SALAMO 7 - Tuvalu Revised Bible

Ko te 'Talo mō te Fai Mea Tonu

1Te Aliki, toku Atua, ko koe e malu ei au;

fakaola kae fakasao mai au,

mai i a latou katoa kola e afuli ne latou au,

2I a au ma ave ne latou ki se koga,

o saesae likiliki i ei e pela mo te amio a te leona,

kae se mafai ne se tino o fakasao au.

3-4Te Aliki toku Atua,

Kafai ne fai ne au se mea 'se ki se tino,

Kafai foki ne fakalata ne au soku taugasoa,

io me alofa atu ki se tino ne 'se mai ki a au —

Kafai ne fai ne au se mea o mea konei,

5Ko 'tau ei o tuku atu au ke ta ne oku fili ke mate,

Kae tiakina au ke mate i luga o te laukele! Selau

6Te Aliki, tu mai ki luga mo tou kaitaua,

Tu mai ki luga o 'teke atu ki te ita mai o oku fili!

Ala mai o fesoasoani mai ki a au,

Me i te fai meatonu ko te mea tena e manako koe ki ei,

7Ke fakamaopoopo mai katoa tino ki a koe,

Kae pule mai ne koe latou mai te lagi.

8Te Aliki, a koe ko te famasino o tino katoa;

Fakamasino mai mo te alofa ki a au,

E iloa ne koe i a au e 'ma kae 'lei.

9 Faka 2.23 Fakagata uiga ma'sei a tino amio ma'sei,

Ka ko au e 'talo atu ke fakamanuia ne koe a tino amio lei.

Me i a koe ko te Atua amiotonu,

Tela e fakamasino ne koe omotou mafaufauga mo omotou manakoga.

10A te Atua ko toku 'puiga;

E fakasao ne ia a tino kola e faka'logo ki tena muna.

11A te Atua ko te famasino amiotonu,

Kae fakasala faeloa ne ia tino amio ma'sei.

12Kafai a tino e se sala'mo,

Ko te Atua ka fakamata tena pelu.

Ka fakatoka foki ne ia tena kausana;

13E puke ne ia ana meatau fakama'taku

Kae fakatonutonu o sana ana matasana 'ka.

14Kiloke ki mafaufauga masei o tino amio masei;

E fakatupu fakalavelave kae amio faitogafiti.

15E fakatoka ne latou a malei mō nisi tino,

Kae lave'lave eiloa a latou i ei.

16Tela la, e fakasala eiloa a latou i olotou amioga masei,

E mae foki eiloa latou i olotou fakasauaga.

17Ka fakafetai au ki te Aliki e tusa mo tena fai mea tonu,

Ka viki au ki te Aliki Tafasili i te Maluga.