1 NOFOAIGA TUPU 4 - Tuvalu Revised Bible

Ko te Gafa o Iuta

1Tenei te fakasologa o igoa o nisi tino ne tupu mai i a Iuta: ko Pelesa, Heselona, Kami, Hulo, mo Sopala.

2Sopala ko te tamana o Leaia, Leaia ko te tamana o Iaata, Iaata ko te tamana o Aumai mo Lahata, ko tupuga kona o tino e nofo i Sola.

3-4A Hulo ko te tama matua a Efalata, i tena avaga ko Kalepo. A te fa'kai o Peteleema ne fakatu ne tino o tena gafa. E tokotolu a tama tagata a Hulo: ko Etama, Penueli, mo Eseli. Etama e tokotolu ana tama tagata:ko Iseleelu, Isima mo Itipasa, kae e tokotasi tena tama fafine, ko Haseleleponi. A Penueli ne fakatu ne ia a te fa'kai o Ketoa, ka ko Eseli ne fakatu ne ia a te fa'kai o Husa.

5A Asula, tela ne fakatu ne ia a te fa'kai o Tekoa, e tokolua ana avaga, ko Hela mo Naala.

6E tokofa ana tama tagata i a Naala: ko Ausama, Hefa, Temeni, mo Hasetali;

7kae e tokotolu i a Hela: ko Seleta, Isala, mo Etananu.

8A Kosi ko te tamana o Anupa mo Sopepa, mo te tupuga o kaukaiga kola ne tupu mai i a Alelu, te tama tagata a Haluma.

9E isi se tagata e igoa ki a Iapese, se tino i te kaiga tena, ko ia eiloa ko fakaaloalogina ne tino. Ne fakaigoa a ia ne tena matua ki a Iapese, me ne fita eiloa a ia i tena fanaumaiga.

10Ne talo atu a Iapese ki te Atua o Isalaelu penei, “Te Atua, fakamanuia mai au, kae aumai ki a au ne laukele e uke. Fakatasi mai ki a au, kae tausi mai ke mo a e oko mai ne fakalavelave masei ki a au e fakafita ei au.” Ne avatu eiloa ne te Atua a te mea ne manako mai a ia ki ei.

Ko Igoa o Nisi Kaiga

11A Kalepo, te taina o Sua, e isi sena tama tagata e igoa ki a Meila. Meila ko te tamana o Hesetonu.

12Hesetonu e tokotolu ana tama tagata: ko Petelafa, Pasea, mo Tehina. Tehina ne fakatu ne ia a te fa'kai o Nahasa. A tino i te gafa o tino kona ne nofo i Leka.

13A Kenasa e tokolua ana tama tagata, ko Otinielu mo Selaia. A Otinielu e tokolua foki ana tama tagata, ko Hatata mo Meonotai.

14A Meonotai ko te tamana o Ofala.

A Selaia ko te tamana o Ioapo, te tagata ne fakatu ne ia te fa'kai ko te Vanu o Kamuta; a tino katoa i kona e poto katoa i galuega fakakamuta.

15A Kalepo te tama tagata a Iefune, e tokotolu ana tama tagata: ko Ilu, ko Ela, mo Naama. A Ela ko te tamana o Kenasa.

16A Iehaleli, e tokofa ana tama tagata: ko Sifo, Sifa, Tilia mo Asalelu.

17-18A Esela e tokofa ana tama tagata: ko Ietela Meleta, Efala, mo Ialona. Ne avaga Meleta ki a Pitia, te tama fafine a te Tupu o Aikupito; e tokotasi te tama fafine a laua, ko Miliama, kae tokolua ana tama tagata, ko Siamai mo Isipa. Ko Isipa ne fakatu ne ia a te fa'kai o Esetemoa. A Maleta ne avaga foki ki te fafine i te matakaiga o Iuta; e tokotolu a la tama tagata: ko Ieleta tela ne fakatu ne ia a te fa'kai ko Ketoa; ko Hepela tela ne fakatu ne ia a te fa'kai o Soko; mo Iekutielu tela ne fakatu ne ia te fa'kai o Sanoa.

19A Hotia ne avaga ki te tuagaene o Nahama. A tena gafa ne tupu mai i ei a te kaukaiga o Kalema, kola e nofo i te fa'kai o Keila, mo te kaukaiga o Maakata, kola e nofo i te fa'kai o Esetemoa.

20A Simoni e tokofa ana tama tagata: ko Amanono, Lina, Penihananu, mo Tiloni.

A isi e tokolua ana tama tagata: ko Soheta mo Penisoheta.

Ko te Gafa o Sila

21A Sila se tama a Iuta. A tino ne tupu mai i a ia e aofia ei a Elu, te tagata ne fakatu ne ia a te fa'kai ko Leka; Laata, te tagata ne fakatu ne ia a te fa'kai ko Malesa; te kaukaiga o tino laga lino kola e nofo i Peta Asapea;

22Iokima mo tino e nofo i te fa'kai ko Kosepa; mo Ioasa mo Salafa kola ne avaga ki fafine Moapi kae ne nofo i Peteleema. (A tala kona ne tala taumua eiloa.)

23A latou kona ne tino faite ulo mo tiā ki one, kae e galue mō te tupu, kae e nofo i fa'kai o Netaima mo Ketela.

Ko te Gafa o Simeona

24A Simeona e tokolima ana tama tagata: ko Nemuelu, Iamina, Ialipa, Sela, mo Saula.

25A te tama tagata a Saula ko Saluma, a tena mokopuna ko Mepesama, ka ko te tama tagata a tena mokopuna, ko Mesema.

26Mai a Mesema, ko fanaifo eiloa te fakasologa i a Hamuelu, Sakula, mo Simei.

27A Simei e tinogafulu mo te tokoono ana tama tagata, kae e tokoono ana tama fafine; a kaiga o ia e se tokouke olotou fanau, tela la, a te matakaiga o Simeona e se ola malosi e pela mo te matakaiga o Iuta.

28 Ne fagai sale ne latou olotou mamoe i te feitu ki te saegala o te vanu tena e tu ei te fa'kai tena.

40Ne maua atu ne latou a kogā laukele ola e uke i se koga ateatea lasi eiloa, e gali kae filemu. A tino ne nofo mua i kona, ne tino Hamo.

41A tino kona e tusi olotou igoa mai i luga, ne olo ki Kela o fakamasei a faleie mo fale o tino kona e nofo i kona, i te taimi ne tupu ei a Hesekia i Iuta. Ne afuli ne latou a tino i kona, kae nofo latou i kona me e uke a laukele moukua mo kaikai olotou mamoe.

42E isi a nisi tino i te matakaiga o Simeona, e tusa mo te limaselau, ne olo faka‐te‐saegala, ki Etoma. Ne taki latou ne tama tagata a Isi: ko Pelatia, Nealia, Lefaia, mo Usieli.

43Ne tamate ne latou a tino Amaleka kola koi toe mai, nofo ei latou i kona ke oko mai eiloa ki aso nei.