1A koutou ko malaia! E fai ne koutou a tulafono se tonu kola e fakapuapuaga ei oku tino.
2Tena te auala e fai ne koutou ko te mea ke se maua ne tino mativa te saolotoga tela e tau o maua ne latou, kae ke fakaloiloi faeloa ne koutou ki tulafono se tonu. Tena foki te faiga e fao ei ne koutou a mea a fafine ko mate olotou avaga mo tamaliki seai ne matua.
3Se a te otou mea ka fai manafai ko fakasala koutou ne te Atua? Se a te otou mea ka fai manafai ko aumai ne ia te puapuaga ki a koutou mai i fenua mao? Tefea te koga ka tele ki ei koutou mo se fesoasoani? Tefea te koga ka funa ei otou koloa?
4A koutou ka mate i te taua, io me toso keatea o ave fakapagota. E ui i te mea tena, ka ko te kaitaua o te Aliki e se gata eiloa; ka tumau eiloa te fola mai o tena lima o fakasala koutou.
Te Tupu o Asulia ko pela me se mea galue a te Atua5 Ko oti ne ulu mai mai i loto i Mikilone! Ne tuku ne latou olotou meakai mo kope i Mekemase!
29Ko oti ne ui mai i loto i te auala i va o mauga, kae konei e manava i te po nei i Kepa! A tino i te fa'kai ko Lama ko oko eiloa i te mataku, ka ko tino i te fa'kai o te Tupu ko Saulo tela ko Kipea ko oti ne tele keatea.
30Tino o Kalima, kalaga! Tino o Laisa, fakalogo mai! Tino o Anatota, tali mai!
31A tino o fa'kai ko Matamena mo Kepima ko tele ke ola latou.
32I te aso nei, a te fili ko nofo i te fa'kai o Nopa, kae e fakatupu olotou taganoa ki te Mauga o Siona, ki te fa'kai o Ielusalema.
33Ka aumai ne te Aliki Malosi a te fili, e pela me ne kaula o lakau kola ne kati mai i te foitino o te lakau kae ko to ki lalo i te laukele. A tino tafasili eiloa i te maluga i a latou, kae tafasili foki i te fakamatamata, ka ta ki lalo kae fakaseaoga.
34Ka ta latou ne te Aliki, e pela mo lakau kola i te kogaloto o te toga vao, kola e kati ki te takū. Ka pela latou mo lakau gali o Lepanona kola ka siga!
Who We AreWhat We EelieveWhat We Do
2025 by iamachristian.org,Inc All rights reserved.
