1Fakamasaua atu ki otou tino, ke tuku atu katoatoa olotou loto ki olotou pule mo faipule i te faka'logo ki ei, kae ke toka foki o fai so se mea 'lei.
2Fakatonu ke mo a e fakamasei ne latou so se tino, ka ke filemu kae fakatau alofa, ka ke fakaasi foki ne latou a te uiga loto malalo ki tino katoa.
3Me i a tatou ne tino va'lea muamua, ne se fakalogo, kae ne takitaki'segina foki. Ne pologa foki tatou ki manakoga mo fiafiaga valevale. Ne fakamaumau te tou olaga ki te loto masei mo te kaimanako; ko nisi e ita mai ki a tatou ka ko tatou e ita ki a latou.
4Kae i te fakaasimaiga o te alofa kaimalie mo te 'lei o te Atua te tou Fakaola,
5tela ne fakaola ne ia tatou, e se pogai mai i galuega 'lei kola ne fai ne tatou i te amiotonu, kae ne pogai mai i tona alofa 'nau tela ne ana fakaolagina ei tatou, i te fakamaga tela ne aumai ei ne te Agaga Tapu te fanau fou mo te ola fou.
6Me i te Atua ne fakamaligi ne ia a te Agaga Tapu i luga i a tatou, e alatu i a Iesu Keliso te tou Fakaola,
7ko te mea ke takuamiotonugina tatou i tena alofa tauanoa, kae fai foki mo suitonu i te fakamoemoe o te ola se gata mai.
8E tonu eiloa te faigamuna.
Au e manako ke tumau koe i mea konei, ko te mea ko latou kola ne talitonu ki te Atua, ke finafinau latou o tuku atu olotou taimi o fai a galuega 'lei. A mea konei e 'lei kae aoga mō tino katoa.
9Fakagata finauga valea, fakasologa o gafa, finauga mo te faitaua ki te Tulafono, me ko muna se aoga kona mo te seai se uiga.
10Fakatonu fakalua fua a te tino tela e fakatupu ne ia a te fevaevaeaki, sa toe saga atu la ki ei.
11Me e iloa eiloa ne koe i te vaega tino pena, e masei tona olaga, ka ko ana agasala e fakamaoni ei me 'se eiloa a ia.
Ko Polopolokiga Fakapalele12 Galu 20.4; Efe 6.21,22; Kolo 4.7,8; 2Timo 4.12 I te ugaatuga ne au Aletima io me ko Tuiko ki a koe, taumafai malosi ke oko mai koe ki a au i Nikapoli, me ko oti ne mafaufau au o nofo i kona i te vaitaimi o te tau 'moko.
13Galu 18.24; 1Koli 16.12Taumafai malosi o fesoasoani ki a Senasa te loia mo Apolo, ke na kamata te la faigamalaga, kae 'tau mo koe o onoono faka'lei ke katoa a mea katoa e ma'nako a laua ki ei.
14Ke tauloto ne tino o tatou te tuku atu olotou taimi o fai a galuega 'lei, o fesoasoani foki ki fakatagi fakavave kola e manakogina i ei a te fesoasoani, ko te mea ke fakaaoga tonu a taimi o olotou olaga.
15Ko alofa atu ki a koutou katoa a latou konei e 'nofo tasi matou. 'Moli atu omotou alofaaga ki omotou taugasoa i te fakatuanaki.
Ke i a koutou katoa a te alofa tauanoa.
Who We AreWhat We EelieveWhat We Do
2025 by iamachristian.org,Inc All rights reserved.
