ESELA 4 - Tuvalu Revised Bible

Ko Tino e Fakalavelave ki te Toe Faitega o te Faletapu

1A tino kola e fai fili ki tino o Iuta mo Peniamina ne 'logo i tino kola ne 'foki mai mai te tafeaga ko toe faite nei ne latou a te Faletapu o te Aliki, te Atua o Isalaelu.

2

11Konei a muna o te tusi:

“Ki te Tupu ko Aletaseta mai ana tavini ko tagata mai i te feitu ki te Togala o te Eufilate.

12“A matou e manako ke iloa ne Tou Malu i tino Iutaia kola ne o'mai ki konei mai i nisi kogā laukele o koe ko nofo nei i Ielusalema kae ko toe faite nei ne latou a te fa'kai masei tenei. Ko oti ne kamata te faitega ne latou a pui o te fa'kai kae ko se leva nei kae oti.

13Tou 'Malu, kafai ko palele ne toe faite te fa'kai tenei mo ona pui, ko tena uiga ko tino ka fakagata te 'togi lafoga mai, ko foliki ei te tupe e maua ne koe.

14A matou e i lalo o tau pulega, tela la, e se manako matou ke tupu se mea pena, kae i te motou manatu,

15ke fai ne koe se fakatonuga ke sukesuke a tusi e fakamau ei a tala tuku fakasolo kola ne tausi ne ou tupuga. Kafai e fai ne koe te mea tena, ka iloa ei ne koe i te fa'kai tenei se fa'kai e masani o teke ki te malo, kae mai taimi mua, ne fakatupu fakalavelave sale ki tupu mo takitaki o itumalo. A ona tino ko latou eiloa ko faigata o pulea. Tena te mea ne fakamasei ei a te fa'kai.

16Tela la, a matou e talitonu me kafai ko oti ne toe faite te fa'kai tenei mo ona pui, ka se mafai ne Tou 'Malu o pulea fakalei a te itumalo ko Eufilate ki te Togala.”

17Tenei te tali a te Tupu:

“Ki a Lehuma te kovana mo Simisai te failautusi mo tino e kau fakatasi mo laua kola e nofo i Samalia pela foki i kogā koga o Eufilate ki te Togala. Talofa koutou.

18“A te tusi tela ne aumai ne koutou ki a au ko oti ne faitau mai ki a au i te gana e malamalama ei au.

19Ko oti ne fai taku fakatonuga ke sukesuke a tusi kona kae e tonu me ko oti ne maua a tala o Ielusalema i aso mua me se fa'kai ne masani o 'teke ki tino kola e pule ia latou, kae se fa'kai foki e fonu i tino teke ki te malo mo tino fakatupu fakalavelave.

20E isi ne tupu takutakua ko oti ne fai mo tupu i kona, kae ko oti ne pule ne latou a te kogā fenua katoa o te Eufilate ki te Togala, kae 'tae ne latou a lafoga mo tupe mai i kona.

21Tela la, e tau o fai ne koutou se fakatonuga ke fakagata te toe faitega o te fa'kai tena ke oko ki te taimi e toe maua ei se tonu mai i a au.

22Na fai eiloa te mea tena, ke mo a e matuku ifo te mea e maua sale ne au.”

23I te taimi eiloa ne oko mai ei te tusi a Aletaseta ki a Lehuma mo Simisai mo tino e kau fakatasi latou, tena ne olo fakavave atu ei latou ki Ielusalema o taofi te galuega a te kau Iutaia i te toe faitega o te fa'kai.

Ko toe Kamata te Faitega o te Faletapu

24 Haka 1.1; Saka 1.1 A te galuega ki te faitega o te Faletapu ne fakagata muamua kae ne tumau eiloa pena ke oko eiloa ki te lua o tausaga o te nofoaiga a Taliu i Pelesia.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help