1Ne nofo te Tupu ko Tavita i tena palesi, kae ne tausi eiloa a ia ne te Aliki ke sao mai ona fili katoa.
2Ne fai atu te tupu ki te pelofeta ko Natano penei, “Kilo mai i a au tenei e nofo i te palesi ne faite ki laupapa o alasi, ka ko te Pusa o te Feagaiga a te Atua e tausi fua i te faleie!”
3Ne tali atu Natano, “Fai te mea e mafaufau koe o fai, me i te Aliki e fakatasi atu ki a koe.”
4Kae i te afiafi tena, ne faipati atu te Aliki ki a Natano penei,
5“Fano o fai ki taku tavini ko Tavita a pati a aku konei ki a ia, ‘E se ko koe te tino ka faite te faletapu mo oku nofo.
6Mai te taimi ne fakasao ei ne au a tino Isalaelu mai Aikupito, au seki nofo eiloa i se faletapu; au ne malaga sale eiloa kae nofo eiloa i te faleie.
7I taimi ne ma'laga sale ei matou mo tino Isalaelu, au seki muimui eiloa ki takitaki o Isalaelu me ai a seki faite ei ne latou se faletapu mo oku ki lakau ko alasi.’
8“Fai ki taku tavini ko Tavita, me i a au, te Aliki Malosi, e faipati atu ki a ia penei, ‘Ne aumai ne au koe mai tau galuega ko te tausi mamoe, o fai koe mo tupu o toku fenua ko Isalaelu.
9Au ne fakatasi atu faeloa ki a koe i so se koga ne fano koe ki ei, kae ne fakatakavale sale foki ne au ou fili. Ka fai ne au a koe ke takutakua e pela eiloa mo te takutakua o takitaki tafasili eiloa i te lalolagi.
10-11Ko oti ne fili ne au te koga mo 'nofo tino Isalaelu, kae ko oti nei ne fakanofo ne au latou i kona, te koga ka nofo ei latou e se toe fakapuapuaga ne nisi malo. Talu mai te taimi ne ulu mai ei latou ki loto i te fenua tenei, ne taua sale atu ki a latou a tino fakasaua i konei, kae nei ka se toe tupu se mea pena. Au e tauto o tausi koe mai ou fili, kae fakatokouke a tino i tou gafa.
12
20Ne a foki aku pati ka fai atu ki a koe! E iloa 'lei eiloa ne koe a au, tau tavini.
21Ko tou loto eiloa mo tou fakamoemoega ke fai te mea tenei; ko oti ne fai ne koe a mea tafasili konei, ko te mea ke akoako ei au.
22Te Aliki Maluga, ko se fakatau mai eiloa tou sili mo tou maluga! E seai eiloa se tino e pau mo koe; ko oti ne iloa sale eiloa ne matou me ko koe fua tokotasi ko te Atua.
23 takutakua i te lalolagi katoa. Ne afuli ne koe ki tuaa nisi malo mo olotou atua i mua o tou fenua, ko tino ne fakasao ne koe mai Aikupito ke fai mo ou tino tonu.
24Te Aliki, ko oti ne fai ne koe Isalaelu mo ou fenua tonu ki te se gata mai, kae ko fai foki koe mo Atua o latou.
25“Kae nei, te Aliki te Atua, fakataunu tau tautoga ne fai e uiga ki a au mo toku gafa, kae fai te mea ne mafaufau koe o fai.
26A koe ka tafasili i te takutakua, ka ko tino ka faipati faeloa penei, ‘A te Aliki Malosi, ko te Atua o Isalaelu.’ Kae ka tausi faeloa ne koe ke tumau te fakasologa o tupu i toku gafa.
27Te Aliki Maluga, te Atua o Isalaelu! Ko malosi toku loto o talo atu ki a koe penei, me ne fakaasi mai ne koe a mea katoa kona ki a au, tau tavini, kae ne fai mai foki koe me ka fili faeloa ne koe a tupu mai tino o toku gafa.
28“Kae nei, te Aliki Maluga, a koe ko te Atua; e tausi faeloa ne koe au tautoga e fai, kae nei, ko oti ne fai ne koe se tautoga gali ki a au.
29Au e fakamolemole atu ki a koe ke fakamanuia mai toku gafa, ko te mea ke tumau faeloa tou fiafia ki a latou. Te Aliki Maluga, ko oti ne tauto mai ne koe te mea tenei, ka ko tau fakamanuiaga ka tumau i luga i tino o toku gafa ki te se gata mai.”
Who We AreWhat We EelieveWhat We Do
2025 by iamachristian.org,Inc All rights reserved.
