2 TUPU 5 - Tuvalu Revised Bible

Ko Lei te Masaki o Naamanu

1 tela e isi te 'mana e mafai o fakaola kae tamate a tino? Ko lavea atu eiloa me kaati e taumafai ke fakakinau maua!”

8I te logoga o te pelofeta ko Elisaia i te mea tena, ne uga atu ei tena fekau ki te tupu penei: “Ai a e kaitaua katoa ei koe pena? Uga mai te tino tena ke vau ki a au, kae ka fakaasi atu ne au ki a ia me e isi se pelofeta i Isalaelu!”

9Tena ne fanatu ei Naamanu mo tena kaliota mo ana solofanua, tu ei i mua o te mataloa o te fale o Elisaia.

10Ne uga atu ne Elisaia tena tavini ke fano o fai ki a Naamanu ke fano o uku fakafitu i te vaitafe o Iolitana, kae ka 'lei tena lepela.

11Ka ko Naamanu ne fano mo te kaitaua, ana muna, “Au e leake nei me ka vau a ia ki tua ki a au, o talo atu ki te Aliki tena Atua kae fue atu tena lima i luga i te koga tela e lepela, o fai ke 'lei!

12Ka ko vaitafe foki la kola i Tamaseko, ko Apana mo Falapa, e lei atu i vaitafe katoa i luga i Isalaelu. E mafai faeloa au o uku i ei ko 'lei ei au!”

13Ne olo atu ana tavini ki a ia kae fai atu penei, “Tou 'malu, moi ne fai mai te pelofeta ke fai ne koe se mea faigata, e fai eiloa ne koe. Ai a ko ita ei koe ma fanatu fua o uku tou foitino ki te vaitafe e pela mo muna a Elisaia, ko 'lei ei koe?”

14Tena, ne fanatu Naamanu ki te vaitafe o te Iolitana, uku tena foitino e fakafitu taimi i te vai, e pela mo te fakatonuga a Elisaia, tena ne 'lei ei tena lepela. Tena ko mata 'lei mai tena pa'kili kae ko mata malosi foki, e pela mo te pakili o se tamaliki foliki.

15Ne foki atu a Naamanu mo tena kau katoa ki a Elisaia, kae fai atu penei, “Ko iloa nei ne au, me e seai aka foki eiloa se atua, na ko te Atua eiloa o Isalaelu; tela la, tou 'malu, fakamolemole, talia mai taku meaalofa tenei.”

16Ne tali atu Elisaia, “Au e tauto i te igoa o te Aliki ola, tenei e tavini au ki ei, me e se mafai ne au o talia se meaalofa.”

Ne finau atu eiloa Naamanu ke talia mai ne Elisaia te meaalofa, kae e ita eiloa Elisaia.

17Tena ne fai mai ei a Naamanu penei, “Kafai e se talia ne koe taku meaalofa, talia mai la ke fakauta ne au ne asini e lua ki one o te koga nei ke ave ne au ki toku fenua, me mai te taimi tenei, ka se toe ofo atu eiloa ne au ne taulaga io me ne taulaga 'sunu ki se isi atua aka, na ko te Aliki eiloa.

18Tela la, au e fakamoemoe me ka fakamagalo au ne te Aliki manafai e olo atu maua mo toku tupu ki te faletapu o Limoni, te atua o Sulia, o tapuaki ki ei. Se taumate e fakamagalo eiloa au ne te Aliki!”

19Muna a Elisaia, “Fano mo te manuia.” Tena, ne fano ei a Naamanu.

E seki mao atu a ia,

20kae fai aka mo te tavini a Elisaia ki a ia eiloa penei, “A toku matai ko tuku atu fua ne ia a Naamanu ke fano kae seai se mea ne togi mai ne ia! Ne tau mo Elisaia o talia te meaalofa ne tuku mai ne te tagata Sulia tela ki a ia. I te igoa o te Aliki ola, au ka tele atu i ona tua ke maua mai se mea mai i a ia.”

21Tena ne fanatu ei a ia o tautali i a Naamanu. I te laveaga ne Naamanu me isi se tagata e tele atu i ona tua, tena ne sopo ifo a ia ki lalo mo tena kaliota o fakafetaui atu ki ei, kae fesili atu penei, “E isi se mea e tupu?”

22Ne tali mai Keasi, “E seai, ko toku matai fua ne uga mai ne ia a au me isi se tokolua mai te kau pelofeta i te fenua malugaluga o Efalaima ne fatoa oko mai, kae e manako a ia ke tuku mai ne koe ma laua e tolu afe siliva kae lua gatu fou.”

23Ne tali atu a Naamanu, “Fakamolemole, puke atu e ono afe siliva.” Ne finau atu eiloa Naamanu ke puke e ono afe, tena ne fao ne ia te siliva ki loto i taga e lua, sai aka a gutu o taga, kae tuku atu ne ia ki ana tavini e tokolua, fakatasi mo gatu fou e lua, kae uga atu ne ia ke mua atu i a Keasi.

24I te oko atuga a latou ki te koga maluga tela e nofo ei a Elisaia, ne puke aka ne Keasi a taga kona e lua, kae avatu ne ia ki loto i te fale. Tena, uga atu ei ne ia a tavini a Naamanu ke foki.

25Ne fanatu a ia ki loto i te fale, kae sili atu mo Elisaia ki a ia penei, “A koe ne nofo i fea?”

Ne tali mai a ia penei, “Tou 'malu, au seki fano ki se koga.”

26Kae ne fai atu a Elisaia penei, “A toku agaga ne nofo i kona, ne matea ne au te fanaifoga o te tagata tena mai tena kaliota o fakafetaui atu ki a koe. E se tau o talia ne tatou ne tupe io me ne gatu i te taimi nei, io me ne olive io me ne toga vine, io me ne mamoe io me ne pulumakau, io me ne tavini!

27Kae nei, a te masaki o Naamanu ka nofo i a koe, kae ka maua faeloa ne tino i tou gafa ki te se gata mai!”

I te fanoga o Keasi, ko maua a ia ne te lepela, a tena pa'kili ko 'kena eiloa e pela me se kona.