1Viki atu koutou ki te Aliki!
Viki atu ki te Aliki mai te lagi,
A koutou katoa kola e nofo i koga maluga.
2Viki atu ki a ia ana agelu katoa,
Mo ana kautau katoa i te lagi.
Koutou katoa ana kautau o te lagi.
3Viki atu ki a ia te la mo te masina;
Viki atu foki ki a ia koutou fetu.
4Viki atu ki a ia a lagi tafasili i te maluga!
Mo vai i luga i te lagi.
5Ke viki atu latou katoa ki te igoa o te Aliki!
Ko tena fakatonuga ne fakafua ei latou;
6Ko tena fakatonuga foki ne fakatulaga ei latou ki olotou tulaga se gata mai,
Kae ne faka'logo eiloa latou ki ei.
7Viki atu koutou ki te Aliki mai te lalolagi,
ika lasi o te tai mō koga poko katoa o te moana;
8Uila mo te vaiua aisa, kiona mo kaumana,
Matagi ma'losi kola e faka'logo ki tena fakatonuga.
9Viki atu ki a ia a koutou mauga malalo mo mauga ma'luga,
Mo lakau fai fuaga mo togā vao lasi;
10Ko manu katoa, manu lata mo manu vao,
Manu tolo mo manu eva.
11Tupu mo tino katoa, ke viki koutou ki a ia;
Pelenise katoa mo takitaki katoa;
12Tamataene mo tamafine,
Tino matua mo tamaliki foki.
13Ke viki atu katoa latou ki te igoa o te Aliki!
Ko tena igoa e tafasili i igoa katoa;
Tena 'malu e maluga atu i te lagi mo te lalolagi.
14Ne fakamalosi ne ia a tena fenua,
Ko te mea ke viki atu ki a ia ona tino katoa,
Ko tino Isalaelu kola e fagasele i a ia.
Viki atu koutou ki te Aliki!
Who We AreWhat We EelieveWhat We Do
2025 by iamachristian.org,Inc All rights reserved.
