ISAIA 42 - Tuvalu Revised Bible

Ko te Tavini a te Aliki

1

Kae faka'masa pakupaku ne au a pugapugaloto vai.

16“Ka taki ne au toku fenua mata kivi

I auala e seki olo eiloa i ei latou.

Ka avatu ne au a te mainaga ki a latou,

Kae ave keatea a te pouliga,

Kae fakalaugatasi a te laukele masei i olotou mua.

Kona aku tautoga,

Kae ka tausi fakamaoni eiloa ne au.

17A latou katoa kola e fakatuaga ki tupua,

Kola e fakaigoa ne latou a fakatusa ki atua,

Ka fakaseaogagina kae fakamasiasigina.”

Ko te Lotoma'keke o Tino Isalaelu

18Muna a te Aliki,

“Fakalogo mai, koutou tino taliga tuli!

Koutou mata kivi, onoono mai faka'lei!

19E mata e isi se tino e kivi atu i taku tavini,

Kae tuli atu i te avefekau tela ne uga ne au?

20Isalaelu, ko uke a mea ne lavea ne koutou,

Kae se a la te uiga ki a koutou?

E isi ne otou taliga mō fakalogo,

Kae se a te mea ne lagona tonu eiloa ne koutou?”

21A te Aliki ko te Atua tela e fiafia o fakasao a tino,

Tela la, e avake ne ia ana tulafono mo akoakoga,

Kae e manako a ia ke tautali tena fenua i ei.

22Kae nei, a tena fenua ko oti ne 'ta kae fao olotou mea;

Ko ave o loka i lalo i ana

Kae sai i loto i falepuipui.

Ko ta kae fao olotou mea ne te fili,

Kae e seai se tino e vau o faka'sao latou.

23E a, e isi se tino e fia fakalogo mai ki te mea tenei?

E a, ka fakalogologo faka'lei mai koutou i te taimi nei?

24Ko oi ne tuku atu ne ia Isalaelu ke fakatakavale ne te fili?

Ko te Aliki eiloa, tela ne agasala tatou ki ei!

A tatou ne seki ola i te olaga tela ne manako

A ia ke ola tatou i ei,

E seki tautali foki tatou i akoakoga ne aumai ne ia.

25Tena la, ne fakaoko mai ei ne ia te malosi o tena kaitaua

Kae fakapuapuaga tatou i te taua.

A tena kaitaua ko 'ka pela me se afi i Isalaelu,

Kae e se iloa ne tatou a te mea e tupu;

E seai eiloa se mea lei ne tauloto ne tatou mai i ei.