FAKAASIGA 17 - Tuvalu Revised Bible

Ko te Fafine Tali Tagata Takutakua

1 Iele 51.13 Fakamuli ifo ne vau te tokotasi o agelu mai te toko fitu o agelu kola e i ai a tanoa e fitu, kae fai mai ki a au: “Vau kae ka fakaasi atu ne au ki a koe a te fafine tali tagata takutakua, tela ka fakasala, ko te fa'kai takutakua tela e faite i tafa o vaitafe e uke.

2Isa 23.17; Iele 51.7A tupu o te lalolagi ne 'se katoa mo te fafine tali tagata takutakua tenei, kae ne fakavale'vale katoa tino o te lalolagi i faifaiga se 'lei o tena fina lalolagi.”

3 Faka 13.1 Ne fakatasi te Agaga mo au, 'kave ei au ne te agelu ki te koga lavaki. Ne matea ne au i kona a te fafine e sagasaga i luga i te manu fekai kula, tela e tusi a igoa ma'sei katoa i luga i tona foitino; a te manu fekai tena e fitu ona ulu kae sefulu ona suki.

4Iele 51.7A te fafine e pei ki gatu lanu violeta kae kula, e ufi katoa ki teuga aulo mo fatu tāua mo penina. E puke i tona lima a te ipu aulo e fonu i mea ma'sei mo te matagā, ko fua kona o tena fina lalolagi.

5E tusi foki i tona lae a te igoa tela e iai ona uiga 'funa: “A Papelonia Takutakua, ko te matua o fafine tali tagata katoa, pela foki mo tino e takitaki 'se ne latou te lalolagi.”

6Ne matea ne au te fafine ko konā i te inuga ki toto o Kelisiano, mo latou foki kola ne tamate ona ko te fakamaoni ki a Iesu.

I te mateaga ne au a ia, ko oko eiloa i toku ofo.

7Muna a te agelu ki a au, “Ai a e ofo ei koe? Ka taku atu ne au ki a koe a te uiga 'funa o te fafine mo te manu fekai tela e 'kave sale ne ia, ko te manu fekai e fitu ona ulu mo ona suki e sefulu.

8Tani 7.7; Faka 11.7; Sala 69.28A te manu fekai ne matea ne koe ne ola muamua, ka ko se ola nei; ka fanake nei mai mone o fano ki te koga tela e malaia ei a ia. Ko tino kola e 'nofo i te lalolagi, kola e seki tusi olotou igoa i te tusi o te ola, ka koi tuai o faite te lalolagi, ka ofo katoa latou manafai e 'kilo ki te manu fekai. Me ne ola muamua, kae nei ko se ola, kae ka toe 'sae mai.

9“E manakogina i te mea nei a te poto mo te iloa 'lei. A ulu e fitu, ko mauga kona e fitu, ko mauga kona e sagasaga ei te fafine. Ko tupu foki e toko fitu kona:

10e toko lima o latou ko pa'ku, e tokotasi nei koi pule, ka ko te sua tino e seki oko mai nei; kae kafai e vau ka nofo fua a ia i se taimi toetoe.

11Ka ko te manu fekai tela ne ola muamua, ka ko se ola nei, ko ia tena ko te tokovalu o tupu e pela mo te tokofitu muamua, kae ka fanatu foki a ia ki te koga e malaia ei a ia.

12 Tani 7.24 “A suki e sefulu ne matea ne koe, ko tupu kona e tinoagafulu kola e seki kamata te lotou pule fakatupu, kae ka tuku atu ki a latou te pule fakatupu fakatasi mo te manu fekai i se itula e tasi.

13A te tinoagafulu konei e pau katoa te lotou fakamoemoe, kae tuku atu foki te lotou mana mo te pule ki te manu fekai.

14Ka tau latou ki te Tama Mamoe; ka ko te Tama Mamoe mo tino ne ana kalagagina kae filifilia, mo ona soko fakamaoni ka fakatakavale ne latou a latou, me i a ia ko te Aliki o aliki, ko te Tupu o tupu.”

15Ne fai mai foki te agelu ki a au: “A vai kola ne matea ne koe e sagasaga i ei te fafine, ko tino kona, mo vaitino, fenua mo 'gana.

16A suki e sefulu kola ne matea ne koe mo te manu fekai ka takalia'lia ki te fafine tali tagata; ka puke katoa ne laua keatea a mea a te fafine tena, kae tuku i ei ke nofo fuafua; ka kai ne latou tona foitino, kae 'sunu tona foitino ki te afi.

17Me ko tuku atu ne te Atua i olotou loto a te manako ke fakataunu tena fuafuaga, i te ga'lue fakatasi, kae tuku atu ki te manu fekai te malosi ke pule ei a ia, ke oko eiloa ki te fakataunuga o te fuafuaga a te Atua.

18“A te fafine ne matea ne koe, ko te fa'kai takutakua tela e pule ne ia a tupu o te lalolagi.”