1 PETELU Fakatomuaga - Tuvalu Revised Bible
Fakatomuaga Te Tusi Muamua mai i a Petelu ne fakatuatusi ki Kelisiano, kola e fakaigoa “ki tino filifilia o te Atua,”kola e salalau valevale i feitu foliki o Asia ki matu. Te pogai tonu o te tusi ke fakamalosi ei a tino faitau, kola ne fakafeagai mo fakasauaga mo puapuaga, ona ko olotou fakatuanaki. Te Tusitala ne fai ne ia se fakamasauaga ki tino faitau, i Tala Lei e uiga ki a Iesu Keliso, i tena mate, toetu, mo te feagaiga o tena toe foki mai, ka aumai ne ia te fakamoemoega ola ki a latou. Mai i te talitonuga tena e tau mo latou o kufaki kae talia olotou puapuaga, kae fakapatonu me se tofotofoga tumau o olotou fakatuanaki, kae ka maua ne latou a te taui i “te Aso tela e toe foki mai ei a Iesu Keliso.”Fakatasi mo tena fakamalosiga i taimi o fakalavelave, a te Tusitala ne fakamalosi ki tino faitau ke ola pela me ne tino o Keliso.Ko Fakasologa o MataupuFakatomuaga (1.1-2)Fakamasauaga mo te fakaolataga a te Atua (1.3-12)Fakamalosiga ki te olaga tapu (1.13—2.10)Tiute o te Kelisiano i taimi o puapuaga (2.11—4.19)Tulaga loto malalo o te Kelisiano mo ana tusaga (5.1-11)Fakaotiga (5.12-14)
