Ka ko olotou loto e fonu eiloa i te takalialia.

4 Faka 22.12 Fakasala atu latou e tusa mo olotou mea ne fai,

E tusa foki mo olotou amioga ma'sei katoa ne fai.

Fakasala atu latou e tusa mo olotou uiga ma'sei katoa ne fai;

Taui atu ki a latou te mea e 'tau ki a latou!

5E se saga latou ki mea ne fai ne te Aliki,

E pela foki mo mea ne faite ne ia;

Tena ko fakasala ei ne ia a latou kae fakamalaia ki te se gata mai.

6Tavae atu ki te Aliki; me ko oti ne lagona ne ia taku fakatagi mō se fesoasoani.

7A te Aliki e puipui kae fakalafi ne ia au;

Au e talitonu ki a ia.

Ne fesoasoani mai a ia ki a au,

Kae fakafiafia foki ne ia a au;

E viki au ki a ia i pese fiafia.

8A te Aliki e puipui ki ona tino;

E faka'lafi kae fakasao ne ia a tena tupu filifilia.

9Te Aliki, fakasao tou fenua, kae fakamanuia atu ou tino!

Ke fai koe mo olotou tausi mamoe,

Kae tausi atu ki a latou ki te se gata mai.