1E se mata tau manafai e tavae ne se tino a te tino valea, e pela eiloa me se kiona i te tau vela, io me ko vaiua i te taimi o te taukai.
2A muna fakamalaia e se mae koe i ei manafai e seai sau mea se ne fai.
E pela eiloa me ne manu eva kola e eva fakasili kae se tu lele eiloa.
3A te solofanua e takitaki ki te kini, te asini ki te fagutu ka ko te valea e takitaki foki ki te kini.
4Kafai e tali ne koe se fesili valea, ko pau eiloa koulua i te valea mo te tino ne fesili ne ia te fesili.
5Kafai e avatu ne koe se tali valea ki se fesili valea, kae ka iloa ne te tino ne fai tena fesili i a ia e se poto malosi pela mo ona mafaufauga.
6Kafai e talia ne koe te vale ke fano o ave tau fekau, e pau eiloa me ko kati keatea ne koe ou vae. A koe e salasala fua ki se fakalavelave.
7A te faataoto, i gutu o te tino valea, e pau eiloa te se aoga mo te tino tela ko pili ona vae.
8A te tavae o se tino valea e pau eiloa mo te fakalavega o te fatu ki te sana fatu.
9A te tino valea tela e taumafai o faipati ki fataoto, e pau eiloa mo te tino konā tela e taumafai o unu te mea e sulufia i tena lima.
10A te pule tela e fakagalue ne ia so se tino valea tela e vau i te auala, e fakamae fua ne ia a tino galue katoa.
11 e mafai o funa ne ia a te loto masei, e pela eiloa mo te tia kele taumama tela e ufi ki se mea gali.
24A te tino pelo e funa tena takalialia i muna takolekole.
25E mafai o logomalie i te fakalogo, kae mo a eiloa e talitonu koe ki ei, me i tena loto ko fonu eiloa i te takalialia.
26E mafai ne ia o funa tena se fiafia, kae ka matea eiloa ne tino katoa ana amioga masei ka fai.
27A tino kola e tao a malei mō nisi tino, e lave foki eiloa latou i olotou malei ne 'tao. A tino e fakamafua ne latou te matoli o mauga, e muamua foki eiloa o taotaomaki.
28E tau o takalialia mua koe ki se tino, ko fatoa mafai ei ne koe o fakamae ki au muna loi. A muna takolekole e aumai fua ne ia te masei.
Who We AreWhat We EelieveWhat We Do
2025 by iamachristian.org,Inc All rights reserved.
