IOELU Fakatomuaga - Tuvalu Revised Bible
FakatomuagaE foliki te mea e iloa, e uiga ki te pelofeta ko Ioelu, kae e se iloa foki te taimi tonu ne ola ei a ia. E se taumate, te tusi nei ne tusi i te lima io me ko te fa o senitenali T. M. K., i aso ne malosi ei te malo o Pelesia. Ne fakamatala ne Ioelu te oko mai o sē akelise, mo te oge vai lasi eiloa i Palesitina. I mea konei ne tupu, e lavea atu ne ia se fakailoga o te oko mai o te Aso o te Aliki, se taimi e fakasala ei ne te Aliki a latou kola e teke ki a ia. Ne fakaoko atu ne te pelofeta a te kalaga a te Aliki ki tino ke sala'mo, mo tena feagaiga o se fakamanuiaga mo te toe fakafouga o ona tino. Se mea taua foki i te tusi nei ko te feagaiga a te Atua me ka uga mai ne ia tena agaga ki luga i tino katoa, tagata mo fafine, mai tino foniki ke oko atu eiloa ki tino matua.Ko Fakasologa o MataupuKo te mala i sē akelise 1.1—2.17Ko te feagaiga me ka toe fakafou olotou olaga 2.18-27Ko te Aso o te Aliki 2.28—3.21
