MIKA Fakatomuaga - Tuvalu Revised Bible
FakatomuagaTe pelofeta ko Mika tela ne ola i aso o te pelofeta ko Isaia, se tagata mai i te fa'kai o Iuta, te malo ki saute. Ne fakapatonu ne i a me ia Iuta, ka fakafesagai mo te fakalavelave fakafenua tela ne valo foki ne Amosa me ka pokotia ei a te malo ki matu, kae ko te pogai foki loa tena a te Atua ka fakasala ne ia a uiga, se lei, mo te se tonu o tino. Te fekau a Mika, e aofia i loto a fakamainaga manino o fakailoga o fakamoemoega mo aso mai mua.Ko fuaiupu e sili i te taua, o kilo ki ei, ko te ata o te filemu katoatoa o te lalolagi i lalo o te pulega a te Atua (4.1-4); ko te faipatiga mo te tupu tafasili i te taua tela ka vau mai te gafa o Tavita, kae ka aumai ne ia a te filemu ki te atufenua (5.2-4); kae i te fuaiupu e tasi (6.8) ko te fakatoetoega o pati e uke katoa, kola e tau o fai ne pelofeta o Isalaelu: “A te mea e manako a ia ke fai ne tatou tenei; ke fai ne tatou te mea tonu, ke fakaasi atu te alofa tumau, kae ola mo te loto maulalo i mua o te tou Atua.”Ko Fakasologa o MataupuKo te fakamasinoga o Isalaelu mo Iuta 1.1—3.12Ko te filemu mo te toe fakaolaga 4.1—5.15Ko muna polopoloki, mo te fakamoemoega 'lei 6.1—7.20
